الإستغلال الأمثل لأجازة كورونا
كتب : أحمد عبيد
يعني حضرتك ربنا يكرمك بأجازة حلوة زي دي، تروح تضيّعها؟ طب ينفع؟
أديلوا يابني اللي يخلي حياته أسهل.
أول كورس لازم لازم لازم تاخده، أو حتى تتفرج عليه مجرد فرجة وأنت قاعد عالكنبة، هو كورس (تعلّم كيف تتعلّم)، كورس لطيف جدًا، هيعلمك إزاي تذاكر، وإزاي تجيب درجات تفرّح الحاجة والحاج بأقل مجهود، هتتقرج كل يوم على فيديو وتطبّق اللي فيه خلال مذاكرتك،
طبعًا أنت هتقعد تعيط وتقول: مانا مبعرفش أذاكر حاجة عالنت يعم أنت!
هقولك خود المقال دا، مقال أكثر من رائع عن (5 طرق لتحقيق نجاح في دراستك أونلاين)، مديلك 5 خطوات تقدر تمشي عليها وبالوقت هتتحسن قدرتك على التحصيل جدًا، وهتلاقي نفسك بتحب المذاكرة على الإنترنت أكتر من أي حاجة تانية، المقال أهو يكش مذاكرتك عن طريق النت تتحسن:
Top 5 Tips for Online Study Success
طبعًا هتواجهك مشكلة مش دومًا هتلقالها حل، ألا وهي اللغة صح؟
عارف عارف، مش كل الكورسات للأسف مترجمة للعربي، وكما يقول أبو زيد (العلم دلوقت إنجليزي)، وعشان هرشحلك كورسات المركز البريطاني على يوتيوب، مقسمها مستويات: تقدر من خلالهم، تمشي فيهم بالتريب تبقى وحش في الإنجليزي، بس في شرط مهم.
ايه تاني؟
متوقفش، وما قل وكفى، خير مما كثر وألهى، وقليل مستمر خير من كثير متقطّع، فهمتني يابني؟
English For You
أنا عارف إن نفسك بتخدعك! صح! قول متتكسفش! كلنا كذلك يا غلام، لا عليك، فقط حاول تفهم نفسك كويس، عشان كدا هرشحلك برنامج خفيف، تتفرج على حلقة كل يوم بدل ما بتروح تشوفلي ناس بيبيعوا كفتة، الراجل اللي بيقدمه دمه خفيف وبيضحك، دكتور عبدالرحمن ذاكر الهاشمي، حد لطيف وبيشرح مادة علمية بسيطة هتساعدك تبني علاقة مع نفسك كويسة.
https://www.youtube.com/playlist?list=PLvGpI5t1gJ8QX8Gisc0d9ANNgYzTiPMzJ
ايه تاني؟ محتاجين حاجة تانية يا واد يا عُبد؟
أعتقد إننا محتاجين نصلح قرائتنا للقرآن!
عشان إذا ربنا كتب لنا الحياة لرمضان الجاي إن شاء الله نعرف نقرأ القرآن كما يرضاه ربنا+ وإن لم يحالفنا الحظ ولم يُكتب ليا حضور رمضان السنة دي، هقف أمام الله وأقوله يا رب أنا كنت بتعلم تجويد عشان أتعلم قراءة القرآن، ومين عالم! ممكن ربنا يقبلني شهيد! الله!
خود يعم الدورة اللطيفة دي، ومارس مع الشيخ عشان قرائتك للقرآن تتحسّن إن شاء الله.
https://www.youtube.com/playlist?list=PL9qpOcHlHMRO4BZaIvvoAc5fhGcwwRqXl
كفاية؟
آه كفاية، كل يوم حلقة من ال-Playlists اللي رشحتهالك فوق، مش هتاخد منك وقت أبدًا، وهترجع بعد الإجازة بإذن الله، بتعرف تذاكر كويس جدًا، دا غير إنك مبقتش هتعاني مع المذاكرة عن طريق النت تاني، والإنجليزي مبقاش عائق ليك خلاص، هتبطل تقول الشتايم اللي بالإنجلش عشان تبان روش موت لأنك هيكون معاك حصيلة أحلى، وفاهم نفسك وبتعرف تتعامل معاها بدل ما هي سحلاك كل يومين في كراش شكل، وأخيرًا هتخش رمضان وأنت بتعرف تقرأ قرآن يا صاحبي زي ما نزل على النبي صلى الله عليه وسلم! أنت متخيل الجمال!
شير وقول لأصحابك المأنتخين
[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
