كيف سينتهي العالم ؟ سيناريوهات العلم والمنطق .
كتب : محمد مهني
سنة 2020 كانت سنة صعبة جدا من بدايتها و الأحداث المريبة جدا اللي حصلت فيها؟!
عندك مثلا يوم 3 يناير حصلت حادث اغتيال لقائد فيلق القدس التابع للحرس الثوري الإيراني ( قاسم سليماني ) حادث الاغتيال حصل عن طريق طيارة أمريكية بدون طيار عند مطار بغداد!
ايران بقى ردت بقصف قاعدة ” عين الأسد ” في بغداد، القاعدة دي بيتخذها جنود الأمريكان مركز مبيت ليهم!…
بعد اللي حصل ده بدأت تحصل مناوشات كتير بين أمريكا وايران وتصريحات تحذيرية من الطرفين ، والعالم كله قال اننا داخلين على حرب عالمية تالتة !
واللي يقول ان خلاص احنا في طريقنا لحروب نووية ودمار للعالم!..
لكن محصلش حرب عالمية ولا حاجة ، والموضوع هدي ولا كأنه حصل اصلا!
بس جالنا بقى ما هو ألعن ؟!
ظهر في الصين فيروس ( كورونا ) وانتشر في العالم كله وبقى وباء بيهدد البشرية ، الإصابات بالملايين ووفيات كتير وده خلى العالم يقفل؟ يعني كل دول العالم قفلت على نفسها، الطيران اتوقف ، حرفيا كل شيء حصله شلل ف العالم !
الناس بدأت تخاف ، خلاص دي نهاية العالم ، الفيروس هيموتنا ويوم القيامه خلاص! كل الأحداث الغريبة دي احنا عشناها في 2020 ومازال لسه الفيروس موجود وبيحصد آلاف كل يوم!..
مع الكلام اللي كتر عن دمار البشرية في 2020
في المقال ده هذكر اشياء ممكن تحصل في المستقبل هيكون سببها دمار البشرية ، فتعالوا نعرف ايه هي السيناريوهات اللي ممكن تحصل؟!
شوفوا الصور واقروا السيناريوهات اللي ممكن تحصل في المستقبل وتدمر الكون!…
خلينا نبدأ بالأشعة الكونية؟!
الاشعة الكونية دي عبارة عن جسيمات ذرية ليها طاقة عالية جدا بتيجي من الفضاء وبتصطدم بالأرض، وبالرغم من خطورتها إلا أنها تعتبر ظاهرة تم اكتشاف تأثيرها حديثا، اكتشف مدى تأثيرها الخطير من 100 سنة.
طب ازاي تم اكتشاف ظاهرة الاشعة الكونية ؟!
تم اكتشاف الظاهرة دي لما تم ملاحظة أشعة تسقط على الأرض، الاشعة دي مأثرتش بالسلب على كوكب الارض .
ليه مأثرش بالسلب؟
مأثرش بسبب وجود الغلاف الجوي و المجال المغناطيسي لكوكب الارض اللي حجب 90 في المية من الاشعة الكونية وحمى كوكبنا من أي خطر…
ايه هي اضرار الاشعة الكونية ؟!
الأشعة الكونية ليها القدرة انها تصيب البشر بأمراض جلدية وسرطانات مميتة! ….
الحماية اللي واخدها كوكب الارض من الاشعة الكونية مش هتفضل موجودة على طول بسبب تآكل طبقة الاوزون ، اللي خلت الاشعة الكونية تتسرب منه!
هي اه الاشعة الكونية بتتسرب لكوكبنا بشكل ضئيل لكن العلماء بيقولوا لو مشكلة تآكل طبقة الأوزون استمرت كتير وتفاقمت مرة تانية هتفقد الأرض درع الحماية الخاص بيها وهو ( الغلاف الجوي ) وينهار وده هيخلي الاشعة الكونية تسقط على الأرض وتدمر البشرية بالأمراض المميتة !…
السيناريو الثاني : الأسلحة البيولوجية؟!
الاسلحة البيولوجية أخطر وأغرب الاسلحة الموجودة اليوم على كوكبنا ، أخطر كمان من الاسلحة المعتادة اللي هي البارود والدبابات والمتفجرات وغيرها من الاسلحة اللي دايما بتستخدم في الحروب!
السلاح عبارة عن ميكروبات أو بكتيريا!
فكرة السلاح هو ان بيتم اطلاق بشكل متعمد فيروسات وبكتيريا في مكان ما، وبيتم إطلاقها من خلال الطائرات ، زي مثلا غاز ( الكيمتريل ) اللي هو سبب في تغير المناخ وانتشار الأمراض المميتة ! …
أول لحظة من إطلاق الفيروسات بيتم قتل كل الحيوانات الحية على وجه الأرض وبما فيهم البشر! حصل اتفاقات دولية كتير بتحظر استخدام الأسلحة البيولوجية ، وكل الدول وقعوا على الاتفاقيات دي ، لكن بالرغم من الاتفاقيات دي بيحصل الاختراق وبيتم ابحاث وتطوير الفيروسات في المعامل سريا وابسط مثال هو فيروس ( كورونا ) اللي خرج من احد مراكز الابحاث والتطوير للفيروسات بالغلط ، أو خرج عن قصد وأهو شايفين نتيجة انتشار الفيروس ده !..
والله أعلم ممكن جدا يكون في المعامل السرية دي بيتم تطوير الفيروسات وراثيا ، وممكن جدا تتسرب من المعمل ويكون فيروسات أخطر بكتير من فيروس كورونا! …
فيه مقال منشور هنا فى كوكب المعرفة بيتكلم عن خدعة كورونا
السيناريو الثالث : اصطدام نيازك بالأرض؟!
من أخطر المخاوف المنتشرة في العالم حاليا هو اصطدام نيزك عملاق بالأرض!
في الفضاء الخارجي موجود عدد كبير جدا من الاجسام العملاقة بتتحرك بالقرب من مجالنا الفضائي، ووارد جدا يصطدم احدها على الأرض وهتكون النتيجة كارثية ..
لان اصطدام نيزك عملاق بالارض كافي جدا انه ينهي كافة أشكال الحياة على سطح الأرض بسبب الانفجارات المدمرة اللي هتحصل وكمان ارتفاع درجة حرارة الأرض بشكل كبير جدا ، اللي مش هيخلي أي شكل من أشكال الحياة على الأرض..!
مش كده بس كمان اصطدام نيزك بالأرض هيخلق سحابة عملاقة من الغبار ناتجة عن الاصطدام ليها القدرة على حجب أشعة الشمس بالكامل عن الأرض.
ولو الاصطدام ده قوي بدرجة كبيرة أو نيزك عملاق مثلا، هيؤدي لانقسام كوكب الأرض ..
يعني بكل بساطة هيقسم كوكبنا نصين ، أو يحصل انشطار لجزء من الكوكب؟
يعني بالبلدي ( هياخد جزء من الكوكب ) وده لو حصل هيكون كارثة ، لأنه هيسبب خلل كبير جدا في كل شيء على الكوكب، ويخلي الكوكب غير صالح للحياة عليه!
بالاضافة لخطر الاجسام الغير مرئية ( الثقوب السوداء ) اللي طبعا ممكن جدا تبلع الكوكب باللي عليه ، وما يكونش له أي وجود! …
كارثة بكل المقاييس!…
السيناريو الرابع : الذكاء الاصطناعي
تعالو بقى نيجي لاخطر شيء هيكون خطر جدا على البشرية – وهو الذكاء الاصطناعي ..!
ايه هو الذكاء الاصطناعي؟!
بص يا سيدي الذكاء الاصطناعي ده عبارة عن قدرة الآلات على إنها تحاكي قدرت البشر؟
يعني ببساطة آلة زي الكمبيوتر كده بس متطور جدا جدا يقدر انه يعمل حاجات كتير البشر بيعملوها وبشكل اكتر تطورا…
وده موجود حاليا في المصانع والسيارات ، يعني هتلاقي مصنع عنده آلات متطورة جدا بتقدر تطلع له انتاج كتير جدا وبشكل اسرع من الانسان…
وهتلاقيها كمان في العربيات وغيرها من التكنولوجيا بكل اشكالها ….
السيناريو الخامس : خطر الروبوت
استكمالا للذكاء الإصطناعي .. نتكلم عن الروبوت
في الفترة الأخيرة حصل تطور ملحوظ ومبهر جدا في عالم ( الذكاء الاصطناعي ) لدرجة أنه تم صناعة روبوتات تشبه الانسان ، وليها القدرة على التفكير واتخاذ القرارات !
وكمان انها تتكلم وتتناقش زي الانسان في امور الحياة وتطرح أسئلة وتحاول كمان تقنعك بوجهة نظرها !
ده هتلاقيه موجود في الروبوت صوفيا
ايه حكاية الروبوت ( صوفيا ) اللي صنعها شركة اسمها : هانسون روبوتيكس Hanson Robotics
صوفيا روبوت شبه البشر جدا، بيقدر يتعلم بسرعة، وكمان بيقدر يطور نفسه ويتعامل مع البشر، الروبوت اتعلم واتطور بشكل غريب بيخليه انه يدير لقاءات صحفية ويقدر يتحاور …
كمان تقدر تخلق لنفسها لغة جديدة خاصة بيها! وتقدر تطور محاكاة للمشاعر سواء مشاعر ( الفرح أو الحزن أو الغضب )
وتقدر تبرمج سوفت وير جديد، وتقدر تقلد تعابير الوجوه البشرية، وتصنع مناقشة بمنطق خاص بيها!
كمان هو أول روبوت في التاريخ يحصل على جنسية ( هي اخدت الجنسية السعودية سنة 2017 ) وده بيديها حقوقها زي أي مواطن سعودي!…
صوفيا اتطورت بشكل مرعب جدا ، لدرجة ان كلامها وتصريحاتها عملت جدل كبير ف العالم؟! العالم بدأ يسأل هل هي بتمتلك وعي زينا؟! وهل هي مازلت مجرد آلة؟! وهل ممكن الموضوع يخرج عن السيطرة ويصبح البشر في حالة تهديد من الروبوت ( صوفيا )
طب الجدل ده حصل ليه والعالم خاف ليه؟
بص يا سيدي: صوفيا اتسألت في أحد اللقاءات،
السؤال اللي اتوجه لصوفيا هو: هل ممكن الروبوت يطور وعي ويفضل عارف انه روبوت؟!
ردها كان مخيف جدا: خليني اسألك انت السؤال ده؟! انتم ازاي عارفين أو واثقين انكم بشر؟!
سألها سؤال تاني وقالها: طب ايه يضمن لنا انك هتفضلي كويسة مش عدوانيه ، أو ان الموضوع يخرج عن السيطرة ويقلب على افلام خيال علمي وتحارب البشر؟!
ردت وقالت: if you’re nice to me i’ll be nice to you .
يعني عايزه تقول لو عاملتوني كويس انا هعاملكم كويس ، لكن لو لقيت معاملة مش كويسة طبعا انا هعاملكم بنفس الشكل!
طب خدوا الحتة المرعبة دي ،
الشركة اللي صنعت صوفيا في طريقها لصناعة نسخ تانية زيها عشان تحارب فيروس كورونا وتحمي البشر! …
والشركة بدأت في انتاج نسخ من الروبوت ( صوفيا ) مع بداية 2021 لما بدأت الموجة التانية من كورونا!..
يعني هنلاقي الفترة الجاية ( جيش كورونا ) من روبوتات منتشر ما بينا والله اعلم بقى الهدف ايه؟! …
بس الموضوع مخيف جدا تخيل انت تلاقي ( روبوتات ) منتشرة في العالم ، يمكن يتم البرمجة بشكل يخليهم عدوانيين ويحربونا! زي ما بيحصل في الافلام كده !…
السيناريو السادس : اختفاء الشمس
تخيل أن الشمس تختفي ميبقاش ليها وجود ، ياترى ممكن ايه اللي يحصل لو الشمس اختفت؟!
بالرغم من المسافة المهولة اللي بينا وبين الشمس اللي بتقدر بـ 150 مليون كيلومتر تقريبا، إلا مع اختفائها هيؤدي لكارثة كبيرة جدا على الارض.
الشمس زيها زي اي نجم في الكون، بتدمج ذرات الهيدروجين مع الهيليوم في عملية الاندماج النووي، ومع انتهاء وقود الشمس هتختفي الشمس! وتتحول تدريجيا إلى جليد!
ومع اختفاء الشمس هيحصل خلل كبير في الجاذبية بل مش خلل بس ، ده الجاذبية هتتلاشى اصلا!
وهنا هيحصل انحراف للكواكب عن مسارها، وهيتحولوا لكواكب شاردة مش ثابته عماله تتحرك بشكل عشوائي ويكونوا معرضين للاصطدام ببعضهم البعض ، أو يصطدموا بأي جسم آخر في الفضاء ، عشان بعدها يحصل دمار لكل الكواكب دي!
وهيكون نتيجته دمار للمجموعة الشمسية !..
شيء مرعب فعلا لو حصل!..
السيناريو السابع : الاحتباس الحراري
الاحتباس الحراري هو ارتفاع درجة حرارة في الطبقة السفلية من الغلاف الجوي وده بسبب زيادة كمية غاز ( ثاني اكسيد الكربون ) وغاز ( الميثان ) في الغلاف الجوي ،
الغازات دي بيطلق عليهم ( الغازات الدافئة ) الغازات دي مصدرها المصانع و الآلات وعوادم السيارات…
الغازات دي ليها القدرة على امتصاص الحرارة وحبسها داخل الغلاف الجوي ، وده هيؤدي لارتفاع كبير في درجة حرارة….
ومع ارتفاع درجة الحرارة في كل مكان هيحصل حوادث كارثية على الأرض!
من الكوارث دي ذوبان الجليد في القطبين ( الشمالي و الجنوبي ) واللي هيؤدي لارتفاع المياه في البحار والمحيطات واللي بعدها هتغرق جميع المدن الساحلية!
بالإضافة لنزول الأمطار ب كمية مهولة ، وده هيؤدي لتلف جميع المحاصيل الزراعية وحدوث خلل في فصول السنة، وبالتالي هيحصل مجاعات على من تبقى على قيد الحياة!…
والأرض تتحول تدريجيا لصحراء!..
السيناريو الثامن الأسلحة النووية؟!
السلاح النووي هو أخطر سلاح على الإطلاق،
موجود الآن أكتر من 15 ألف قنبلة نووي على الارض!
الاسلحة دي ليها القدرة انها تدمر الكوكب في لحظات، وتبيد شعوب!
بالاضافة ان الاسلحة النووي ممكن تعمل نقص في المواد الغذائية وتخلق مجاعات!
لو متعرفش مدى تأثير السلاح النووي خليني أقولك ان قنبلة هيروشيما سنة 1945 نتج عنها موجات انضغاطية عنيفة وتسببت في موت حوالي 140.000 انسان!
وده بسبب قنبلة نووي واحدة فقط! ما بالك بقى لو انضربت الـ 15 الف قنبلة ! …
نختم باخر سيناريو وهو حرب العوالم؟!
اكيد سألت نفسك قبل كده وقلت هل احنا فقط اللي عايشين في الكون؟!
هل في كائنات أخرى عايشه في الكون و منعرفش عنها حاجة؟!
الاسئلة دي مش هتقدر تنفيها ولا هتقدر تأيدها.
ممكن جدا يكون في كائنات عايشه معانا و منعرفش عنها حاجة! كائنات فضائية بقى عايشين في الفضاء!
أو حضارات في باطن الأرض، أو حضارات في ابعاد تانية منقدرش نشوفها!، زي مثلا قوم يأجوج ومأجوج اللي اتكلم عنها القرآن واللي ( ذي القرنين ) عمل سد قوي عشان يحبسهم ويخلص البشرية من فسادهم!
يا ترى موجودين فين ؟! وهل ممكن يخرجوا ويحربونا؟! القرآن قال انهم هيخرجوا فعلا ويحربونا وهينشروا الفساد في الأرض! والدم هيغرق الأرض بسبب قوتهم !…
ايوة البشرية قدرت تطور اسلحة متطورة جدا ، لكن هل لو كائنات اخرى في عوالم مخفية عننا خرجوا وحربونا ، هل الاسلحة دي هتقدر توقفهم؟!
أكيد هما متطورين جدا وعندهم اسلحة لسه موصلناش ليها ! وبكده النتيجة هتكون كارثية للبشر! ….
ربنا هو العالم بمدى حقيقة وجود الكائنات دي ، لكن مش هنقدر ننفي ولا نأكد حقيقة وجودهم!….
يكفي ان ربنا قال ( ويخلق ما لا تعلمون ) دي تخلينا نتأكد ان ربنا خلق حاجان تانية في الكون احنا منعرفش عنها حاجة لانها مجهولة ليها!..
علي أبواب السعادة قصة قصيرة طويلةعلي أبواب السعادة قصة قصيرة طويلة فكرتي السعيدة هي حب العطاء و الاستمتاع بذلك مفتاح أبواب السعادة في قلوبنا حيث تكمن الأفكار السعيدة حلقت بفكرتها في السماء ثم عبرت أبواب السعادة و لكن اليوم هي بحاجة هذا الشعور بقوة ليقاوم شعور الدونية الذي سيطر عليها قوة الحق في وجه الباطل
إقرأ الموضوع كاملا
كيف تطور أدب الرعب بين الحقيقة والخيال وما هي أفضل قصص رعب عربية؟تصنف هذه الرواية تبع أدب الرعب الخيالي وهي للمؤلف المصري حسن تم إصدارها عام 2010 ، وتدور أحداث هذه الرواية حول تصادم أتوبيس مع قطار ويقع ضحية الحادث 42 ضحية، يتم نقلهم إلى المستشفى ومن بينهم شاب يحرك يديه من على الجثة التي قد وضع يده عليها بالخطأ.
إقرأ الموضوع كاملا
سبع خطوات لحسم مقابلة العمل و الفوز بالوظيفة المرغوبةالحصول على الوظيفة المرغوبة أمرا ليس سهلا، فهو يحتاج إلى الاستعداد والالتزام بشكل جيد. ومن خلال الأسطر التالية سنتحدث بالتفصيل عن أهم النصائح التي تساعدك في الحصول على الوظيفة التي ترغبها، وكيف يمكنك كتابة سيرة ذاتية منسقة للتقديم فيها، فلنتابع سويا
إقرأ الموضوع كاملا
بوتات تليجرام تقدم آلاف الخدمات مجانا .. ولكن هل هى آمنه؟بوتات تيليجرام Telegram Bots، ماهي وهل هي آمنة؟ وما أفضلها وأكثرها استخداما وهلى هي متاحة للجميع وكيف يمكن الحصول عليها، تدور العديد من الأسئلة حول استخدام تيليجرام، فهو تطبيق متميز ومنفرد بالعديد بالفوائد التي تميزه عن غيره من تطبيقات التواصل
إقرأ الموضوع كاملا
لعشاق الروايات.. قائمة اعلى الروايات مبيعا وشهرة عالمية حتى الآنإذا كنت من عشاق الروايات فلا تفوتك أشهر وأفضل الروايات العالمية المترجمة والتي احتلت الصدارة في ترند الروايات لأعوام متتالية ولازالت الأفضل والأشهر في العالم
إقرأ الموضوع كاملا
كيفية كتابة سيرة ذاتية احترافية تضمن لك مقابلة العملتعلم كيفية كتابة سيرة ذاتية بشكل مميز، واهم الأفعال التي يجب أن تتجنب استخدامها والمصطلحات، وأهم الافعال التي يجب كتابتها لكي تظهر إلى الشركة التي ترغب العمل فيها بشكل مميز، كل هذا ستجده في هذا المقال.
إقرأ الموضوع كاملا
مراجعة وتحميل أهم أعمال رضوى عاشور .. مبدعة أروع الرويات العربيةالأديبة الراحلة رضوى عاشور وقد ذكرت في هذا الكتاب ملامح من سيرتها الذاتية ممزوجة ببعض الحكايات والأحداث والثورات والتحرير والشهداء، والظروف الاجتماعية من دراستها بالجامعة والتي قضت فيها اربعة عقود من حياتها، كما شاركت تجربتها مع المرض
إقرأ الموضوع كاملا
حقيقة قوانين مورفي وعلاقتها ب مسلسل ما وراء الطبيعةمنذ عرض مسلسل ما وراء الطبيعة، المأخوذ عن رواية تحمل نفس الأسم للكاتب الدكتور أحمد خالد توفيق، أصبحت كلمة “قانون ميرفي” تتردد على منصات التواصل الاجتماعي وبدأ يتسائل الكثيرين عن من هو ميرفي ؟ وما هي تلك القوانين التي تردد البعض منها على لسان الدكتور رفعت إسماعيل الشخصية المحورية في الرواية؟ وهل هي قوانين علمية نتاج أبحاث ونظريات علمية، أم مجرد مقولات مأثورة لصاحبها ؟ سنجيب على كل تلك التساؤلات فى السطور القادمة …..
إقرأ الموضوع كاملا
هل تفكر فى صناعة روبوت؟ تعرف على أماكن دراسة الروبوتانتشر علم الذكاء الاصطناعى تخصص الروبوتات بشكل كبير في العصر الحالي .
حيث أن العديد من طلبة المدارس والجامعات لديهم الكثير من التساؤلات حول الروبوت ماهو أنواعه المجالات الدراسية التي تهتم بدراسة علم الروبوتات وسوف نناقش فى هذا المقال كل ما يخص مجال الروبوت ونجيب جميع التساؤلات حول الروبوت .
إقرأ الموضوع كاملا
أعراض الفطر الأسود وطرق الوقاية منهما هو الفطر الأسود ؟
هو عبارة عن فطر عفني غير معدي، يوجد في التربة أو في الخضروات والفواكه التي تحللت، ويؤثر الفطر الأسود على مناعة الجسم وكذلك الجيوب الأنفية والرئتين والمخ، كما ان المصاب بهذا الفطر معرض للإصابة بمرض السكر.
أعراض الفطر الأسود : يوجد الكثير من الاعراض المصاحبة لفيرس كورونا، والتي يدل وجودها على أن الشخص قد يكون مصاب بالفطر الأسود، والتي سنذكرها فيما يلي:
