الانطباعات الأولى
كتبت: هند محمد جمال
هل الانطباع الأول هو الانطباع الأخير فعلا !
الانطباع ده هو الاثر الى بتسيبه فى فكر الشخص الى قدامك
و هو كمان بدايه لعلاقه جديده مع الشخص الاخر
و يإما نسيب انطباع كويس او الانطباع بيبقى مش حلو
سواء الكويس او الوحش ده بيتكون بسرعه و بيبقى بناء على تصرفتنا و افعالنا .
فى اكتر من رأى فى موضوع الانطباعات الأولى و هى ان الانطباعات الاولى تدوم و انى احكم على الاشخاص من اول مره و اكون انطباع عنهم شبه مؤكد
والرأى التانى ان الانطباعات الاولى مش بالضروه تدوم عشان كده لازم ندى فرصه تانيه و تالته لان ياما ناس كانوا بشوشين و كلامهم معسول و فى الاخر بيطلعوا عكس كده تمام .
وجهة نظرنا بتتغير تجاه الأشخاص مع الوقت
جايز يكون إحساسك صح من اول مره بس احنا بنحب نجرب ما يمكن الشخص ده كويس او الانسانه دى كويسه بس الظرف او الوقت ال شفته او شفتها فيه هو ال غلط .
و كمان الأماكن المكان ده ممكن يكون حلو بس الموقف الى حص فيه او الذكرى ال ليه فيه هى السيئه و مش حلوه عشان كده لازم ندى فرصه لنفسنا حتى لو مش مقتنعين بوجه نظرنا او شكين فيها .
بالنسبه للأشخاص في ناس بتدى رايها في الشخص و بتاخد انطباع عنه من شكله مثلا او مظره يعنى لو كان الشخص ده شيك كده و منسق و مهتم بنفسه ياسلام بس دا انت جميل و بتفهم ما هو منسق شكله الخارجي و لابس كده و مرتب بس ممكن يطلع على العكس
من جوا شخص فوضوى في حياته و كلماته غير منسقه وغير منمقه و همجى .
قصدك تقولى كده ان الأشخاص الشيك بيبقوا شيك من بره بس لا طبعا مقصدش كده قصدى ان مينفعش أدى انطباعى بناء على الشكل الخارجي و انسى الجوهر الى هو الأساس يعنى بلاش الأنبهار بالصوره الخارجيه و نركز شويه عى الأساس .
معنى أنى اخد انطباع حلو عن الشخص ال قدامى معنى كده انو ساب اثر طيب و جميل في نفسى ممكن يكون ده بسبب كلامه الجميل او مشاعره الجميله او أفكاره المبهره احنا ممكن ننبهر بشخص عشان تفكيره او ثقافته عشان كده كل واحد انطباعه غير التانى و ببساطه كده ان ال يبهرنى او يعجبنى مش بالضروه يعجب غير و طريقه نظرتنا للاشياء بتختلف يعنى زى ما بيقولوا على راى المثل “لولا اختلاف الازواق لبارت السلع ” بعض النصايح و الخطوات الى بتسيب انطباع جيد خصوصا لو اول مره تتقابلوا مع اشخاص جديده فى حياتكوا .
من الحاجات الى ليها تاثير على ترك انطباع جيد هى التركيز اثناء الحديث يعنى لما تقابل شخص اول مره بلاش تقابله و تتكلم معاه بعدم اهتمام اوبقله تركيز كده بتحسسه بانه مش موجود او بتققل من قيمته .
كمان الاسماء يعنى لما تقابل حد اول مره حول ما تنساش اسمه انك تكلم الى قدامك و تندهه باسمه ده باثر جدا فى الكلام معاه لان الاسم ليه عامل مهم جدا ده جزء من هوايه اى بنى ادمان و بيحسسه بقيمته .
الاسئله المفتوحه دى من الحاجات الحلوه جدا يعنى مثلا ايه رايك فى الموضوع ده او ايه اكتر حاجه بتحبها فى شغلك اكتر الهوايات الى بتحبها يعنى الاسئله دى بيبقى مجال الكلام فيها مفتوح مش مقنن على حاجه واحده محدده .
كمان الحاجات المشتركه بينكم يعنى لو فى اجتماع شغل تتكلموا عن الشغل لو فى حفله هتتكلموا عانها لو خارجين فى مكان مفتوح هندتتكلموا عن حالح الجو يعنى تشوفوا الارضيات المشتركه بينكم و تخلقو احوار ده بيبقى شيئ جميل . كمان الابتسامه الحلوه الجميله ليها اثر على النفس البشريه عموما و كما قال سيدنا( محمد صلى الله عليه و سلم ) “تبسمك في وجه اخيك صدقه” و كمان قوله ” كل معروف صدقه ؛ و ان من المعروف ان تلقى اخاك بوجه طلق “
يعنى الابتسام دى حاجه بسيطه و غير مكلفه بس اثرها بيبقى جميل و بتزود التالف و المحبه بين الناس و بتشعر الواحد بالطمانينه تجاه الى حواليه .
ببساطه كده ان تسيب انطباع كويس عنك دى مش حاجه صعبه او مستحيله ممكن تكون انسان ذو اثر طيب بشويه حاجات بسيطه
يعنى لما تتكلم او تتكلمى بلاش نبدء كلامنا بالحاجات السلبيه او المتاعب الى واجهتنا او الى بتواجهنا ممكن نبتدى كلامنا بالايجابيات الى في حياتنا و نخاد بالنا من الفاظنا شويه.
حاجه كمان ياريت لو نهدى من انفعالتنا خصوصا ان دى بتبقى اول مره نقابل فيها الشخص ده او الاشخاص دول يعنى لو انت متعصب من حاجه متصبش انفعالك على الى قدامك حاول تخلى عصبيتك متضرش الى حواليك و تخوف الى قدامك منك .
كمان نظرتنا بلا النظرات الى فيها تعالى او عنصريه و احنا بنتكلم ياريت نكون بشوشين و نظرتنا مش حاده عشان ده بياثر جدا في نفسيه الى قدامك و بيسيب انطباع عنك مش كويس لو كنت حاد في نظراتك بتحسس الى قدامك بقسوه منك .
و بلاش نبرة الصوت العاليه تقولى ليه اقولك مش من الذوق ولا الرقى ان لو ببنتكلم فى حاجه المكان كله يكون سامعنا .
و برضوا من الحاجات المؤثره لما تيجى تسلم او تصافح حد سلم كويس بلاش تسلموا من طراطيف صوابعكوا كده .
يعنى الواحد يحاول على قد ما يقدر يسيب اثر كويس في الى حوليه و يدى الناس انطباع حلو عنه باشياء بسيطه و هي عدم التكلف و التصنع يعنى تبقى كده على طبيعتك كل ما تبقى بسيط كل ما تبقى محبوب لان مفيش احلى من البساطه .
ياريت نحاول على قد ما نقدر ناخد بالنا من تصرفاتنا لان بناء على كلماتك و افعالك ده بيدى مؤشر للقدامك انك انسان مريحا و بتتقبل الى قدامك يعنى مش منفر او بتدى انطباع عكس كده تمام .
لان المعلومات الاولى فى اول مقابله بين الاشخاص بتكون الاهم لانها بتحدد و بترسم معالم شخصيتك بالنسبه لهم يعنى هى عنوان شخصيتك .
[latest-selected-content limit=”5″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
