مقال مهم جدا لكل أم
ازاى تنمى مهارة الكلام عند طفلك من الولادة لحد سنتين !
تدريب الأطفال على الكلام
⬅️اتكلمى مع طفلك كتير وابتسمى فى وشه.
⬅️امنعى طفلك عن التليفزيون أول سنتين.
⬅️تابعى حركاته ونظراته وأصواته واشاراته وشاركيه فيها.
⬅️غيرى دايما نبرة صوتك مع طفلك.
⬅️لفت الانتباه بأنك تعملي أصوات حواليه وتقلدي أصوات ويسمع صوت اخواته أو صوت موبايل أو صوت حيوانات
⬅️قلدى حركاته وأصواته عشان تشجعيه يكررها.
تابع تدريب الأطفال على الكلام
⬅️خلى عندك روح كدا وانتى بتلعبى معاه وكاريزما عشان تجذبى تركيزه وانتباهه.
⬅️العبى معاه بألعاب وأشكال مختلفه فى الشكل والحجم.
⬅️كل كلمة جديده ينطقها افرحي بيها أوى وحفزيه وشجعيه عشان يكررها ويزود عليها.
⬅️اديله فرصة عشان التعبير اللفظى يزيد عنده متقاطعيش كلامه وتقوليله اسكت دوشتنا.
⬅️خلى دايما عيونك فى عيونه وهو بيتكلم معاكى.
⬅️ادعمى كل كلمه جديده بينطقها من خلال ابتسامه أو لمسه أو حضن أو كلمه.
⬅️ترجمى دايما نظراته وحركاته وتعبيراته لكلمات.
⬅️وريله كل شويه حاجات يدركها عن طريق اللمس والشم والسمع والنظر.
شير لكل أم وأب ولو عندك أي استفسار أو استشاره فيما يخص أطفالكم هكون سعيد جدا لمساعدتكم.
كتب : د. ابراهيم الحنوني
[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
