مفاتيح تجعل سعادتك بين إيدك 

شارك هذا الموضوع
مفاتيح السعادة

مفاتيح السعادة

سعادتك بين إيدك 
بقلم: إيمان حمودة الزوام

تعبت كتير مش عارف تكون سعيد؟
أسئلة كتيرة بتدور في ذهنك مش لاقي حل ليها!
نفسك تعيش السعادة من قلبك ولو لمرة واحده ومش لاقي طريقة صحيحة تبدأ بيها؟
تعال نحل مشكلتك بسؤال واحد بس، ايو سؤال واحد! مستغرب لي؟
في البداية هسألك سؤال وحط إجابته هنا عشان هتلاقي الجواب الصحيح بعد كدا ووقتها هتقدر تقارن وتختبر نفسك من خلال الإجابتين…
✍️………
✍️… أي هيا السعادة بالنسبة ليك؟ هسيبك تجاوب فى ورقة وبعدها هبدأ معاك……………
هنلعب أنا وأنت لعبة صغيرة جدًا مكونه من أربع نقاط بس!
1) يا ترى لو شوفت راجل راكب عربية غالية، أي تفسيرك وقتها عن حياته هل هو سعيد أو حزين وهل هتتمنى تبقى مكانه؟
تعال أجاوبك: أشخاص كتيرة منكم دلوقت هتتمنى تبقى مكانه وهتكون سعيدة جدًا بحياتها لو كانت عندها عربية…. وأشخاص مجرد تفكيرها بس هتحس إنها أسعد ناس على وجهه الأرض… وفيه منكم مش هيبقى سعيد جدًا وهيفضل ركوب المواصلات العامة والسبب إنه نفسه يبقى حياته مستقرة ويبقى معاه فلوس يصرف على أسرته.. وفيه منكم هيشوف أن العربية مش كل السعادة والحاجات الغالية مش بتسعد أكتر من راحة البال!
_ كان غرضي تفهم إللي أقصده من السؤال بس الظاهر أنك لسه مش فاهم وعشان كدا هننقل على السؤال اللي بعده يمكن تفهم أكتر..
2) تفسيرك أي عن واحد بيمشي كل أسبوع 45 دقيقة لمدة 3 مرات على مدار الأسبوع؟
تعال أجاوبك: فيه منكم هيقول إنه فاضي والوقت اللي بيضيعه في المشي ممكن ينام فيه أفضل ويريح جسمه….. وفيه اللي هيقول دا إنسان رشيق وبيحافظ على لياقته البدنية… وفيه إللي هيقول إنه بيستجم ف الهوا ودي حاجة بالنسبة ليه ليها قيمة وأكيد ليها تأثير نفسي عليه…. وفيه اللي هيقول يمكن بيمشي عشان يخس ومش يحتاج لطبيب….. وفيه منكم اللي هيحسده على الوقت اللي بيمشي فيه؛ لأنه معندوش وقت يمشي من ضغوطات الحياة…..

هنلاقي كل واحد شايف الموضوع من وجهه نظر مختلفة ومش خد باله من أهم نقطة الحوار بيدور عنها وعشان كدا خلينا ننقل على السؤال التالت يمكن نفهم؟

3) خليني أسألك أي تأثير الأماكن الثقافية والعلم والمعرفة على الأشخاص من وجهه نظرك؟
هحط نفسي مكانك وهجاوب: البعض منكم هيشوف أن الأماكن والعلم والمعرفه ملهاش أي تأثير على حياته… فيه إللي هشيوفها جزء من يومه… فيه اللي هيكون بيحب الإطلاع أكتر و الاكتشاف عشان كدا قرر يزورها…. فيه برضو اللي بيحس بنقص في حياته من غير ما يعرف معلومات جديدة ويقرأ…. فيه إللي بيتخذها وسيلة لتحقيق أهدافه… فيه إللي بيروح كنوع من أنواع التغير في الروتين اليومي أو الشهري على حسب وقت فراغه…
لو بصيت هتلاقي الإجابات كتيرة جدََا الوقت مش كافي إني أكتبها كلها والسؤال كام كلمة بس….. غريبة صح!
كان نفسي تكون حذر أكتر ومش تضيع الوقت دا كله وأنت بتقرأ ومش فاهم اللعبة…. عشان كدا هقولك مفتاح اللعبه في شكل سؤال قبل ما نسأل السؤال الرابع وننهي بيه..
(من وجهه نظرك هل الأماكن بتؤثر بشكل إيجابي على الفرد ولا لا وأي هو العائد من زيارة الفرد للمكان دا؟ ) هاسيبك شوية تكتب اجابتك
✍️…………………….
4) العائد من نجاح الأفراد بالنسبة ليك؟
هنلاقي أشخاص مننا بيعلقوا النجاح بإنه مصدر سعادة بالنسبة ليهم…. وفيه اللي بيشوف أنه مش هيحصل على الفلوس إلا لما ينجح لأنه شايف إن السعادة بالفلوس …. هنلاقي إن البعض شايف انه لو مش نجح واشتغل مش هيقدر يشتري عربية ولا يكون غني…… وفيه إللي شايف إنه مش هيبقى مثقف ولا هيقدر يزور الأماكن الثقافية لو مكنش معاه فلوس..
مسألتش نفسك أنا ليه جمعت بين الأربعة أسئلة في إجابة السؤال الرابع!!
كان غرضي من البداية تفهم فنون اللعبة وتكمل بإستمتاع بس مش هنكر برضو أن فيه منكم استمتع وكمل للآخر وفيه برضو اللي كان بيحاول يتوصل للغرض من الحوار وفيه اللي لسه مش فاهم أي حاجة وقاعد متعصب مش طايق نفسه..
طب بالنسبة للي متعصب ومش فاهم دا حبيت امتص غضبه شوايا وهقوله نهاية اللعبة بسؤال….
لو معاك مليون جنية هتبقى سعيد؟؟
أهو دا السؤال اللي سألته في البداية أي هيا السعادة من وجهه نظرك والمفروض أنك شخص حكيم وعاقل وقدرت تجاوب فأول سطر ودلوقت أنا هقولك أي هيا السعادة بالنسبة لينا كلنا؟
السعادة والمال:
جزء منا بدون الفلوس مش بيلاقي سعادة ودا شايف أن الفلوس من غيرها الحياة مش ليها معنى…. منكرش أن بالفلوس بيقدر يسافر ويزور أماكن كتيرة وعلى الأقل بيخلق روح جواه بالشعور بالسعادة..( عشان كدا أنا سألتك أول سؤال.)
 السعادة والرياضة:
هل الرياضة ليها تأثير على سعادتنا أكتر مش متوصل ولا واحد باله أنها أهم جزء ف حياتنا الفرد إللي بيمارس رياضة كل أسبوع بيكون عنده تأثير إيجابي فى حياته تعرف أن الرياضة بترفع مستوى هرمونات السعادة ( الإندروفينات) وبالتالي بترفع خط سعادة الفرد عشان كدا بنصحك تبقى شخص رياضي… على الأقل خصص 30 دقيقة يوميًا امشي فيهم بدون تفكير وقلل والتخلص من تعب اليوم وإرهاقه….( ودا كان سبب تاني سؤال سألته ليك)
 السعادة والمعرفة:
تعالي ارجع معايا للماضي شوايا في (2011) هنلاقي أن الدراسات أثبتت أن المثقفون الذين يرتادون الأنشطة الثقافية ويتعلمون، هم أكثر سعادة في حياتهم عن الأشخاص الغير المثقفين.
ومن خلال الدراسة دي هنلاقي أن هنا معتقد سائد لازم نصححه وهو أن الكل بيقول أن الشخص الجاهل لا يرى التعقيدات التي يراها الشخص المثقف؛ عشان كدا هو سعيد في حياته…
بالتالي لازم كلنا نسعى أن نتطور من فكرنا ونصحح المعتقدات في حياتنا ومش نقدس عادات المجتمع لأن أكترها غير صحيح وأجيال غير أجيال وبقا فيه دراسات وفكر وتعليم ومعرفة ومواقع يمكن من خلالها أننا نعرف أكتر عن حياتنا اليومية… (ودا كان الغرض من السؤال التالت)
السعادة والنجاح:
هنا بقا فيها الآف الكلمات والأسطر وهنتطرق إليها في موضوع منفصل بإذن الله.

وبكدا نكون عرفنا بعض مفاهيم السعادة…. يا ترى هل السعادة ليها مفاهيم أخرى أم لا؟ هذا ما سنتعرف عليه لاحقًا أعزائي…

أعزائي دُمتم بخير….
كلية هندسة البترول والتعدين | تقرير كاملكلية هندسة البترول والتعدين | تقرير كامل

هندسة البترول بتدرس كل ما يتعلق بالبترول أو النفط ، يعني دراستها كلها حول استخراج البترول من أماكن معينة عن طريق الكشف عنه ثم انتقاله للمرحلة التالية أن الشركات بتعمله تكرير وتعمل بعض التعديلات عليه عشان نقدر نستخدمة في المنتجات إللي بنحتاحها داخل السوق

إقرأ الموضوع كاملا
كلية التجارة بنات جامعة الأزهر | تقريركلية التجارة بنات جامعة الأزهر | تقرير

الأولى: كلية تجارة بنات تفهنا الأشراف بالدقهلية – وهي أربع سنوات.
بالنسبة لمواد السنة الأولى فيها بتعرف على مبادىء المحاسبة وأصولها كتأسيس ليك سهل جدًا جزء منها نظري وجزء عملي بيطبق في الحسابات ودي سهل جدًا تعرفها وتتعلمها ممكن تذاكرها لوحدك.
 مش صعب إنك تجيب تقدير فيها بس لازم تركز على الفنيات اللي في المسائل ومتابعة وممارسة وحل الامثلة أكتر من مرة..

إقرأ الموضوع كاملا
السر العميق | قصة قصيرةالسر العميق | قصة قصيرة

سأسرد لكم حكايتي بما عانيته في هذه الحياة؛
وهدفي يتعلم الإنسان من أخطاء الآخرين، فقد كانت الحقيقة مبهمة تمامًا حول سرٍ مخفيِ لم أستطع اكتشافه، ومرت الآيام ولم أصل إلى إجابةٍ بعد، فقررتُ أن أكتشفُ هذا السر.
ولكن كُنت قد أُهلكت من كثرة التفكير في هذا الأمر المعقد الذي يُشتت العقل من كثرة صعوبته.
فلقد كان السرُ مُدمر، مُحبط، ومنهكٌ للنفس والجسد عندما اكتشفته، وسأكشف لكم حقيقتي .

إقرأ الموضوع كاملا
يوميات أسيرة | قصة قصيرةيوميات أسيرة | قصة قصيرة

تقف أمام المرآه لتخبرها بما يحدث بداخلها ومن ثم عادت إلى مذاكرتها كتبت إحدى رسائلها اليومية حتى ترسل ف البريد كما أعتادت قائلة
– متى سأراك؟
ألم تخبرني أنك ستأتي وتحررني من هذا القفص ذات يوم!
أم أنك مثُل الأخرين تتحدث دون أن تفعل!؟
ثم نظرت إلى عصفور الكناري الذي يوجد بجوارها الذي لم يتحرر بعد من قفصه قائلة
= لا تحزن سوف يأتي ذلك اليوم الذي نتحرر بمفردنا دون مساعدة من أحد، سوف أحررك أنا فأبتسم،

إقرأ الموضوع كاملا
Tagged , , , , , , , , , , , . Bookmark the permalink.

اترك تعليقاً

لن يتم نشر عنوان بريدك الإلكتروني.