Menu Close

هل تصدق إحدى هذه الأكاذيب السبعة

قناعات خاطئة
قناعات خاطئة
سبع كذبات أنت تصدقهم
كتب : نهاد رجب

ليستة ب 7 حاجات كنت فاهمهم غلط عن الدنيا

1- فيه نوعين من الناس غني أو فقير
طلع في النهاية قرار واجتهاد ، عايز تكون على انهي ناحية ؟ طلع فيه عدل وطلع فيه سعي وطلع فيه قرارات هي اللي بتحدد النتايج اللي بتوصلها. قدرتك على انك تكمل وتستمر هي اللي بتفرق في النهاية.
2- الحال واحد
مفيش حاجة في الدنيا ثابتة.. سواء كان مادة أو حالة نفسية أو حالة اجتماعية.. اتعلمت اني يبقى عندي مرجعية ثابتة تسندني لما الدنيا تتلخبط حواليا والامواج تعلى وتهدى . ومفيش غير حاجة واحدة بس تعتبر مرجعية ثابتة .. ربنا. مهما غبت عن المرجعية أو مهما قصرت تجاهها . بكتشف دايما ان المرجعية مبتاخدش مني موقف أو بتتغير بسببي . هي دايما موجودة وثابتة وهتعينني حتى ولو نسيتها بعدين في وقت السلم.
3- الناس بتتآمر عليا
محدش بيصحى من النوم وبيقرر انه يضايقك أو يإذيك، كل فكرة في دماغك هتتحقق برضه في دماغك . هتشوف بعينك اللي عقلك صنعه في دماغك من معاني. لكن في النهاية الناس غلبانة . مش كلهم بيعرفوا يعبروا عن اللي جواهم بطريقة سليمة. بس على الاقل فيه غيرهم تقدر تحاوط نفسك بيهم دايما. الناس مش شريرة . الناس بس عندها طموحات ورغبات وأحلام .. كل واحد عايز يوصل بالطريقة اللي هو شايفها سهلة بالنسبة له. يمكن تتعارض معاك بس في النهاية كلهم خير .
4- اتعب علشان ترتاح بعدين
محدش بيتعب علشان يرتاح .. لو تعبت وانت بتعمل حاجة ، نفس الحاجة ديه هتكون مصدر تعبك طول عمرك .. اما ترتاح من البداية للنهاية او تدور على طريقة تخليك توصل برضه وانت مرتاح .. احنا جايين نلعب ونرتاح مش نفرهد نفسنا .
5- الناس القديمة فاهمة أكتر
كل انسان عنده وعي خاص بيه، ومحدش بيتولد بميزة زيادة أو مش موجودة في باقي بني البشر، لو حد من القدامى فهم بطريقة محددة ، ده مش معناه انك تغمض عينك وتمشي وراه . جرب تفهم بطريقتك . طالما فهمك هتحتفظ بيه لنفسك ومش هتفرضه على الناس التانية. انت كمان بتفهم . متصدقش حد يقولك انت لسة صغير او انت مش دارس او مش فاهم حاجة. دلوقتي كل حاجة وكل معلومة تقدر توصلها بسهولة ومجانا . بس علشان ده يحصل .. ارجع للنقطة الأولى.
6- محدش بيمشي من الدنيا واخد حاجة معاه
لا بياخدوا ، بياخدوا مكان في قلوبنا ، او بياخدوا حياتنا لو ماتوا وكانوا السبب في دمارنا الشخصي. يقدروا ياخدوا ارواحنا واحلامنا وهما تحت التراب . يقدروا ياخدوا سعادتنا معاهم . يقدروا ياخدوا فلوس لو معدلوش في حياتهم . يقدروا ياخدوا سمعتهم او بصمتهم أو نور مرافقهم وكله على حسب أعمالهم. الناس بتمشي من الدنيا وهما معاهم حاجات من الرحلة. بس انت اختار تحب تاخد معاك ايه.
7- على أد لحافك مد رجليك.
ارمي اللحاف لو مش على أدك ، ديه مشكلة اللحاف لو صغر عليك. مش مشكلتك انك كبرت ورجلك طولت .. على أد رجليك اختار لحاف ولو ملاقيتش ارمي اللحاف ، أحلامك هتدفيك وهتوصل
ويومكم أجمل من يومي
أسرار التحكم في الوقت : كيف تحول 24 ساعة إلى 48 ساعة؟أسرار التحكم في الوقت : كيف تحول 24 ساعة إلى 48 ساعة؟

ستساعدك هذه الطريقة على توفير الكثير من الوقت، فعند قيامك بجمع المهام المتشابهه سينحصر تركيزك فكرة واحدة لذلك هي من أفضل طرق التحكم في الوقت وتنظيمه، فمثلا إذا قمت بمراجعة رسائل بريدك الإلكتروني في مرة واحدة فأنت بذلك قمت بالتركيز على مهمة واحدة بدلا من وضعها بشكل فوضوي مع باقي المهام اليومية.

إقرأ الموضوع كاملا
لماذا تقل الثقة بالنفس مع زيادة المعرفة ؟ ما يقوله العلم.لماذا تقل الثقة بالنفس مع زيادة المعرفة ؟ ما يقوله العلم.

هذا التأثير سمي على اسم العلماء النفسيين ديفيد دانينغ وجاستن كروجر ، اللذين أجريا دراسة في عام 1999 أظهرت أن الأشخاص الذين يؤدون بشكل سيء في مجالات مثل اللغة والمنطق والرياضيات ، يميلون إلى تقييم قدراتهم بشكل أعلى من اللازم ، ويعزون فشلهم إلى عوامل خارجية.

إقرأ الموضوع كاملا
الحل السحري لتنظيم الوقت باحترافية فى سبع نقاط فقطالحل السحري لتنظيم الوقت باحترافية فى سبع نقاط فقط

في هذا المقال، ستجد نصائح فعّالة لِتنظيم وقتك بذكاء، وتحقيق أقصى استفادة من كلّ لحظة. مع تطبيق هذه النصائح، ستتمكن من : تحديد أهدافك بوضوح. وضع خطّة عمل فعّالة.. فهم المُفسدات التي تُعيق يومنا يُساعدنا على اتّخاذ خطواتٍ فعّالة لزيادة الإنتاجية وتحقيق التوازن بين مختلف جوانب حياتنا.

إقرأ الموضوع كاملا
من هو ياسر الحزيمي صاحب أشهر بودكاست عربي؟من هو ياسر الحزيمي صاحب أشهر بودكاست عربي؟

يعد ياسر الحزيمي كاتبا حاملا للجنسية السعودية في مجال التنمية البشرية، ودرس اللغة العربية في جامعة الملك سعود في المملكة العربية السعودية، وحصل على شهادة الدبلوم في الإرشاد النفسي في جامعة الملك فيصل وولد في عام 1980 ميلاديا وهو سني.

إقرأ الموضوع كاملا

مقترح لك ...