مراجعة وتحميل كتاب أكسبايرد من أجل علاقات لا تنتهي صلاحيتها
كتبت: خديجة الحداد
Expired من أجل علاقات لا تنتهي صلاحيتها للباحثة والكاتبة ريهام حلمي كتاب مميز ورائع جدا عبارة عن جلسات كوتشينج، بيتكلم عن فنون اختيار العلاقات الإنسانية والاستثمار في العلاقات الناجحة والذكاء العاطفي.
قد يساعدك الكتاب في فهم حدود العلاقات مع نفسك أولا ومع الآخرين، كما يعرفك مؤشرات تبين الفرق بين العلاقات الصحية والعلاقات السامة والمرهقة وازاي تهرب منها بشكل مريح لنفسك.
نقدم لكم في كوكب المعرفة مراجعة كتاب من أجل علاقات لا تنتهي صلاحيتها مع إمكانية تحميله مجانا
نبذة عن كتاب من أجل علاقات لا تنتهي صلاحيتها
المتوقع في العلاقات الإنسانية إنها تبقى مريحة وسبب لسعادة الإنسان، لكن واقعيا العلاقات المميزة العميقة بقت نادرة وبقى الغالب على حياتنا وجود علاقات مرهقة تستهلك طاقتنا.
في الكتاب ده هنتكلم عن قواعد إدارة العلاقات في خطوط محددة بتساعدك إن علاقتك تبقى صحية، وبتديك تنبيه إنك متقعش في فخ العلاقات المرهقة.
وبتشرحلك طريق السلام عشان تبقى طرف في علاقة صح تملاك من جوه وتنور حياتك وتكون علاقتك تعيش وتزدهر مش علاقة منتهية الصلاحية.
عن الكاتبة ريهام حلمي
ريهام حلمي كاتبة وباحثة في مجال الذكاء العاطفي وتطوير العلاقات الأسرية.
- مؤلفة كتاب (سكن.. صفاء الروح في حلو المشاعر ومره) أكثر الكتب مبيعا في 2017، وكتاب Expired من أجل علاقات لا تنتهي صلاحيتها أكثر الكتب مبيعا في 2019.
- ريهام حلمي حاصلة على شهادات معتمدة من جون جراي، وجيل نيلسون وريتشارد بولستاد ومايكل هول بالولايات المتحدة.
- حصلت ريهام حلمي على بكالوريوس الاقتصاد من الجامعة الأمريكية بالقاهرة عام 2003.
- عملت فترة في مجال تدريس الأطفال.
- تزوجت ريهام حلمي وأنجبت ثلاثة أبناء وبعد أول إنجاب بدأ شغفها في العلوم الإنسانية والعلاقات ينمو ويتطور بالقراءة والتحصيل والعلم ثم بالدراسة المهنية.
- أنشئت ريهام حلمي مؤسسة فاميليا من عشر سنوات بالاشتراك مع هبة السواح مؤلفة الكتاب الأكثر مبيعا (سندريلا سكريت).
- تدرب مؤسسة فاميليا العديد من الأمهات على أساليب التربية الإيجابية وتطوير علاقتهم الأسرية.
- حصلت مؤسسة فاميليا على اعتماد حصري لتقديم أعمال الأمريكي جون جراي أشهر مدربين العلاقات الزوجية والأسرية صاحب الكتاب الأكثر قراءة والأعلى مبيعا ( الرجال من المريخ والنساء من الزهرة).
كتاب اكسبايرد من أجل علاقات لا تنتهي صلاحيتها
الكاتب: ريهام حلمي
الفئة: علاقات إنسانية
عدد الصفحات: 287
تاريخ النشر: 2019
نبذة:-
العلاقات من غير إدارة سليمة ممكن تبقى سامة تهد فيك وفي غيرك أكتر ما تبني، لما يبقى عندك وعي في إدارة العلاقات هتحقق علاقة تسمح لك بالحياة مش علاقة تبقى هي الحياة.
فتبقى جوه العلاقة مستقل وحر وفاعل مش مفعول به.
كتاب Expired من أجل علاقات لا تنتهي صلاحيتها من الكتب الرائعة جدا في مجال العلاقات الإنسانية والتنمية البشرية من تأليف ريهام حلمي.
الكتاب مميز ولطيف مليان فوايد ونصايح وإشارات تساعدك إنك تعرف حدود علاقاتك وإزاي تقدر تتحكم في مشاعرك.
بيعلمك تفهم علاقاتك مع نفسك ومع الناس وإزاي تكون ذكي في اختيار علاقاتك وإزاي تستثمر في العلاقات الصحية.
إزاي تحافظ على العلاقات الصحية المريحة والطريقة اللي تنقذ نفسك من أي علاقة مرهقة.
لغة الكتاب هي المصرية العامية سهلة في القراءة وأسلوب الكتابة لطيف جدا بيوصل للقلب بسرعة وكأنك بتفضفض مع حد قريب من صحابك فاهمك وبيطبطب علي قلبك.
الكتاب حقق نجاح كبير وعمل صدى جامد في الوسط الثقافي وخاصة بين الشباب والمراهقين ويعتبر على قائمة الكتب التي تستحق القراءة.
الكاتبة ريهام حلمي في كتابها من أجل علاقات لا تنتهي صلاحيتها تكلمت عن أفكار مهمة وعميقة في إدارة العلاقات سواء علاقتك مع نفسك وعلاقاتك الأسرية وعلاقات الصداقات والعلاقات العاطفية.
اقرأ أيضا:- أسرار العلاقات الناجحة في بودكاست فنجان
ملخص كتاب اكسبايرد من أجل علاقات لا تنتهي صلاحيتها
كتاب Expired من أجل علاقات لا تنتهي صلاحيتها عبارة عن جلسات كوتشينج عميقة في العلاقات والذكاء العاطفي الأفكار مترتبة متقسمة باحترافية.
بتمسك لك طرف الخيط من المشكلة المتلخبطة وطول ما أنت بتقرأ هتوصل لباقي الخيط وهتعرف أساس المشكلة وحلها بكل سهولة.
الكتاب متقسم ل 3 أقسام هي مؤشرات العلاقات الخطرة أو السامة وعلاقتك مع نفسك والجزء الأخير عن الاستثمار في العلاقات الصحية وازاي تتعامل معاها.
مؤشرات العلاقات الخطرة
العلاقات لو خرجت عن حدودها بتبقى خطيرة ومؤذية أنت مش مضطر تتحملها، في الكتاب ده هتفهم وهتعرف الإشارات التي تبينلك إن العلاقة ده خرجت عن حدودها الطبيعية وبقت علاقة خطر وإنك لازم تهرب منها بسرعة وبطريقة ذكية.
العلاقات الخطرة زي مثلا الغيرة وسوء الظن والاستغلال والإهمال والعقاب بالصمت واللي بيحملك جمايل أنت مش محتاجها ولا بتطلبها.
أمتى تحس إنه الغيرة إشارة خطر؟ لما تخرج من حيز التعبير عن الحب لحيز الاستحواذ عليك كل ما يظهر طرف آخر في الصورة.
لما تبدأ الغيرة تاخد حيز مش طبيعي لما تقلب لمرحلة التملك وده بيظهر في شكل الغضب الشديد والخناق الرهيب الخصام والعقاب كل ده مؤشر إن الشخص بيعاملك كأنك من ممتلكاته.
وكده خرجنا من حيز العلاقة الصحية لحيز العلاقة المرهقة وممكن تكون مؤذية.
العلاقات دي كلها غير صحية لازم تهرب منها وبسرعة أنت محتاج تأمن نفسك وتعمل حدود لعلاقتك لأنك تستاهل إنك تكون في علاقة صحية مريحة وسعيدة تساعدك وتطبطب عليك في الأيام الصعبة.
يهمك أيضا:- مراجعة كتاب علاقات خطرة للكاتب محمد طه
علاقتك مع نفسك
مهم أوي تظبط نظرتك لنفسك ومحتاج تعرف إنك فيك كل مقومات الإنسان اللي تخليك مؤهل إنك تعيش في أي ظروف وأي تحديات.
لازم تعرف قيمتك وتبقى واثق في نفسك وفي قدراتك عشان لو اتحطيت في أي موقف تقدر تعيش وتتحرك.
لازم تحب نفسك عشان الناس تحبك وتقدر نفسك عشان اللي حواليك يقدروك.
متخليش علاقتك مع الناس هي الأساس اللي تستمد منه الحب والسعادة والقوة.
أحنا اللي بندي للناس اللي حوالينا المعاني دي عشان مش مظبطين رؤيتنا لحيزهم من الوجود في حياتنا.
متظلمش نفسك بعلاقة بتضرك و تأذيك عشان خايف تفقدهم قوم ودافع عن نفسك وحقك ومتتنازلش عن قيمتك وكرامتك.
وقف ترضي الناس على حساب نفسك اللي بيحبك هيقبلك زي ما أنت.
الاستثمار في العلاقات الصحية
كلنا عارفين جمال البدايات في العلاقات وهو ده بيخلينا نقبل على توسيع دايرة علاقتنا ونتعرف على ناس جديدة، لكن مشكلته إنه بيلغي العقل تماما.
العلاقات بتتبني بالاستثمار تبقى متوازن بين استثمارك في نفسك واستثمارك في العلاقة فبتاخد وقتها وتتحرك براحتها؛ لأن كل موقف بيمر بيكم بيعرفكم ببعض وبيوريكم التحديات اللي باستثماركم وإدارتكم ليها بتقوي علاقتكم أكتر.
بدون الاستثمار والرعاية العلاقات لا تنضج هتبقى مسجونة في سحر البدايات.
سحر البدايات يفسد التوقعات ويسبب التعلق وفقدان الشغف في الحياة بدونهم.
تحميل كتاب من أجل علاقات لا تنتهي صلاحيتها
قدمنا لكم مراجعة وملخص كتاب من أجل علاقات لا تنتهي صلاحيتها للكاتبة ريهام حلمي.
الكتاب متاح للقراءة والتحميل مجانا على مكتبة كوكب المعرفة التي تضم عددا هائلا من الكتب والروايات والمراجع العلمية ستسعد باطلاعك عليها لتجد ما تبحث عنه وأكثر.