10نصائح لتصحيح نطق الأطفال

تصحيح النطق عند الأطفال

تصحيح النطق عند الأطفال

تصحيح النطق عند الأطفال
كتبت : منى زهنى

قد تكوني أنت نفسك سببا من أسباب تأخر النطق عند طفلك أو زيادة التلعثم فى الكلام وعدم النطق بشكل صحيح .

لهذا يجب أن تتعرفي على هذه الأسباب التى تساعد على تصحيح النطق عند الأطفال ، والنصائح التى يجب الإهتمام بها لنساعد أطفالنا على النطق بلهجة سليمة وشكل صحيح فى السن المناسب.

اولا :

ابعدى ابنك او بنتك عن افلام الكرتون وطيور الجنه القنوات دى سبب مهم من اسباب التأخر اللغوى وتشتت الانتباه والقصور فى التواصل الاجتماعى الطفل بيبقا مستقبل فقط ده غير الاضطرابات اللغويه

ثانيا :

اتكلمى مع طفلك عن الاحداث اليوميه تغيير الملابس والاستحمام وغيره
مثال: عند تغيير الملابس هتتكلمى معاه البس بنطلون اقلع قميص البس تيشرت البس شراب البس كوتشى اسرح شعرى بكل حب وضحك ولعب مع الطفل وهكذا بالنسبه لباقي اليوم مع كل حركه

ثالثا:

استعملى اشارات مصاحبه للكلام لتوضيحه بمعنى اشاره باى باى بالايد او اشاره بصباعك وانتى بتقولى لا

رابعا:

استخدمى الاصوات مع الكلمات وانتى بتقولى قطه تقولى صوت القطه نيو نيو وانتى بتقولى بطه واك واك وهكذا ركزى عا الاصوات مش تنسي

خامسا:

عرفى ابنك الالوان والاشكال الالوان حواليه فى كل مكان
طبق احمر  ، مشط اصفر  ، كرسي اخضر
طبق مدور ، جبنه مثلثات وهكذا

اهم شئ التعزيز الفورى عززى اى صوت يصدر منه وفورا صقفيله امدحيه احضنيه اديله حاجه حلوه

سادسا :

قللى من الاسئله والاصرار على انه يجاوب عليكى مش كل شويه قول قطه قول ياحبيبي قطه قول كده قطه قول قول تب قول لبابا تب قول لطنط كده غلط والطفل هايمل وهايعند ومش هايتكلم استنى لما يشوف القطه وقوليله اسمها ايه دى يقول قطه ولو ماردش ماتزعليش قولى انتى واستنى عليه شويه لما يبقا مستعد انه يقول هايقول

سابعا :

قللى من الجمل المركبه يعنى ماتستخدميش جمل طويله استخدمى جمل بسيطه وسهله افتح باب _اشرب ميه

ثامنا : 

تكرار مايقوله الطفل مع التصحيح يعنى لو قال كلمه ناقصه حرف قوليهاله انتى كامله يعنى لو قال على العربيه بيه قوليله عربيه؟ ايوه عربيه

تاسعا :

اطاله الجمله لوقال كلمه صحيحه زى كلمه بطه هاتقولى بطه بيضه ولو قال بطه بيضه هاتقولى انتى بطه بيضه حلوه

عاشرا :

ابعدى عن المصطلحات الاجنبيه واتكلمى عربي يعنى كلمه قول لعمو thanks بلاش منها دلوقتي

واخيرا اشترى العاب والعبي مع ابنك اللعب مفيد لتنميه الذكاء الاجتماعى دا غير ان العاب الفك والتركيب هتنمى الانتباه والادراك وهتعلميه كلمات وانتم بتلعبوا
‏أخصائي التخاطب

Tagged , , , , , , , , , , , , , , , , . Bookmark the permalink.

Comments are closed.