Menu Close

متعلميش ابنك الكتابة

learning_activities_for_kids
learning_activities
تأسيس الأطفال فى الكتابة بطرق علمية صحيحة
كتبت : وفاء أبو النجا

طبعا كلنا عارفين أن أصعب فترة في الكتابة هي البداية
أن الطفل يتعرف على البداية للأشكال والصور والحروف
علشان كدة هاقدملك شوية النصايح دى للطفل من سن ثلاث سنوات

أولا : تدريبات لتقوية عضلة الأيد

1- فتح وغلق زجاجات المياه
يعني هاتي كام أزازة وخلي ابنك يلعب بيهم يفتح ويقفل في الأول خليها سهلة الفتح وبعدين جمدى الغطا شوية اكتر

open bottle

2- اللعب بالمشابك
طبعا كل بيت فيه مشابك ايوه مشابك الغسيل هاتي طبق حلو كده حرفه رفيع وخلي طفلك يشبك الطبق بالمشبك ويشلهم ويشبكهم تاني

3- سوستة الملابس و وأزرار القميص ومقبض الباب
خلي ابنك حبيبك قره عينك يفتح ويقفل فيهم التمارين دى مهمة جدا قبل الكتابة

4- اللعب بالمكعبات
اللعب بالمكعبات مسلي جدا للأطفال فيه نوع من الأبداع انه يشكل بيت أو تمثال أو شخصيات كرتونية


خلاص بأه مرنا عضلة الأيد وبقت زي الفل وخدنا وقتنا منستعجلش

ثانيا : التعرف علي الأشكال والألوان

هاتيله رسومات ( حيوانات – خضروات – لفاكهه ، …. )
وخليه يتعرف علي الأشكال ويعرف كل حاجة اسمها إيه ولونها إيه

علشان لما يدخل في المرحلة الثالثة يعرف الشكل دا أسمه أيه ولونه ايه

ثالثا : الخطوة الثالثة وهي مسكة القلم

هاتي كراسة وارسمي أشكال زى
(مثلثات – مربعات – دوائر- مستطيلات – سطور مموجة – حيوانات )
بس بالنقط  ، وخلي ابنك يوصل النقط لحد ما يكون الشكل.

طبعا كل خطوة بتاخد فترة متستعجليش ، اسسيه كويس علشان مايحسش بملل ويرتاح بعدين.

رابعا : ربط الشكل بالكلمة

هاتي بعض الصور زى
(ولد – بنت – شجرة – تفاحة – كرسي – قطة – حصان – …  )
حتي لو ترسميهم انتي
وشجعي ابنك وخليه يعرف الصورة ويوصل الصور المرتبطة ببعض أو ليهم علاقة ببعض.

خامسا : تدريبات التلوين

طبعا فيه كتب تلوين كتير ورسومات شيقة …

هاتي رسومات تكون كبيرة ووضحة ، لأن الهدف من التلوين إن الطفل يتحكم في مسكة القلم

في البداية هيطلع برة الرسمة ، وهنا دورك .. شجعيه وساعدية أنه يلون جوه الرسمة بس، واكتر تشجيع أنك تلزقي الصور اللي لونها علي الحيطة ، ووريه إنك
بتحبيها وانك بتفتخري بيها.

سادسا : التعامل مع الحروف

خلاص قوينا عضلة اليد وإبنك اتعرف علي الخضروات والفاكهة والحيوانات واشكال كتير

نيجي للكتابة …

في طرق بتخلي ابنك يحفظ الحرف بسهولة زي ايه …
أسهل الطرق للكتابة وحفظ شكل الحرف
اللعب بالصلصال
كتابة الحرف على ورقة والطفل يكتب الحرف بالصلصال فوق الورقة
اللعبة دى بتكون جميلة جدا وممتعة بالنسبة للطفل

كتابة الحروف على الرمال
تلعب الأم مع الطفل هي تقوله يكتب حرف وهو يقولها تكتب حرف على الرملة
وكل مجموعة حروف تقوم الأم بإملاء الطفل الحروف اللي اتعلمها بس من غير ترتيب

قص ولزق
وهو أن الطفل يقص حرف ويقوم بلزقة بكراسة الأنشطة
وبكده هيكون الطفل اتعلم معاكى الألوان والأشكال والحروف والكتابة بشكل جيد وبطرق ممتعة

خطة تنظيم ميزانية المنزل لتحقيق الاستقرار المالي للأسرةخطة تنظيم ميزانية المنزل لتحقيق الاستقرار المالي للأسرة

تنظيم ميزانية المنزل ستكتشف أن ماكنت تعتقد أنه معقد هو في الواقع سهل وبسيط ولكن يحتاج قدر من التنظيم فمن خلال جمع المعلومات المالية الخاصة بالمنزل في جدول واحد سوف تستطيع التحكم في أمورك المادية بشكل جيد دون الحاجة الي القلق والتوتر.

إقرأ الموضوع كاملا
مادة توكاتسو: كيف تساهم في تطوير التعليم في مصر؟مادة توكاتسو: كيف تساهم في تطوير التعليم في مصر؟

وبشكل عام، تعتبر مادة توكاتسو أداة قوية لتطوير التعليم. فهي تُساعد على تنمية شخصية الطالب بشكل شامل، وخلق بيئة تعليمية إيجابية، وتحسين أداء الطلاب الأكاديمي. مع الأخذ في الاعتبار أن مادة توكاتسو لا تُدرَّس في جميع المدارس في اليابان. وأيضا تختلف طريقة تدريس مادة توكاتسو من مدرسة إلى أخرى.

إقرأ الموضوع كاملا
قصص فرنسية قصيرة مترجمة للمبتدئين فى تعلم الفرنسيةقصص فرنسية قصيرة مترجمة للمبتدئين فى تعلم الفرنسية

مجموعة قصص فرنسية قصيرة مترجمة وشيقة مناسبة للأطفال والمبتدئين – البعض يحبون القصص ويشعر باستمتاع ومتعة في سرد القصص، والبعض الآخر يحب قصص فرنسية قصيرة مترجمة أو الإسبانية وغيرها حتى يتعلم اللغة ويري فيها تشويق واستمتاع عند قراءة القصص. ومن أساسيات تعلم أي لغة أجنبية أو عربية أن نطلع على ثقافتها وأدبها وقصصها ويجب أن يقرأ حتى تتعلم نطق اللغة بطريقة سليمة.

إقرأ الموضوع كاملا
شرح برنامج كويزليت أفضل تجربة تعليمية ترفيهيةشرح برنامج كويزليت أفضل تجربة تعليمية ترفيهية

يعتبر كويز ليت من أفضل تطبيقات التعلم التفاعلي بمميزات وأنشطة ممتعة يوفر تجربة تعليمية مسلية ومحفزة وفعالية كبيرة للمتعلمين من جميع الأعمار والمستويات. كيف يمكن للمعلمين إنشاء قوائم أسئلة وألعاب تعليمية في تطبيق كويزليت؟ يمكن للطلاب التعلم والوصول للمحتوى التعليمي الترفيهي من خلال الخصائص والوظائف التالية

إقرأ الموضوع كاملا
أفضل 32 منصة لإنشاء الحدث الإفتراضي مع فريقك أو طلابكأفضل 32 منصة لإنشاء الحدث الإفتراضي مع فريقك أو طلابك

منصة الحدث الإفتراضي أصبحت أداة مطلوبة بشكل رئيسي الآن، نظرًا لأن الاجتماعات الافتراضية أصبحت هي القاعدة ، فإن مطوري البرامج المبتكرين يدفعون بالتكنولوجيا إلى الأمام ببعض الطرق المذهلة. لم تعد التجمعات عبر الإنترنت مقصورة على اجتماعات الفريق

إقرأ الموضوع كاملا

 

مقترح لك ...