الحلول السهلة .. للمشكلات المعقدة
كتب : نهاد رجب
الحلول السهلة .. سألوا جحا – ودنك منين يا جحا؟
راح رافع إيده اليمين ولاففها حوالين راسه وشاور على ودنه الشمال وقالهم “أهي”
مع ان جحا كان ممكن عادي يشاور على ودنه القريبة .. ودنه اليمين.. بس جحا اختار الطريق الاصعب لسبب ما في نفس جحا.
ساعات بتبقى الحلول سهلة
سهلة لدرجة انك مش هتصدقها ..
انت بترفض تصدق الحلول السهلة مش لانها غير مجدية بس لأنها سهلة ..
فاتعودت مثلا ان حل مسألة رياضية لازم يكون صعب ولو حليت المسألة بسهولة ، تبقى اكيد حليتها غلط..
او بترفض تقتنع انك تقدر تحل مشكلة بسهولة .. فبتدور على طريقة خزعبلية ما علشان تساعدك مع ان الحلول قدام عينك وسهلة.. بس لا .. مش عايزها!
يعني مثلا تعالى اقولك شوية حلول سهلة ..
ازاي اقدر اذاكر؟
ذاكر !
مش بعرف اركز !
ركز
ازاي اقدر انسى فلان
متفكرش فيه
اول ناس يكتشفوا اهمية الحلول السهلة هما أبوك وأمك ..
بيقولولك “ذاكر” لانهم عارفين ان المذاكرة مش محتاجة غير انك تذاكر ..
وكل المعرقلات اللي بتحطها ، هي معرقلات وهمية .. اصلي مش مركز ، اصلي زهقان ، اصلي متضايق ..
والغريب يا مؤمن انك لو “ذاكرت” فعلا (بغض النظر عن المعرقلات) هتلاقي نفسك بتذاكر عادي !
اقولك على حاجة ممكن نتجادل فيها حبة ، لما نزل سيدنا جبريل على سيدنا محمد صلى الله عليه وسلم .. ايه اول حاجة قالها لسيدنا محمد؟ “اقرأ” !
سيدنا محمد صلى الله عليه وسلم قاله ايه؟ “ما أنا بقارئ” ..
سيدنا جبريل قاله ايه؟ “اقرأ..” إلى نهاية الآية ..
ربنا عز وجل قالنا “ادعوني استجب لكم” انتهينا! نقطة..
احنا كبشر عملنا ايه؟
قرابين واصنام وشيوخ وكرامات وتمسح بقبور آل البيت وبوس ايد شيوخ ونُدور … الخ (مع كامل احترامي) ومع ذلك الاية قدام عنينا “إدعوني استجب لكم” .. وخلاص !
ربنا عز وجل صعب طريق الدخول لجهنم! وقالك لو عملت سيئة هتتحسب سيئة ولو عملت حسنة هتتحسب ب 10 وهيضاعفها لمن يشاء! .. يعني لو انت اصريت تدخل النار هتلاقيها صعبة! وامرأة دخلت الجنة لما سقيت كلب !!
ومع ان قارون قعد عشرات السنين يعصي الله بس وهو بيغرق مع ثرواته ربنا عز وجل قال في حديث “لو كان دعاني لاستجبت له”!
ورجل قتل 99 نفس وربنا عفا عنه لما تاب !
إقرأ أيضا: الكتب السبعة التى ستعيد تشكيل حياتك
طبعا فيه تفاصيل منعرفهاش ، بس اللي عايز اقولهولك ان الايمان ب” السهولة ” جزء من إيمانك بالله عز وجل .. السهولة في الدنيا والسهولة في الآخرة ..
طيب ازاي تطبق بقى مبدأ السهولة؟
سهلة! متفكرش .. انا قعدت شهور مش عارف ايه اللي جاي وعايش اليوم بيومه وزي ما تيجي .. انا عامل اللي عليا طبعا بس عادي لما ادخل في مشروع ب 6 اصفار وانا معييش منه غير صفرين ! والصفرين بقوا تلاتة وهكذا وهكذا ..
يجدع دانت لو ابوك عايش هيبقى حاسس انه مسئول عنك لانه هو اللي جابك ، فهيصرف على تعليمك واكلك وشربك .. طيب ربنا اللي خلقك هيسيبك يعني؟!
جرب يا صديقي انك تسيب نفسك ،
يا صديقي اعداد الكورونا قلت يوم ما بدأنا منركزش فيها والناس كبرت دماغها ونزلت الشارع والحياة رجعت .. من غير لقاح ولا دوا ولا يحزنون، وهوب انخفضت الارقام من فوق ال 1000 ل عشرات .. سيب نفسك يا صديقي ، خليك عاقل طبعا ومترميش بنفسك للتهلكة بس آمن بالسهولة لإنك لو آمنت بالسهولة فأنت بتقر بإيمانك ان الله قادر على كل شيء..
ويحضرني قصة خالي سيدنا زكريا .. مش عارف ليه بس بحس ان سيدنا زكريا قريب من خالي وديه قصة تانية، بس يحضرني لما سيدنا زكريا دعى ربه .. يارب انا عايز ولد .. ربنا عز وجل قال “اني ابشرك” .. سيدنا زكريا نفسه قاله “ايه ده! ازاي ؟ بالسهولة ديه؟ دانا مراتي عاقر وانا عجوز” ربنا قاله ايه؟ ….
بس كده .. خليك سهل واتعامل بسهولة وسيب نفسك .. وآمن بالسهولة
وللتعامل مع الأمور ببساطة، يمكنك مراعاة الخطوات التالية:
- التركيز على الأمور الأساسية: حدد الأولويات الحقيقية وركز على الأمور الهامة فقط. قد يكون من المغري محاولة التعامل مع العديد من الأمور في آن واحد، ولكن هذا يمكن أن يؤدي إلى التشتت والضغط الزائد. ركز على المهام الرئيسية واتخذ قرارات مدروسة بشأن الأمور الثانوية.
- التنظيم والتخطيط: قم بوضع خطة واضحة للأنشطة والمهام التي يجب القيام بها. قم بإعداد جدول زمني وتحديد مهل زمنية واقعية لإنجازها. من خلال التنظيم والتخطيط، ستتمكن من تبسيط العمليات وتجنب الإحباط الناجم عن الفوضى والتأجيل.
- التبسيط والتقليل: حاول تبسيط العمليات والعمل على تقليل التعقيد. قد تجد أنه بإمكانك الاستغناء عن بعض الخطوات غير الضرورية أو تبسيطها لتحقيق الهدف المطلوب. قد تكون هناك أدوات تقنية أو تقنيات تسهل العمل وتوفر الوقت والجهد، فاستخدمها بذكاء.
- التخلص من التشتت: تجنب الانشغال بالأمور الثانوية والتشتت الذهني. قد يكون من المغري التحقق من وسائل التواصل الاجتماعي بشكل مستمر أو التفكير في الأمور الغير هامة. حاول التركيز وتجنب الانشغال بالأمور التي لا تساهم في تحقيق أهدافك.
- الاستراحة والاسترخاء: من الضروري أن تمنح نفسك وقتًا للراحة والاستجمام. العمل المستمر بدون استراحة قد يؤدي إلى التعب والإجهاد، مما يجعل التعامل مع الأمور أكثر تعقيدًا. حدد وقتًا للقيام بأنشطة تسترخيك وتستعيد طاقتك، مثل ممارسة التمارين الرياضية أو القراءة أو الاستماع للموسيقى.
- التفكير الإيجابي: حاول أن تبقى إيجابيًا وتتبنى منهجًا بناءً في تعاملك مع الأمور. قد تواجه تحديات ومواقف صعبة، لكن من خلال التفكير الإيجابي والاستفادة من الدروس المستفادة، يمكنك تبسيط العملية ومعالجة المشكلات بطريقة أكثر فعالية.
قد يستغرق الأمر بعض الوقت والممارسة لتعلم كيفية التعامل مع الأمور ببساطة. قم بتطبيق هذه النصائح تدريجيًا واكتشف الطرق التي تناسبك أفضل في تبسيط حياتك.
إنضم لكوكب المعرفة مجتمع التعلم الحديث
Founder of the H.I A , Public Speaker and Hypnotherapy Gangster, CMS-CHT, FIBH
مؤسس منهج فن الاقناع والتأثير النفسي بالتنويم الضمني ، مدرب ومعالج بالتنويم الايحائي ، مؤلف كتاب تعلم كيف تحدث التنويم بالايحاء ، مؤلف كتاب التنويم الضمني ، مؤلف الكورس الصوتي “لغة الاقناع والتأثير”
