أفضل 20 لعبة ألغاز
كتبت: منه زين
من حقك يبقى ليك وقت مخصص تلعب فيه وتستمتع بكل سبل الرفاهية… لكن الحاجة الوحيدة اللي اضمن لك ما يبقاش فيها هوس او من نتيجتها البلاهة هي ألعاب الألغاز
هتتيح لك فرصة تتنقل من نطاق لنطاق ومن فكرة لفكرة في نفس الوقت هتحافظ على مزاجك من الزهق
وهتحفز خلايا مخك تشتغل ده غير ان معظم الألعاب اللي هحط لك اسمهم بالترتيب دول جمعوا بين أفضل graphics أو visual art
وموسيقى وأصوات وقصة في نفس الوقت الحلول مش سهلة وبتاخد وقت…
جهز لي كشكول وقلم يا فندم
إليكم سيداتي، آنساتي، سادتي أفضل 20 لعبة ألغاز وعن تجربة شخصية:
1- The fog fall:
تخيل ان الحلم اللي بتشوفه في منامك أحيانا وبتفكر فيه وانت صاحي ألا وهو “نهاية العالم” قد حدث بالفعل وانت الناجي الوحيد؟
طب ايه القصة؟ او دورك ايه؟
هتحاول انت وكام شخص من الصالحين تدوروا على سبل تحافظوا على نفسكوا بيها في ظل تلك الظروف العصيبة، بس؟!
لا وكمان هتبقى عايز تعرف السر اللي كان سبب فيما آلت الأمور إليه…
اللعبة 4 أجزاء وبتتلعب ويبسايت… دور على أي سيرفر شغال و…
اربط الحزام… توكلنا على الله…
2- Covert front:
ربطت الحزام؟
عشان هبعتك لمنطقة معينة كده تتحرى فيها عن اختفاء شخص (س) وانت عميل سري واسمك (ص)
بردو اللعبة دي أربع أجزاء وعايزاك يبقى نفسك طويل…
طالما بتحب الألغاز يبقى نفسك طويل…
3- Daymare town:
واخد بالك ان كلمة “Daymare” تشبه كلمة كابوس اللي هي “Nightmare”؟
ما علينا بلفت انتباهك بس…
المهم انك دلوقتي محبوس في مدينة وعايز تخرج منها وكل ما تخرج بتتوه أكتر… وحدود المدينة دي بتوسع أكتر
وكل مره بتكتشف فيها منظور غريب…
الله اعلم انت بتحلم ولا لا… انا بحب أثير شكوكك وانت اللي تقرر
و…
أربع أجزاء…
4- Submachine:
مين فينا ماكانش قاعد مع جاره اللي عنده كومبيوتر وصادفوا اللعبه دي ضمن أشهر الألعاب اللي اتلعبت في أوائل القرن ال21!!
10 أجزاء كل جزء مستقل عن التاني
مطلوب منك انك تجمع أجزاء لكذا آلة في كل جزء عشان من خلالها هتقدر تخرج من المكان اللي انت محبوس فيه…
5- Coma:
لعبة جوها مظلم بتشارك فيه كجسد أثيري أو كروح شخص نايم او في غيبوبة بمعنى أصح والمفروض تحل اللغز عشان تفوق…
6- Nekra psaria:
مبدئيا كلمة Nekra باليونانية يعني ميت
psaria سمك
واعتبر نفسك حرفيا في عالم الغرائب ومطلوب منك تحافظ على نفسك لأطول وقت ممكن…
اعتبر نفسك على survival mood… وبتحاول النجاة بشتى السبل
اللعبة جوها مميز هتحس ان فيها إسقاط بشكل كبير على الواقع حيث النجاة حرفيا في عالم الوحوش…
ده لو انت فيلسوف مش أي جيمر وخلاص طبعا…
7- Forgotten Hill:
7 أجزاء على رقمها سبحان الله… كل جزء ليه قصة مستقلة وأظن انك عارف الريتم بتاع الألعاب دي كويس… ألا وهو؟
النجاة…
8- Rusty lake:
16 جزء بيتكلموا عن عالمة اخترعت تركيبة كيميائية تحت والمعروف بيننا بمصطلح “إكسير” بيحقق لها الخلود…
فبييجي ناس بعدها وبيحصل خلل في التركيبة فبقى في أرواح معلقة ومنها أرواح حاقدة تسعى لامتلاك جسمك وذكرياتك والسيطرة عليك بشكل كامل…
مطلوب منك كمحقق تتكفل بكذا جريمة قتل حصلت في المنتج ده اللي بيسموه rusty lake وتربط الأحداث ببعض عشان توصل لنتيجة…
9- The last door:
أفضل 4 أجزاء pixel game لعبتهم بأمانة الله يعني
ده غير ان chapter 2 فيه بردو 4 أجزاء كمان…
من خلالهم هتعرف ليه اقرب صديق ليك مات وليه معظم أصدقاء المدرسة ماتوا تحت نفس الظروف أو حصلهم هوس وكلامهم بقى ألغاز…
هتعرف ايه السر ورا وجود كل الضحايا دول
وهتعرف ان الفلسفة عموما ممكن يا ترشدك يا توديك ورا الشمس… تحب تروح فين؟
10- Fran bow:
بنوتة جميلة مقطقطة من المفترض انها بتتعالج نفسيا وإن عمتها هي اللي اجبرتها انها تتعالج نفسيا وتكفلت برعايتها طول فترة غياب أمها وأبوها…
لسبب مجهول… يا إما البنت قتلتهم يا في شر أكبر منها ومن الكل مطاردهم… بتحاول “فران بو” تفك الشفرات وتفتكر أكبر قدر ممكن من ذكرياتها ممكن يساعدها في ترتيب الصورة…
11- Found lost:
أول لعبة ألغاز سميت الله بيها… انت دخلت بيت بالصلاة على النبي وكنت تايه وكان ده الطريقة الوحيده ليك انك تطلب المساعده بيها من حد
المهم انك دخلت ووقفت بطولك لا حد ظهر ولا حد حتى عمل أي صوت…
بس البيت كل ما بتخشه كل ما تكتشف ان في حاجه مريبة حصلت فيه… الفضول بيلعب بيك…
دور كويس… واقرا كل حاجه كويس… عشان مافيش مفر من خروجك من البيت ده إلا وانت حالل اللغز…
12- Virago:
طريق سريع وحادث عربية هيقلب على الزوجين مواجعهم والاتنين هيبدأوا يلوموا بعض على وفاة بنتهم إثر إهمال…
هيخلصوا دراما وهيكتشفوا ان المكان اللي وقعوا فيه ضيق والناس فيه أعدادهم معدودة… حاجة أشبه بجو the fog fall
أجواء apocalyptic بس المره دي بسبب مطاردة نوع معين من الحشرات… مطلوب منك في اللعبة دي الحذر والسرعة…
قدر المستطاع وانك انت ومراتك تروحوا سالمين من المكان ده…
13- Monster basement:
تخيل تصحى بدل على سريرك تلاقي نفسك في أوضة أو في بيت مليان دم وأشباح وأرواح ووحوش والمفروض تهرب قبل ما يوصلك
الكبير بتاع الحته اللي لو عتر عليك مش هتاخد في ايده غلوة…
سرعة أداء بردو وبديهة…
جزئين
14- Deep sleep:
تاني أجمل لعبة pixel بعد the last door
تلات أجزاء كل جزء بيعبر عن درجة عمق معينة…
المشكلة انك وانت بتنام مش مدرك انت رايح فين ومش عارف انت اللي بتختار تروح المكان ولا هو اللي بيختارك!!
المهم… اعتر على جسمك في أقرب وقت… واصحى…
15- Unholy flesh:
لعبة text بتتكلم فيها بخيالك مش بخيال المصمم دلوقتي… انت المصمم…
هيتفتح قدامك chat bar بتكلم مين فيه؟ روبوت
وهتفضل تديه اوردرز بناءا على الصورة اللي هو بيديهالك أو الموقف لحد ما تطلع من المكان اللي انت فيه…
ممكن تلاقيها اصعب من اللعب اللي فوق دي كلها علشان محتاجة خيالك يخدمك في الموضوع…
16- Nowhere house:
ربنا من عليك وقبضت المرتب وقررت تنزل خروجة حلوه مع صحابك وحظك وقعك تقف على أرض ملعونة
لعنتها ساحرة من قديم الزمان عشان الناس قتلوها وبتدور على 7 أرواح عشان تحقق لنفسها الخلود…
انت وحظك يا تخرج من البيت يا هنقرأ عليك الفاتحه كلنا…
17- Girl in the window:
دلوقتي انت بالصلاة على النبي عايز تفهم إيه حوار اختفاء الشباب اليومين دول واختك كانت مخطوفة ورحت بيتكوا القديم عشان تحل اللغز…
فبالصدفة البحته انت طلعت شبح زيها ومتسيطر عليكوا…
18- Ghost case:
في الجزء ده بقى انت محقق وبتحقق في جريمة الأخ والأخت دول ومش ماشي معاك الاختفاءات المفاجأة دي هتعرف إن الساحرة هي اللي ورا الاختفاءات دي
وقدر المستطاع بتجمع ال7 أرواح عشان توصل لغايتها…
“الخلود”
19- Tik-Tok tales:
مش أبلكيشن تيك توك لا دي لعبة ألغاز بتتكلم عن أختين بيصمموا ساعات… وكل edition بيصمموه بيبقى الغرض منه انه يكون له قدرة على مد الوقت
انت بتشارك بوقتك وعمرك في اللعبة دي عشان تديهم للعالمتين دول ويحققوا بردو الغاية الوحيدة اللي هي “الخلود”
بتتلعب multiplayer حد أقصى شخصين ولعبة اوفلاين… التجربة مش هتنفع إلا لو معاك شخص…
20- Ghost escape:
جزئين…
مطلوب منك كصحفي في قسم الخوارق تأيد وجود أشباح في الجزئين دول وقصة المكان بالكامل وماينفعش تطلع من البيت ده إلا لو محقق التاسكات بتوعك…
انت الليدر هنا مش الأشباح…
هل تفضل ألعاب أخرى .. حسنا نحن ننتظر بشغف ما تحب تخبرنا به .. لنشاركك التحدي.
مهارات يجب أن تتعلمها لتتفوق على الذكاء الإصطناعيوهي مهارات لا يمكن للذكاء الإصطناعي أن يتفوق فيها على الإنسان بسهولة .. وبالتالي يجب أن يتقنها الإنسان ليستطيع عملها بشكل أفضل. وهي غالبا مهارات بشرية لا تعتمد على الروتينية فى الأداء وإنما تستند بشكل كبير على التفكير الإبداعي والتفكير التحليل والتفكير النقدي والمستويات العليا من التفكير عموما. أو تعتمد بشكل كبير على العواطف وفهم المشاعر .. أو على الرؤى الفنية أيضا.
إقرأ الموضوع كاملا
أسرار التحكم في الوقت : كيف تحول 24 ساعة إلى 48 ساعة؟ستساعدك هذه الطريقة على توفير الكثير من الوقت، فعند قيامك بجمع المهام المتشابهه سينحصر تركيزك فكرة واحدة لذلك هي من أفضل طرق التحكم في الوقت وتنظيمه، فمثلا إذا قمت بمراجعة رسائل بريدك الإلكتروني في مرة واحدة فأنت بذلك قمت بالتركيز على مهمة واحدة بدلا من وضعها بشكل فوضوي مع باقي المهام اليومية.
إقرأ الموضوع كاملا
الخبراء يحذرون من مخاطر الذكاء الإصطناعي : وهذا ما قالوه بوضوحمخاطر الذكاء الاصطناعي أصبحت حديث الساعة .. فكلنا يعلم أن الذكاء الإصطناعي أصبح من أهم المجالات العلمية التي تهدف إلى تطوير البرامج والآلات لكي تقوم بمهام تتطلب قدرات وذكاء يماثل الذكاء البشري، مثل الإبداع والتعلم والتواصل. إنه يفيد البشرية في العديد من المجالات مثل الصحة والتعليم والترفيه والصناعة، ولكنه يحمل أيضا العديد من المخاطر التي قد تهدد القيم والعدالة الإنسانية وأمن وبقاء البشرية.
إقرأ الموضوع كاملا
المستقبل المشرق للخدمات المالية: نظرة على توقعات التكنولوجيا الماليةالتكنولوجيا المالية أصبحت حلا فعالا للتحديات التقليدية، كما أنها تفتح أبوابا جديدة أمام الفرص الاقتصادية، وذلك من خلال الاعتماد على التقنيات الحديثة مثل تحليل البيانات الضخمة والذكاء الاصطناعي وسلسلة الكتل. حيث يوفر هذا النموذج مرونة أكبر، بالإضافة إلى توفير التكلفة، حيث يمكن للشركات المالية استخدام موارد السحابة في تشغيل التطبيقات وتخزين البيانات وتقديم الخدمات.
إقرأ الموضوع كاملا
خمس أسباب بسيطة لإدخال التعلم الرقمي في الفصلوفي حين قد يبدو الإعداد الأولي لبعض هذه المواد مهولاً، اتصل بأخصائي التكامل التكنولوجي في مدرستك، أو بزميل يستخدم هذه الأساليب بالفعل، لمعرفة كم من الوقت يمكن توفيره خلال عملية التقييم. فالأدوات الإلكترونية لا تحتاج إلى إحداث ثورة في قاعة الدرس ــ بل يمكن استخدامها لجعل حياتك اليومية كمربية أكثر يسرا، وتعلم الطلاب أكثر صلة وأهمية.
إقرأ الموضوع كاملا
كل ما يتوجب عليك فعله وأنت تقرأ لي؛ أن تنسى ذاتك قليلا وتبدأ جديّاً في تخيل نفسك كبطل ممن أكتب عنهم، سأكون سعيده إن شاركتني نتيجة قراءتك ..
