Menu Close

مواصفات لعب الأطفال

مواصفات لعب الأطفال
مواصفات لعب الأطفال
مواصفات لعب الأطفال
كتب : يسر الجميل

انضم لقناة كوكب المعرفة على تليجرام

.. 🚗🦋⚽️ ماما…أنا عايزلعبة 🦋⚽️🚗
أمهات كتير بتحتار في شراء لعب أولادها ،مابين :
  • طلبات أولادها إلى مبتخلصش
  • الميزانية القليلة
  • أو أنها مش عارفة ايه اللعب المناسبة لهم
الأول خلينا اطمنك واقولك إنك عشان تحققى لأولاك متعة اللعب وكمان هدفه التعليمي مش شرط خالص تشترى لعب كتير 
مش شرط تشتري أصلا 😉
أهم اللعب موجودة في كراكيب بيتنا وأنا واحدة من الناس إلى لحد النهاردة مش بنسى المتعة إلى كنت بحسها أثناء اللعب وأنا صغيرة بالرغم من إن معظم لعبنا كانت من خامات البيت وكنا أحنا إلى بنصنعها كمان بنفسنا 😍😍
لحد دلوقتى منساش عروستى إلى كانت من الخيط الصوف والطيارة إلى كنا بنعملها من أكياس التلاجة والخيط 😂 أو اللعب بمشابك الغسيل أو …
كل المطلوب منك إنك تعيدى النظر مرة تانية لسلة المخلفات فى بيتك
أهم حاجات ممكن نستغلها :
كرتونة البيض أو بكر المناديل الفاضى أو أزايز اللبن أو العصير أو كرتونة الشوز الجديدة أو …
كل دى وسائل للإبداع،ابنك ممكن يصنع منها عالمه الخاص ،
كل ما عليك انك توفرى لابنك الكراكيب دى من غير توجيه أو أوامر وهو عقله هيشتغل وهيبدع وهيبهرك
وع فكرة دى وسيلة مهمة جدا لتنمية التخيل والإبداع عند الطفل إنه يعيد استخدام الأشياء بشكل جديد او يستنتج استخدامات غريبة لأشياء موجودة بالفعل،وهتبقى لعبته الجديدة إلى صنعها بإيده أهم وأغلى عنده من أى لعبة تانية ممكن يشتريها
طب ولما اشترى لابنى لعبة اشتريها إزاى ؟
أنا هنا هقولك الجملة السحرية إلى مينفعش تنسيها أبدا وانت بتشترى ألعاب طفلك وهى
جسمية إنشائيةجماعية 
لازم اللعب تغطى التلات جوانب دول ولازم يكون بينهم تكامل يعنى مثلا
لو حضرتك محددة إنك بتشترى لعبة كل شهر فهيكون النظام كالتالى
الشهر الأول : لعبة جسمية
يعنى لعبة تساعده على تنمية عضلات جسمه لعبة تساعد على الحركة والتنطيط زى الكرة أو نط الحبل ….
الشهر التانى : لعبة إنشائية
يعنى لعبة تساعده على إنشاء شكل من خياله تساعده على الإبداع والإبتكار
زى الصلصال إلى بيشكله زى ما يحب أو الميكانو او الليجو أو التانجرام
او اى لعبة بتخلي الطفل ينشأ شكل نهائى من أجزاء صغيرة
الشهر التالت : لعبة جماعية
يعنى بتتلعب بأكتر من طرف ودي من خلالها الطفل هيتعلم قواعد التعامل مع الأخر والمشاركة وأسس التفاوض وتقبل الرأى المختلف والوصول لحلول وسط
زى مثلا الشطرنج ،البينج بونج ،التمثيل ، ،…اى لعب متتلعبش بواحد بس
وبكده تكونى حققتى التوازن بين أهم ٣ جوانب
استنى✋✋
لسه المقال مخلصش النقطة إلى جاية دى أهم نقطة
إزاى ممكن احقق التلات جوانب فى لعبة واحدة ؟
الأم الذكية مبتنساش أبدا المعادلة دى فى كل لعبة
( جسمية..إنشائية ..جماعية)
وبتقدر تخلى معظم الألعاب بتشمل التلات جوانب
يعنى مثلا
الصلصال لعبة فالأصل إنشائية لكن كمان هى بتنمى العضلات الدقيقة للطفل إلى هى عضلات اليد فتبقى كمان جسمية
طب لو جمعنا الأخوات او الأصحاب مع بعض يشتركوا فمجسم كبير بالصلصال أو كل واحد يعمل جزء من البيت ويتفاوضوا بقا 😊
على الشكل النهائى تبقى كمان بقت جماعية
وبكده تكونى حققتي التلات جوانب في لعبة واحدة
المهم إنك دايما متنسيش
( جسمية …إنشائية …جماعية ) 😊



قبل العودة إلى المدارس تعرف على أهم اضطرابات النوم عند الأطفالقبل العودة إلى المدارس تعرف على أهم اضطرابات النوم عند الأطفال

ما هي المشاكل التي تواجه الطفل عند وجود اضطرابات في النوم؟ اضطرابات النوم عند الأطفال لها العديد من التأثيرات السلبية على صحتهم، فإذا كان اضطراب النوم لديهم في صورة ساعات نوم أقل من الطبيعية، فسنجد بعض المشاكل

إقرأ الموضوع كاملا
تنظيف السجاد على الناشف بطريقة المحترفين وفى وقت قياسيتنظيف السجاد على الناشف بطريقة المحترفين وفى وقت قياسي

قطع السجاد في المنزل من الأشياء المبهرة التي تضفي فيه الرقي والجمال في المكان وتبرز فخامته ورونقه، ولكن مع مرور الوقت والتأخير في تنظيف هذه القطع الراقية يتعرض السجاد للغبار والأتربة اللذان يعكران صفو جماله ولونه، لذلك نقدم لك في كوكب المعرفة المنظف السحري للسجاد.

إقرأ الموضوع كاملا
الكذب عند الاطفال .. المشكلة وأسبابها وعلاجها التربويالكذب عند الاطفال .. المشكلة وأسبابها وعلاجها التربوي

الكذب عند الاطفال مشكلة كبيرة يواجهها الكثير من الآباء، ويحاولوا حلها بشتى الطرق خوفاً من أن تكبر هذه الصفة لدى الطفل وتصبح عادة لديه حتى بعد أن يشب ويكبر، ومما لاشك فيه أنها ستسبب له الكثير من المشكلات في الحياة سواء كانت حياته الشخصية أو تلك التي يكون لها علاقة بالأخرين.

إقرأ الموضوع كاملا
تعرف على فوائد ماء البحر للبشرة وللجسم تعرف على فوائد ماء البحر للبشرة وللجسم 

يحتوي ماء البحر على الملح الذي يعد مفيد للغاية للبشرة والجسم والشعر، وتكمن أهمية ماء البحر بسبب الملح الموجود فيه، وهو عبارة عن معدن طبيعي من البلورات البيضاء والتي تتكون من عنصري الصوديوم والكلور، لذلك عندما تتبخر مياه البحر تترك خلفها هذه البلورات والتي عديمة اللون والرائحة، ومما لاشك فيه تحتاج أجسامنا لمثل هذه الأملاح بسبب فوائدها الكثيرة، حيث أن ملح مياه البحر يحتوي على العديد من الفوائد التي لا توجد في الملح العادي.

إقرأ الموضوع كاملا
تعرف على القيمة الغذائية للأطعمه لتحصل على جسم أكثر رشاقةتعرف على القيمة الغذائية للأطعمه لتحصل على جسم أكثر رشاقة

قد تعاني من السمنة وزيادة الوزن وترغب في اتباع حمية غذائية ورجيم قاس، لكن دعني أخبرك أن الحمية الغذائية التي لا تتبع نظامًا غذائيًا صحيًا تكون نتائجها سلبية على الحالة الصحية للجسم، والتي تؤثر بدورها على الحالة النفسية، وبالتالي لا ضمان لنجاح الحمية الغذائية.

إقرأ الموضوع كاملا

مقترح لك ...