كيف تجذب فرص السفر لأي دولة تحبها

مع توكيدات جذب السفر 

كتب : محمد زكريا

الموضوع دا كثير جدا طلبوا أكتب عنه وسألوا عن توكيدات جذب السفر
لذلك هقولك على الحاله النفسيه اللى تخليك تجذب السفر خارج بلدك لمكان تكون حابب تعيش فيه

إنضم لكوكب المعرفة  فن إدارة الحياة 

المعلومات اللى جايه دى محتاجه منك تركيز وتطبيق
علشان لو جواك رغبه حقيقه فى السفر أو الهجره فدا هيحصل بأمر الله

أولا : البلد اللى طاقتك تشبهه هتجذبك ليها

فمثلا تحررك قد يجذب لك أمريكا ولو حبك وأتقانك للعمل قد يجذب لك ألمانيا وذوقك الراقى فى التعامل قد يجذب لك فرنسا وحبك المظاهر والظهور قد يجذب لك الأمارات وطموحك المادى فقط الكويت ولو عايش دور الضحيه السعوديه …. الخ وطبعا دى مجرد أمثله مش لازم تجذب هذه البلاد تحديا ولكن كمثال
يبقى كل ما هتكون واعى بنفسك وعارف صفاتك وبتقرأ عن البلاد هتعرف أيه هى الدوله المناسبه ليك وهتجذبها

لذلك اربط دايما بين توكيدات جذب السفر وبين التصور اللى عندك عن البلد دى

ثانيا : شيل فكرة القيود من بالك

بلاش تحط فى بالك أن الفيزا صعبه ومستحيله وخليك بس مؤمن أن الفيزا لتقييد حريه التحرك ضد القوانيين وأرفض أنها تقيدك وخليك مؤمن أنها معموله للى يصدقها وأنك مش منهم وأن ربنا هيبعتلك الفكره أو الشخص أو الفرصه اللى تحررك من قيود الحدود

حرر توكيدات جذب السفر من المعيقات والاعتقادات السلبية

---

إقرأ أيضا: الدراسة في ألمانيا | التعليم والمنح الدراسية 

---

ثالثا : لو كرهت المكان اللى عايش فيه مش هتخرج منه

يعنى مثلا لو مصرى وعايز تسيبها وتروح مكان تانى وساخط على بلدك وبتكرهها وبتتمنالها الشر عمرك ما هتخرج منها وهتفضل ماسكه فيك
وفعلا أحنا ينجذب اللى عايزينه جدا او كرهينه جدا
لذلك حب بلدك بعيوبها بس ماتوفقش على العيوب أرفض عيوبها وحكومتها وأنقدها بس بلدك كبلد حبها وأعشقها
دا من أهم الأسرار علشان تتحرر من قيودها عليك ولازم تأكد ده فى توكيدات جذب السفر

رابعا : البلد اللى هتروح لها هتكون بلدك فعلا

يعنى لما تجذب صح هتروح بلد مش هتحس فيها بالغربه والعذاب هتحبها زى بلدك ويمكن أقل ويمكن اكتر وهتكون بلدك فعلا وهتحبك وتديك خير كبير
اوعى تروح بلد ساخط عليها وبتكرهها هتشوف أسوء ما فيها

ركز وحدد البلد اللى انت عايز تروحها فى توكيدات جذب السفر

خامسا : رايح تعيش ولا تعمل فلوس

يعنى لو هتعيش يبقى من الأول محدد دا وتبقى بلدك بقى لها منازع فى قلبك وبقى ليك بلدين وولائك لهم
أما لو رايح تعمل فلوس فوقتها هيكون حبك وولاءك لبلدك الأصليه بس والبلد الجديده مجرد سبب لجمع المال
نصيحه
لو عايز بلد تعيش فيها وتكون بلد تانيه عندك أوروبا وكندا واستراليا وامريكا
اما لو فلوس بس يبقى الخليج لطيف إنما اوعى تقرر أن دوله من دول الخليج تبقى بلدك الثانى لانك مهمها عشت فيها فى الأخر هتحس أنك غريب عنهم وأنك أقل درجه فالعنصريه بالخليج هى رقم واحد بالعالم
وأرجو الأخوه الخلايجه ميزعلوش من صراحتى

حدد فى توكيدات جذب السفر هدفك من السفر

سادسا : تعلم اللغات الحية مثل الانجليزيه والفرنسيه والاسبانيه

ويا سلام لو بتعرف تتكلم صينى هتبقى باشا
دى لغة المستقبل فأتعلم لغه على الأقل والأفضلية اكثر وخلى تركيزك الاول على الأنجليزيه يليها الفرنسيه وهكذا

بس طبعا توكيدات جذب السفر تقولها بلغتك الأم .. ماتنساش

سابعا : بلاش تسمع كلام المحبطين اللى حواليك أن الموضوع صعب ؛ وفى نفس الوقت ماتوقفش حياتك عليه

عيش حياتك وأنبسط وحط فى بالك أن قيود الحدود هتتشال من عليك قريب وأن فى بلد شبه طاقتك بتجذبك وأنك مستمتع بحياتك وبلدك لحد ما تروح المكان الجديد
وهيحصل قريب بأمر الله

دى نصائح سريعه ومهمه جدا  
ولما تسافروا أدعولى 

وأخيرا .. بعض توكيدات جذب السفر .. وطبعا دى مجرد أمثلة .. انت كيفها على طريقتك وطبيعة أفكارك.

---

إقرأ أيضا:- التقديم فى منح استراليا الدراسية لعام 2024 مع كافة التفاصيل

---

• أنوي وأسمح باستقبال فرصة السفر
• أنا أستحق أن استمتع بنعمة السفر إلى هذا البلد
• أنا أستحق رحلة جميلة لقضاء أجازة ممتعة
• أنوي الإستعداد للعيش فى اندونيسيا والإستمتاع بالحياة به
• أسمح لعقلي بنشر ذبذبات السفر فى كل جسمي ويرسلها للكون

إنضم لكوكب المعرفة  مجتمع التعلم الحديث