أفضل تطبيقات للآيفون iPhone يمكن استخدامها فى 2021
كتب : أحمد السيد
البرامج اللي ممكن نستخدمها لل iPhone من تجربتي الخاصه
البرامج مش بترتيب الاهميه زي الترتيب عندي في التليفون
1….Pinterest…
برنامج غني بافكار واشكال و صور وفيديو هات توضيحيه حتغير طريقة تفكيرك بمجرد ماتوضح اهتماماتك حتشوف اكتر مما يمكن ان تتصوره جميل جدا الصراحه ديكور موبيليا ملابس رياضه سيارات موتوسيكلات جااامد
2….Hashphotos…
برنامج للصور الموجوده في التليفون يماثل التطبيق الافتراضي photos بس بيتفوق عليه في اظهار ال info ودي حاجه مهمه ومش موجوده في photos و بعض الامكانيات زي اظهار الصور المكرره او المتشابهه وادخال الصور من الكمبيوتر العادي او الماك وعمل البوم للصور بالباسورد ناهيك ان البرنامج منظم بشكل جميل و يوجد به Smart search بالمكان و الأشخاص
3…. Private…
متصفح بيمنع الاعلانات بس اقوي امكانياته تقدر تنزل منه اي فيديو من اي موقع مهما كان بمجرد ماتنسخ الرابط وتنسخه فيه قبل مايعرض الفيديو بيسئلك لو عايز Download و طبعا بقي في صورة مصغره للعرض( pip ) وتغير سرعة الفيديو وتقدر منه تبعت الفيديو لاي برنامج عندك بسهوله وتقدر تغير في Equalizer الصوت وفي VPN وتعمل folders برنامج جمييل
4…. Duck Duck go…
متصفح امن و سري وبيمنع التعقب من المواقع وبيقولك علي الموقع اللي بيحاول يتعقبك و بيمنعه
5…. إدارة الملفات او حمل…
من اهم البرامج اللي بيحتاجها ال iPhone في التحميل و التشغيل للملفات الصوتيه و الفيديوهات مع العديد من إمكانيات التعديل و التحميل بجوده بحسب الطلب او التحميل صوت فقط و بتقدر ترتب الملفات بطريقتك وتغير لونها وحجمها و التحكم فيه سهل و التحميل منه بطريقة بسيطه سواء من نسخ الرابط او بالبحث منه مباشرتا لاحتوائه علي browser داخلي
6…. Documents…
برنامج مماثل لبرنامج files المتواجد علي ال iPhone لكن بامكانيات اكثر بكتيير و سهوله و قدره اكبر في التعامل مع مختلف صيغ الملفات وطبعا تقرا عليه ملفات زي ال PDF وتعدل براحتك بجانب احتوائه أيضا على browser و VPN و ملفات مؤمنة بكلمه سر و قدره علي تشغيل الملفات الصوتيه و الفيديوهات في الخلفيه او صوره مصغرة (pip) وترتيبها و التحكم فيها بسهولة و بطريقة رائعة
7…. Magic dialer…
برنامج بسيط للاتصال بس سريع جدا بجانب ظهور الاسماء بمجرد كتابه بدايه الرقم بعكس نظام ال iPhone اللي لازم تكتب الرقم كله عشان يظهر الاسم وفي إمكانية بسيطه بس تحفه ويدجيت البرنامج في ارقام وتقدر تطلب من الويدجيت علي طول من غير حتي ماتفتح التليفون و بردو وانت بتكتب الارقام علي الويدجيت حيطلعلك المقترحات في لحظه
8… Life360…
افضل برنامج تتبع اتعاملت معاه تحفه عموما بيبقي بنظام الدوائر لكل دائره اتصال ببعضها للعمل و الاصدقاء و الاولاد والاسره وطبعا تقدر تقفل موقعك في اي وقت وتقدر تبعت رسائل من جواه زي اي برنامج شات امكانياته حلوه جدا بيحدد المكان و خط السير طول اليوم و بيظهر البطاريه وبيعرفك لو حد بطاريته قربت تخلص و بيعلمك بخروج و دخول افراد الدائرة من المكان اللي بتحدده
9…. Golden Quran…
برنامج عظيم و جميل وبسيط وفي كل حاجه تقريباً من الصلاة .المواعيد و الاذان في وقته بالصوت اللي تختاره بالقبله بالتاريخ الهجري
القرآن الكريم كاملاً للقرائه بدون نت
او تسمعه بصوت اي شيخ انت بتحبه او تدوس علي اي آيه كريمة وتشوف التفسير ( وتقدر تختار من العديد من التفاسير )وسبب النزول و البلاغه و معني الكلمات و سياقها وتحط عليها علامه مرجعيه او الترجمه للكلمه او الآيه او تقرآه كله مترجم وطبعا تقدر تبحث فيه بالسوره او الآيه او الكلمه الواحده حتي وتقدر تظلل الايات حسب موضوعها
اشعارات كل يوم لأحاديث نبويه
ازكار مختلفه من القرآن و غيره
الاربعون النوويه ودعاء ختم القرآن
كتب الحديث التسعه !!
المصحف بيحمل بروايه حفص و في قرائتين تانين تقدر تحملهم روايه قالون و ورش
10…. Quran Radios…
برنامج يوجد به تقريبا كل اذاعات القرآن الكريم في العالم وتقدر تتحرك فيه بسهوله و بيشتغل في الخلفيه و تسجل منه اي حاجه في مكتبه البرنامج طبعا قنوات كتيييييير قراءه وتفسير وفتاوي و حديث وتعليم أطفال و دروس و قصص و اذكار
11…. التقويم الهجري…
برنامج اجنده زي برنامج ال Calendar iPhone بالظبط بس بالتاريخ الهجري تكتب في مواعيد و احداث و تنبيه و كل حاجه وضيف علي كده اذان في مواعيد الصلاة بالصوت و الطريقه اللي تختارها وبيظهر مواعيد الاعياد و رمضان والويدجيت في أشكال كتير و بتبين اوقات الصلاه
12….Yaoota…
برنامج تسوق جمييل اووي لسبب معين انه مش زي برامج التسوق اللي بطلع المنتجات اللي معروضه عندها بس زي Souq.com او Jumia لأ خالص
ده بيجيبلك المنتج في كل اسواق الاونلاين تقريباً وعلي غالبيه البرامج التانيه ويقارنلك الاسعار يقولك المنتج ده عند Souqبكذا و عند B.Tech بكذا وانت تختار
13….Live Wallpapers for me…
برنامج خلفيات متحركه مميزه و بنقاء عالي للاستخدام في ال Home او ال Lock Screen
*كل الخلفيات متحركه
14…. Black Out…
برنامج بسيط لو حد شال التليفون من الشاحن او كنت بتخاف الكهرباء تقطع و انت بتشحن التليفون و ماتكونش واخد بالك حتلاقي Alarm عالي جدا بانوار حاده وفلاش و دوشه كبيره
15….DevPro-100% Device Security…
برنامج لتأمين التليفون ضد الحركه أصلاً
مجرد ما الجهاز يتحرك Alarm متصاعد
16….Widgetopia…
برنامج للويدجيت في كل الاشكل اللي ترضي غالبيه الازواق باظهار معلومات مختلفه حسب الاهتمامات المختلفة
17…. File Converter…
برنامج متخصص في تحويل صيغ الملفات ..اي ملفات
صور فيديوهات PDF audio document وغيرهم
الصراحه ماجربتوش بس شكله برنامج غني و حلو
18…. Copy Text On Screen…
برنامج مميز لاقصي درجه بينقل الكتابة اللي بتصورها بإيدك بالكاميرا او Screenshot او صوره حد بعتهالك بيطلعلك كل المحتوي المكتوب من غير ماتعمل اي حاجه اكتر من انك بتحددله لغه الكتابه اللي في الصوره بيديك منها نسخه text بسهوله تقدر تنقلها في Chat تحطها في ملف تنسخه علي الكومبيوتر تترجمها اي حاجه حتي لو صوره عليها Email او لينك كبير صوره بالموبيل و البرنامج في لحظه يحولها لكتابه علي موبيلك
19….اقرأ…
برنامج للكتب ال PDF تقدر تنزل منه أو تقرأ اونلاين بمساحه لاتذكر وعليه كميه كتب كبيرة
20….YoWindow…
برنامج طقس حلو و في بيانات كتير و بحركه واحده بالاصبع يمين بتشوف توقعات الجو بشكل ظريف
21….Translator…
برنامج بيترجم صفحه ال browser كامله بذات مع Safari زي الترجمه اللي بتحصل في Google Chrome
بس فيه ميزه حلوه ان لو وقفتك كلمه تقدر تدوس عليها و مجرد ماتعمل share علي الكلمه نفسها يفتحلك شاشه صغيره فوقها بالترجمه وينطقها كمان لو عايز
22….ImageDrain…
برنامج خفيف و ظريف جدا بيساعدك تنزل اي صوره او عده صور من اي موقع بطريقة سهلة جدا من غير ماتدخل جوه الصوره و لا تفتحها اصلا مجرد ماتفتح الموقع تقدر تنزل كل الصور اللي علي الصفحه مجرد مابتعمل share وبعد كده select للي انت عايزه ينزل فوراً علي ال Photos
23…. Shift Unit…
برنامج convert بيحول اي حاجه
عملات. اطوال. اوزان. طاقه. مقاومه.سرعة. الخ اي حاجه تتخيلها فيها وحده قياس بيحولها برنامج حلو وشامل
24….Knots 3D…
الناس اللي بتحب العده و المخيمات و الصيد و المغامرات ده برنامج بيعرفك طريقه ربط اي حبل او عقده في العالم تقريباً حسب الحاجة اللي انت عايز تعملها من اول خيط الصيد بكل طرقه لحد المخيمات للناس اللي غاويه عقد
25….JigSpace…
برنامج تعليمي بنظام الواقع الافتراضي جميل جدا مفيد جدا للاطفال و الكبار بيعرفك ازاي اي حاجه بتشتغل من الحاجات المعروضة في البرنامج
الصاروخ الفضائي. القلب. الموتور .الساقيه.
المحرك النفاس .البطاريه. وحاجات كتير
26….EasyDrugs…
برنامج متخصص في اسعار الأدوية في الصيدليات المصرية اي نوع دواء تكتبه يقولك ثمنه بالظبط
27….Naka AdBlocker…
مانع اعلانات كويس و عملي بتشغله قبل ماتخش علي البرنامج او اللعبه اللي بيبقي فيها اعلانات كتير
28….AppAdvice…
برنامج جميل و مهم لكل الناس مهمته يجيبلك كل يوم البرامج اللي نازل عليها عرض مجاني وبيتجدد كل يوم و بيديك Notification بعدد البرامج الجديده او بتعمل ويدچيت و بتشوف ايه الجديد وطبعا عايز اقولكوم ان كتييير حتلاقي برامج عليه مش اهتمامك او مكرره بس ساعات بيجي عليه برامج بتبقي غاليه جدا وتحفه ونازله ببلاش لمده ٢٤ ساعه بكل إمكانياته لما بتنزله البرنامج عندك مدي الحياة مجانا
29….InstlApp…
نفس فكره البرنامج السابق بس بتوسع اكتر
بيجيبلك البرامج اللي عليها عروض مجانيه او تخفيض في السعر وتقدر تحط البرامج اللي تعجبك في wishlist اول مايجي فيها عرض تعرف حلو جدا الصراحه
30…. AppAdvice…
نفس الفكره أيضاً بس بتوسع اكبر شامل بقي العروض و النصائح في التعامل مع نظام ال ios و احسن البرامج اللي معروفة في كل مجال وكده حلو جدا بردو لمحبي البرامج.
وفى النهاية …!
أحب ان انصح الجميع بموضوع مهم بخصوص برنامج ال Shortcuts iPhone البرنامج ده مفيد جدا إذا قمت ببناء الاختصار بايدك او واحد صاحبك انشئ الاختصار وبعتهولك برجاااء لا تسمح لاحد ان يعطيك رابط لاختصار معين الاختصارات بتاخد اذونات بحاجات كتير بره الاختصار اللي انت بتنزله وده شيء غير امن تماما لا تنخدع بفكره امان ال iPhone اول كلمه بتطلب منك ادخل علي الإعدادات و اعمل قبول للاختصارات مجهوله المصدر و في الحاله دي انت اللي بتدي الاذن للاختصار باخذ بياناتك الشخصية سواء الصور الفيديوهات الاسماء وحاجات كتير….
الاختصار مش برنامج ياجمااعه
الاختصار اللي بتنزله من اي مكان ده حاجه مجهوله مش زي البرامج اللي بتنزلها من ال App Store بتبقي موثقه ومعروف ايه الاذونات اللي بتطلبها وكمان بعد كده في Ratings& Reviews كتير بتعرف منها ايه الكويس و ايه اللي في مشاكل
سبحانك اللهم وبحمدك أشهد أن لا إله إلا أنت أستغفرك وأتوب إليك
إلا أنها ظلت منتشرة حتى الآن انتشاراً واسعاً ولكن أغلب البشر لا يعرفون عنها شيئ، ويمكن استخدامها الآن باعتبارها منصة في حد ذاتها، بالإضافة أن لها عدة استخدامات من ضمنهم: تطوير تطبيقات أجهزة الحاسوب والأجهزة المحمولة ومعالجة البيانات الضخمة وصناعة الألعاب وإنشاء الموقع الالكترونية وغيرها من الاستخدامات التكنولوجية.
إقرأ الموضوع كاملا
تشتهر لغة بايثون بعلم البيانات وكذلك تعلم الذكاء الاصطناعي وهي ايضا اللغة الأكثر استخداما لتطوير الويب وكذلك لتحليل بيانات في بايثون وتعد بايثون مثالية للعرض المرئي للبيانات كونها توفر العديد من الوظائف والوحدات النمطية. صديقي .. يمكنك الآن أن تبدأ أول خطوات تعليم لغة بايثون بمشاهدة الكورسات ثم تحميل لغة بايثون من هنا
إقرأ الموضوع كاملا
يعتبر كويز ليت من أفضل تطبيقات التعلم التفاعلي بمميزات وأنشطة ممتعة يوفر تجربة تعليمية مسلية ومحفزة وفعالية كبيرة للمتعلمين من جميع الأعمار والمستويات. كيف يمكن للمعلمين إنشاء قوائم أسئلة وألعاب تعليمية في تطبيق كويزليت؟ يمكن للطلاب التعلم والوصول للمحتوى التعليمي الترفيهي من خلال الخصائص والوظائف التالية
إقرأ الموضوع كاملا
في عالمنا الرقمي أصبح الفيسبوك جزءا لا يتجزء من حياتنا اليومية، حيث يستخدم من أجل التواصل مع الأصدقاء والعائلة، ومشاركة الأخبار والصور، وحتى إجراء الأعمال، وفي الآونة الأخيرة بدء العديد من الناس يبحثون عن أفضل التطبيقات البديلة للفيسبوك.
إقرأ الموضوع كاملا
في عصرنا الذي نعيشه اليوم أصبحت مهارات البرمجة من أهم المهارات التي يجب أن يمتلكها كل فرد، سواء كان طالبا أو موظفا أو حتى صاحب مشروع، وذلك لأن امتلاكك لهذه المهارات يفتح أمامك بابا من الفرص لا يمكن أن ينتهي، كما أنها تتيح لك الفرصة للابتكار والابداع في العديد من المجالات المختلفة.
إقرأ الموضوع كاملا
الربح من تطوير التطبيقات، في الآونة الأخيرة شهدت صناعة تطبيقات الهاتف المحمول نموا هائلا، ويتوقع الكثير من الخبراء أن إيرادات تطبيقات الهاتف المحمول العالمية قد تصل إلى 200 مليار دولار بانتهاء العام الجاري، وهذا يعني أن هناك طلب كبير على التطبيقات ذات الجودة العالية.
إقرأ الموضوع كاملا
المشرف على إنشاء هذا المعهد هو مركز المعلومات ودعم إتخاذ القرار التابع لمجلس الوزراء المصري عام 1992، وبدء المعهد منذ ذاك الوقت في تخريج أكثر من 5500 خريج على مدار 38 دفعة (حتى عام 2017) ويزداد معدل الخريجين تقريبا 1500 طالب كل عام.
إقرأ الموضوع كاملا
هذه هي الخطوات الأساسية التي يمكنك اتباعها لتبدأ في برمجة الويب، ولكن هناك المزيد من المصادر والأدوات التي يمكنك استخدامها لتطوير مهاراتك وإنشاء مشاريع رائعة. لغة بنية المحتوى وتصميم الصفحات HTML
إقرأ الموضوع كاملا
بوتات تيليجرام Telegram Bots، ماهي وهل هي آمنة؟ وما أفضلها وأكثرها استخداما وهلى هي متاحة للجميع وكيف يمكن الحصول عليها، تدور العديد من الأسئلة حول استخدام تيليجرام، فهو تطبيق متميز ومنفرد بالعديد بالفوائد التي تميزه عن غيره من تطبيقات التواصل
إقرأ الموضوع كاملا
الربح من البرمجة، هو إحدى مجالات العمل والحصول على دخل بالدولار من الإنترنت، فهو مجال متميز وأصبح مطلوب بكثرة في الآونة الأخيرة، هل يمكنني الاستفادة من تعلم البرمجة ودراستها، هل من الممكن أن تكون مصدر دخل مناسب.
إقرأ الموضوع كاملا
