قصيدة : ماتصدقيش
كتب : سامح عبد الهادى
فى يوليو 2011 وبعد شهور من ثورة 25 يناير كانت تجري محاكمات لبعض رموز النظام الذى تم إسقاطه ، ولكنها كانت محاكمات هزلية حيث الأحكام كلها جوفاء لا تستند لأساس قانونى وأيضا معاملة المتهمين كانت مختلفة تماما عن معامة أى متهم عادى ، كانت رؤيتهم محجوبة عن الصحافة حيث يتم تغطيتهم بملايات أثناء دخولهم لقاعة المحاكمة ، وأيضا داخل السجون معاملة فى غاية الترفية والرقى .
وبناءا على هذه الأحداث اعتصم مجموعات من الشباب فى توجهات فكرية وسياسية مختلفة ، ولكنهم متفقين على هزلية القضاء فى هذه المحاكمات.
ولكن الإعلام وجه اتهامات كثيره لشباب المعتصمين على رأسها أنهم مرتزقة وهدفهم هو هدم الدولة وتخريب مصر.
ومن هنا كانت هذه القصيدة .. ما تصدقيش
ما تصدقيش …
لو قالولك إنى خاين
ما تصدقيش …
لو قالولك إنى ضدك
وإنى جاى علشان أهدك
ما تصدقيش …
الظلم نار جمرته قايدة
سقط الفساد ولا فيش فايدة
لسه شايفين الخيانة
عايشة لحد النهاردة
ظالم .. قاتل .. فاسد
وست شهور استئناف ومعارضة ..!
يجيبوه ورا الملاية
والناس ما تشوفوش
أصله وضعه حرج
عيب .. ما تصوروش
وفى نهاية المطاف .. حكمت المحكمة
(( لم نجد دليلا ماديا ..
والكلام ما بنصدقوش
أمرنا بحبس الملاية ..
وأطلقنا سراح قراقوش
بكفالة ألف جنيه
وأكيد ممعاهوش ))
بتتضحكوا على مين ؟؟
وللا أنتو مش فاهمين ؟
فيه ألف ماتوا هنا ..
إللى هايتحاسب .. مين ؟؟
ضربتونا وقلتوا علينا فئات مندسة
خوفتونا ونشرتوا الرعب زى الابالسة
وتقولوا البلد بتضيع ..
والاقتصاد فى كارثة
والبلطجية كتير
والناس بالأمان مش حاسه
مانتوا اللى سرقتوا الأمان
بس عين ربنا حارسة
كفايا كدب علينا
دم الشهيد بيجرى فى قلب كل واحد فينا
مش هانسكت .. غير لما نشوف بعنينا
الظالم محروق بالنار
يدوق اللى عمله فينا
وبلادنا هاتكبر .. وهايكبر فيها الخير
مش بإديكم .. بإدينا
…
سامح عبد الهادى
8/7/2011
جميع الحقوق محفوظة للمؤلف
مشاهدة القصيدة فيديو خلال ملتقى شعراء المستقبل بتنظيم واستضافة الشاعرة الدكتورة جيهان نجم
القصيدة تبدأ فى 2:14
[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
مدرس رياضيات حاصل على ماجستير إدارة الأعمال وكاتب ومحاضر في علوم التنمية البشرية والإدارية
جااااااااااامده بجد جميييييييييييييله اوووووووووووووى تسلم ايدك ياشاعر الشعراء