Menu Close

سبع علامات تدل على انك جنتل مان

سلوكيات الجنتل مان
سلوكيات الجنتل مان
سبع نقاط يتمير بها الإنسان الشيك
كتب : نهاد رجب

1- الانسان الشيك هو اللي بيخليه في حاله ..
يعني الشخص الشيك مش هيقولك انت ازاي تعمل كذا كذا .. كده غلط .. لو سألته وطلبت رأيه هيقول رأيه من غير ما يغلطك .. او ينصحك او يوجهك … هو هيقولك رأيه بشكل عام لإنه شيك .
2- الانسان الشيك فاهم يعني ايه حرية الرأي ..
هو بجد بيمارس حرية الرأي.. مش بيشتمك مثلا ويقولك اصل ديه حرية ..
هو بيحترم افكارك وادراكك وفهمك وبناء عليه بيقول رأيه مع وضع رأيك في الاعتبار من غير ما يفرض عليك رأيه أو افكاره . هو مؤمن بحريتك انت كمان وده بيبان في كلامه وردود افعاله لما رأيك يكون مختلف.
3- الانسان الشيك لو حس انه متضايق هيسيب المكان ويمشي او يعتذر ..
من غير ما يتخانق معاك لانك اختلفت معاه .. مش هيحتاج انه يسيب بصمته طول الوقت ويرد على المختلفين مع فكره .. هو اصلا مكتفي بذاته وبدماغه .. هو عارف انه مش محتاج يحارب علشان يقنعك بحاجة وكفاية انه هو يكون مقتنع .
4- الانسان الشيك بيرفض بشياكة .. مش دبش مثلا او بيأنب ضميرك قبل ما بيرفض ..
هتطلب منه طلب هيقولك ردود من نوعية “انا مهتم جدا اني اساعدك بس فعلا حاليا مش هقدر افيدك” ولإنه شيك فهو هيقدر انك طلبت منه هو فهيحاول يساعدك ولو بنسبة بسيطة تقديرا انك رجعتله.
5- الانسان الشيك بيعتذر ..
لانه متصالح مع نفسه فهو لو غلط ، معندوش ادنى مشكلة انه يعتذر .. مش نهاية العالم بالنسبة له وبالعكس بيكون راضي اكتر عن نفسه لما بيقول “انا اسف” … وجزء من شياكته هو انه لو عمل حاجة غلط مش هيحاول يدافع عن نفسه او يبرر .. لما بيغلط هو بيقر انه بيغلط حتى لو استمر على غلطه.
6- الانسان الشيك هياخد حقه بشياكة ..
مش هتلاقيه بيشتم وبيزعق ، هو هيسأل كويس جدا عن حقوقه قبل ما يطالب بيها واول حاجة هيعرفها قبل ما يطالب بحقه هو “انا هطالب بحقي من مين” .. مش هتلاقيه مثلا بيزعق مع موظف خدمة عملا .. هو ببساطة هيفهم ان الموظف مش هو ده هدفه وفيه حد تاني هيقدر يجيبله حقه وهيطلبه بنفس الهدوء.
7- الانسان الشيك هيختار كلماته لانه عارف انه مش عايش في غابة او ذريبة ..
هو عايش مع بشر زيهم زيه، فهتلاقيه بيختار انسب الكلمات اللي هيتعامل بيها مع الناس .. هو شيك ..
الانسان الشيك في كل اللي في فات مقولتش ان معاه فلوس او عربية اخر موديل او حتى عربية .. ممكن يكون مش لاقي ياكل عادي جدا ، لإن الشياكة ملهاش علاقة بالمستوى الاجتماعي او الثقافي والتعليمي . الشخص الشيك هيكون شيك طول الوقت وفي كل مكان وتحت اي ضغوط.

هل انت شيك عزيزي القارئ؟

مهارات يجب أن تتعلمها لتتفوق على الذكاء الإصطناعيمهارات يجب أن تتعلمها لتتفوق على الذكاء الإصطناعي

وهي مهارات لا يمكن للذكاء الإصطناعي أن يتفوق فيها على الإنسان بسهولة .. وبالتالي يجب أن يتقنها الإنسان ليستطيع عملها بشكل أفضل. وهي غالبا مهارات بشرية لا تعتمد على الروتينية فى الأداء وإنما تستند بشكل كبير على التفكير الإبداعي والتفكير التحليل والتفكير النقدي والمستويات العليا من التفكير عموما. أو تعتمد بشكل كبير على العواطف وفهم المشاعر .. أو على الرؤى الفنية أيضا.

إقرأ الموضوع كاملا
أسرار التحكم في الوقت : كيف تحول 24 ساعة إلى 48 ساعة؟أسرار التحكم في الوقت : كيف تحول 24 ساعة إلى 48 ساعة؟

ستساعدك هذه الطريقة على توفير الكثير من الوقت، فعند قيامك بجمع المهام المتشابهه سينحصر تركيزك فكرة واحدة لذلك هي من أفضل طرق التحكم في الوقت وتنظيمه، فمثلا إذا قمت بمراجعة رسائل بريدك الإلكتروني في مرة واحدة فأنت بذلك قمت بالتركيز على مهمة واحدة بدلا من وضعها بشكل فوضوي مع باقي المهام اليومية.

إقرأ الموضوع كاملا
لماذا تقل الثقة بالنفس مع زيادة المعرفة ؟ ما يقوله العلم.لماذا تقل الثقة بالنفس مع زيادة المعرفة ؟ ما يقوله العلم.

هذا التأثير سمي على اسم العلماء النفسيين ديفيد دانينغ وجاستن كروجر ، اللذين أجريا دراسة في عام 1999 أظهرت أن الأشخاص الذين يؤدون بشكل سيء في مجالات مثل اللغة والمنطق والرياضيات ، يميلون إلى تقييم قدراتهم بشكل أعلى من اللازم ، ويعزون فشلهم إلى عوامل خارجية.

إقرأ الموضوع كاملا
الحل السحري لتنظيم الوقت باحترافية فى سبع نقاط فقطالحل السحري لتنظيم الوقت باحترافية فى سبع نقاط فقط

في هذا المقال، ستجد نصائح فعّالة لِتنظيم وقتك بذكاء، وتحقيق أقصى استفادة من كلّ لحظة. مع تطبيق هذه النصائح، ستتمكن من : تحديد أهدافك بوضوح. وضع خطّة عمل فعّالة.. فهم المُفسدات التي تُعيق يومنا يُساعدنا على اتّخاذ خطواتٍ فعّالة لزيادة الإنتاجية وتحقيق التوازن بين مختلف جوانب حياتنا.

إقرأ الموضوع كاملا
أسرار التحفيز الذاتي : 15 طريقة غير تقليدية لتحفيز نفسكأسرار التحفيز الذاتي : 15 طريقة غير تقليدية لتحفيز نفسك

تذكر أن التحفيز هو عملية مستمرة. سيحتاج إلى العمل عليها باستمرار للحفاظ على دافعك. التحفيز ليس شيئًا يحدث مرة واحدة ثم ننسى عنه. إنه عملية مستمرة يجب أن نعمل عليها باستمرار للحفاظ على دافعنا. فيما يلي بعض النصائح للحفاظ على التحفيز: راجع أهدافك بانتظام. تأكد من أنك لا تزال متحمسًا لتحقيق أهدافك. إذا كنت لا تشعر بالإلهام، فقد تحتاج إلى تعديل أهدافك أو إعادة التفكير في سبب رغبتك في تحقيقها.

إقرأ الموضوع كاملا

مقترح لك ...