العملات التى تشتري كل شئ

انضم لكوكب المعرفة  

 

لو افترضنا أن السعادة تحولت لعقار .. فبكم تشتري القارورة ؟ 

أعتقد أنك ستدفع الكثير .

سنتفق أن المال لا يستطيع شراء كل شئ .. مثل الحب والسعادة والأصدقاء .. ولكنى سأخبرك كيف تشتري كل هذا.

لكل شئ عملة محددة خاصة به .. والرائع هنا انك تملك كل هذه العملات .

.

اعط من وقتك لله وللناس .. ستشعر أن الوقت أصبح أكثر بركة وسعة

.

اسعد الناس بكلمة حلوة .. بابتسامة حلوة .. بهدية ، بفلوس زيادة ، بمساعدة ، بتسهيل أمورهم ، بأى حاجة حتى لو شربة مياه.

وصدقني كل ما تكون سبب فى سعادة لناس اكتر هاتتلقي مزيد ومزيد من السعادة.

.

الصدق فى المحبة

حاول انت الأول تكون صديق وفي ومخلص .. من حقك تصادق ناس سنك او اصغر او اكبر .. او تصادق حيوانات او نباتات او حتى أشياء جماد .. اختار أى اصدقاء تحبهم .. بس افتكر ان أول حد ان محتاج لصداقته هو نفسك.

.

شجع الناس على تحقيق احلامها .. حتى لو انت شايف الحلم مستحيل يمكن صاحبه يقدر يحققه.

إلهم الناس بأفكار وأحلام .. ساعدهم على النجاح .. بس من قلبك .

.

الطالب اللى خايف من امتحان طمنه واديله أمل ان ربنا هايكرمه

الست اللى حامل قول لها هاتخلفى طفل جميل

الشاب اللى فشل فى شغل قوله هتلاقى الافضل

قول للى اتطلقت .. لسه المستقبل قدامك

وقول للى فقد حاجة مهمة .. ربنا هايعوضك

جرب تدى للناس الأمل .. هاتحس بنبض الأمل جواك

.

على أد ما تحب الناس هايحبوك .. أوعى حد يقنعك ان الناس شريرة بطبعها .. ثق تماما انك لما تهب الحب بدون أى شروط ولا انتظار لأى مقابل .. هاتلاقى الحب من كل شئ فى الوجود.

بس أوعى تنسى تحب نفسك.

.

وهنا باتكلم عن البركة في الصحة .. الرزق اللى بيجيلك فى صورة صحة وعافية .. وطولة العمر.

ساعد حد مريض انه يجتاز محنته .. ساعده ولو بدعوه من قلبك .. واستغل صحتك فى عمل حاجة لله بدون أى مقابل .

…..

الكلام ده مش رأيى الشخصي .. ده قانون كوني اسمه قانون الكارما .. وده له أكتر من بند .. أهمها ان الحاجة اللى بتطلعها بترجعلك من نفس النوع.

ادى حب .. هتتلقى حب

ادى سعادة .. هتتلقى سعادة

….

[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]