شيطان الفشل
كلمات : سامح عبد الهادى
انضم لكوكب المعرفة تابع أشعار سامح عبد الهادي
كأن انت اللى عايش مش أنا
كأنك نسيت جراح الكام سنة
مابيهمكش عتمة ولادخان
مابتهدكش يوم أحزان
مطلوق زى الفرس الجامح
عايش .. مصمم تبقة فالح
عمرك ما كنت يائس وللا خايف
ولا يوم مسكت فى عذر زايف
إنت إيه ؟ مافيش كلام بيوقفك
مافيش كلاب مهما تنبح تخوفك
إنت ماعندكش وقت تفكر فى أيامك
إنت مش شايف غير رؤيتك وأحلامك
تبتسم .. عشان الدنيا تصفالك
وبتغنى .. وغنى السفر بيحلالك
طب أعمل ايه قوللى
أنا مش عارف أوقف حالك
كلمات: سامح عبد الهادي
جميع الحقوق محفوظة للمؤلف
مدرس رياضيات حاصل على ماجستير إدارة الأعمال وكاتب ومحاضر في علوم التنمية البشرية والإدارية
جميله جدااا ياسامح
فعلا استغاثة من الفشل
تسلم 🙂