ليه كده | قصيدة

ليه كده | سامح عبد الهادى

ليه كده | سامح عبد الهادى

قصيدة : ليه كده ؟
كلمات : سامح عبد الهادى

وتغرب الشمس تانى بلا استئذان

ويختفى نور الأمل من حضن المكان

ونرجع نتوه جوانا ونخبط فى الحيطان

وريحة البرد تتسلل من تحت البيبان

ليه كده ؟!

التحدى بينبض جوايا ورافض يسيبنى

مش عارف استسلم لواقع بيعاندنى

لا عارف اموت ولا عارف اعيش

وبحاول اسبق خطوة حلم بيسابقنى

ليه كده ؟!

ليه كل خطوة بتترسم دموع وعذاب

والحلم دايما يخدعك بأمل كداب

وتلقى موت بيسكنك فى عز الشباب

قلبك تعب م الصبر وللا الصبر منك داب

ليه كده ؟!

ماشى الطريق ماعنديش اختيار تانى

الراية البيضا مكسورة فكمل وعانى

وقت الدموع انتهى بس الضربة وجعانى

يارب .. خلى الألم جوايا يسكت وينسانى

الهمنى القوة فى قلبى وزود إيمانى

وخلى الأمل يرجع يبتسم تانى

Tagged , , , , , , , , , , , , , , . Bookmark the permalink.

About سامح عبد الهادى

مدرس رياضيات ، كاتب ومحاضر حاصل على الماجستير المهني فى التنمية البشرية والإدارية معتمد من المركز العربي للبحوث والمركز البريطانى وماستر أكاديمي.

Comments are closed.