كما تدين تدان | قصيدة
الشاعر: عاطف محمد
هى هانت
هو هان
هى خانت
هو خان
هى باعت للشيطان
كل حته من جسدها
أصلها خافت كسدها
عمرها يضيع من ايديها
ويمر من غير استفاده
طظ ف الفكر الزبالة
باعوا فيها كأي باله
هو خلى خيانته عادة
خان وباع……
نفسه لشيطانه
لما عوجن سير طريقه
لما باع ببلاش رفيقه
الخيانة نظرة سوده
تنقلك لنار جهنم
كلمة فيها السوء ظلام
تخنق الأحلام بخبث
الحكاية مش عايزه لبس
كله واضح
الخيانة فعل فاضح
دمه بارد له نياب
فاتحه باب لكلام شمال
لما مالت هو مال
لما قالت هو قال
اتفاق باركه الشيطان
هو و الاباليس حضور
م البداية للنهاية
شهدوا زور
الكلام جايز يجوز
إللى عايز يملا كوز
ينشرب حتى الثمالة
والمزة كل قلوب حلال
الحرام والحلال
اجتماع بينهم محال
ده طريق
زينه اشطن شيطان
وده طريق
نهايته حتمه
ف الجنان
طعم الخيانه مش لذيذ
ولا له عزيز
ولا له دوام
كما تدين تدان
الخيانة أصلها حتة قرار
يأخذه بنى آدم غبى
يللى سمّك مالى دمك
اترجع عن الخيانة
اتعظ قبل النهاية
قبل مايفوت الأوان…
[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
شاعر ومؤلف وسيناريست و مخرج مسرحى سينمائى مصمم عروض ورسام ومحاضر ومقدم اذاعى وتليفزيونى كاتب صحفى
