أهم أسرار وإستراتيجيات التسويق 

الأسرار النفسية التي تستخدمها أكبر شركات العالم

كتب: نهاد رجب

---

يحتار الكثير من الناس في كيفية التسويق لأحد المنتجات التي يقدمها، وذلك من أجل تحقيق أقصى ربح ممكن من بيع هذا المنتج، ومن خلال الأسطر التالية سلقي الضوء على أهم 4 أسرار نفسية لبيع اي منتج.

انضم لكوكب المعرفة 

أهم المهارات التي يجب أن تمتلكها لبيع منتجك

يوجد مجموعة من المهارات التي يمكن من خلال امتلاكك لها أن تقوم ببيع المنتج بكل سهولة، وفيما يلي سنذكرها:-

1-بيع صفات المنتج

المنتج هو آخر شيء ممكن تبيعه، والأهم من بيع المنتج هو بيع هالة المنتج نفسه.

يعني ابل مش بتبيع تليفون ، ابل بتبيع تصنيف اجتماعي، صورة اجتماعيه مميزة، بتبيعلك احترام الناس ليك وتقديرهم للإيجو بتاعك.

سوني مش بتبيعلك بلاي ستيشن، سوني بتبيعلك متعة، تحقيق حلم طفولة، حل لمشكلة الانطوائية، أو فرصة للانعزال.

 

فمتقولش ان التليفون كاميرته مميزة

قولي اني هقدر أخد بيه ذكريات تعيش معايا العمر كله

 

متقوليش أن التلفزيون 80 بوصة

قولي أنه هيجمع العائلة وهيخلينا مبسوطين

 

• اتعلم من بيبسي “اللمة تحلى”

2- اشتريه أنت الأول

أسرع طريقة لاقناع الناس بالشرا ، مش بصرفك ألوف اعلانات فيسبوك علشان تسوقه، ولكن بإنهم يشوفوك شاريه. ويشوفوا اجابات النقطة الأولى بتتحقق في حياتك. ساعتها مش هتحتاج انك تسوقه وتقنع بيه الناس، لأن الناس هتيجي بنفسها وتسأل وهما جاهزين يشتروا .

 

• اتعلم من العتبة : “انا شاري اخو القميص ده عندي في البيت”

 

3- بروباجندا التسويق

 

مفيش حاجة ممكن تثير الناس على الشرا أكتر من أن المنتج ميكونش قدامهم!

بس انت بتكلمهم عنه كل يوم! التوقعات اللي بتخلقها في عقولهم بتخلي منتجك يتباع قبل اصلا ما يكتمل ويكون مستعد أنه يتباع.

اعمل افتتاح على شرف المنتج ومتقدمش أي منتج

ادي للناس عينات مجانية من المنتج ومتخليش حد يمسك المنتج

اعمل ترندات ، اصنع جدل، خلي الناس تناقش فكرة عن منتجك، بس برضه متطلقش منتجك

 

4- فترة صمت

 

وهو واحد من أهم الأسرار نفسية لبيع أي منتج

اسكت فجأة .. خليك موجود بس اسكت فجأة ومتتكلمش عن المنتج ده بالتحديد. اصنع بشكل موازي منتج تاني، المرة ديه انت تكون المنتج واشغل الناس بيك..

لو عملت الخطوات اللي فاتت بشكل صحيح، انت حرفيا هتربط عقول الناس ومشاعرهم بيك، هتخليهم يسألوا ، لحد ما يزهقوا وينسوه .. بس هما في حقيقه الأمر منسيوش حاجة … المنتج بقى لاواعي.. وساعتها فقط تقدر تطلق المنتج بتاعك.. وساعتها فقط الناس هتختاره من غير تحليل أو فهم. هيفقدوا شغفهم بالمنتج بس مش هيقدروا يمنعوا أيديهم عن أنها تشتريه. وديه أقوى مميزات فترة الصمت

 

التسويق المدفوع الوحيد المسموح بيه هو تسويق الوعي او اللي الفيسبوك بيسميه Creating awareness

بكده أكون قولتلكم على اهم 4 أسرار نفسية لبيع أي منتج.

[latest-selected-content limit=”5″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]