نظرة حلوة | قصيدة
الشاعر :عاطف محمد
نظرة حلوة هي قصيدة رومانسية من القالب العمودي .. كتبها الشاعر الكبير الاستاذ عاطف محمد
لما كان قلبك بينطق .. بالكلام
كنت باسكن ….. بالأوامر
كل طيف الاشتياق
الأوامر ….. من عنيكى
قوه فيها ألف جان
أمشى مسلوب ….الإرادة
جوه حبك ..
جوه نبضك…
واسهر الأيام …..ما انام
وأبنى ألف .. وألف حلم
و ابتدى أرسم ياعمرى
كل حلم لأرض ….. واقع
لأجل ماتعيشى…. براحته
انتصاره وازدهاره
لأجل ما تدوقى….. نهاره
وتعيشيه ثانيه ….. بثانيه
فرحه رايحه…. وفرحه جايه
وان أصابه ف يوم… ملل
من طيف مشاعره
ويا شوقه
ويا سيرته
نفتعل للهجر حاجه
تأدى غيرته
تبدأ اللوعة تقولى
الحبيب بقاله ثانيه
ما اتصلشى…
ما اتواصلشى…
حتى مابصش علينا
باى نظره
نظرة حلوة …. م إللى هى
نظره زى…. ما تكون الهديه
إللى ملفوفة .. بفضى
واللى مربوطة…
ب….شريط
لونه احمر كتير …..ف وردى
كل عين بتبص.. ليه
القلوب ساكنه عليه
قلب مكتوب فيه…
ااااااااه ……يا قاسى
ثانيتين
عينك ما سألت
قلب تانى
انت واحش…
كل حته من كيانى
قلب تالت
قوم صالحنى
ياللى شاغل….
كل حته… جوه عقلى
وف كيانى…
ألقى صوت… أدان بيدن
الله أكبر..
ألقى كل الفرح يجى
يرمى فوق كتفى….
حراير
واقفه تستحلفنى….. يلا
أركب الهمه…… وعدى
يلا عبر يلا قول
لأجل تسهر
أو تنول
لذة الحضن النورانى
إللى بيعطر….. كيانى
وألقى حفلة…. م الورود
فيها أجمل…. صوت اغانى
حتى قهوة لانتظار
إللى داب فيها المرار
من سهادها…. ثانيتين
ألقى تلك القهوه…. فارت
من نيران الهجر فورا
لما ادوقها
ألقى لمسة ….م الشفايف
ضيعت كل المرار
سكرتها وسكرتها
سكر الحلوين بلذه
خمرة العاشقين بمزه
ألقى جسمى….. اتهز هزه
من نسيم قربى إليها
من جمالها …..ونور عنيها
شعرها….. عامل مظاهره
مين هيفضل….. ف انسداله
فوق نطاقها…. يبان دلاله
من جماله
كأنها لابسه ….تيجان
كل نظرة حلوة عدت
… ف التاريخ
ألقى وقتى يقولى…… ركز
الثوانى بقوا تلاته
وانت ماشى…. تاته تاته
جوه…. سكة لاعتذار
يلا خلص… بدون رياء
قدم وثائق… ال …انتماء
قدم قرابين ال….ثناء
طرز مشاعرك ب…الولاء
قوم بثورة
جوه كل ميدان….. لحب
على صوتك
قول وربى ب….احبها
اكتب على… جدار الشوارع
للى ماشفش الحب مره
واللى عاشه بكل ذره
واللى كان عاشق ف حبه
وإللى حب بكل قلبه
وإللى كان عنتر وعبله
كل دول …..
يتعلموا
يقعدوا صفوف ل…لتعلم
كيف يصبح حبهم
ف الكون….. يعلم
حب لماتشوفه… تركع
وتصلى ف المحراب وتشكر
ربنا واهب نعيمه…
من دلاله…. من جماله
من بساطته….. وياعمقه
يومها ألقى الوقت
يصرخ……….
أربع ثوانى عدت عليك
وانت لسه….. ف لانتظار
سوق عواطفه
خدها يلا للنهار
سوق بسرعة سهم واصل
للهدف
مهما كانت فيه
إعاقة وبلياقة نور ملايكة
خلى قمرة نور زمانك
تبتسم ….يلا لرجوعك
تمسح الأشواق….. دموعك
تلقى صوتك
يقول برقه
آسف ياعمرى
آسف يا قلبى
آسف يا حضنى
آسف ياحبى
خمس ثوانى
م الهجر فاتت
يانهار أبيض…..
مش هاتحصل…….. تانى أبدا
نظرة حلوة
إنضم لكوكب المعرفة مجتمع التعلم الحديث
شاعر ومؤلف وسيناريست و مخرج مسرحى سينمائى مصمم عروض ورسام ومحاضر ومقدم اذاعى وتليفزيونى كاتب صحفى
