انت مبتلعبش ليه..؟!

نهاد رجب

المدرب نهاد رجب

إلّعب .. انت مبتلعبش ليه؟
كتب: نهاد رجب

تعرف ان اللعب يقدر يغير سلوك؟ ويجهزك للمستقبل وينقذ حياتك ؟
لو متخيل انك المفروض متلعبش علشان تقدر تركز في مستقبلك وتنجح
فغالبا لو ملعبتش فده معناه ان مستقبلك مهدد ونجاحك غير محتمل..
لو انت مؤمن انك المفروض متلعبش وانك لازم تذاكر فغالبا المقالة ديه مش ليك
بس لو انت حاسس ان “الله انا حبيت الفكرة” فكمل المقالة للاخر لانها هتفيدك.
اول حاجة بتخوف الاب والام هي ان ابنهم مبيلعبش زي العيال التانية، قاعد لوحده او ساكت اغلب الوقت..
انا فاكر أم لطفل زميل معانا في ابتدائي كانت دايما بتقولنا “خلوه يلعب معاكم” انت غالبا ممكن تكون مامتك كانت بتقول لاصحابك “لعبوه معاكم”
وكتير أسر بتاخد ولادها لمعالجين نفسيين بمشكلة “مبيلعبش” … لإن اللعب في حد ذاته اشارة مهمة جدا ان الطفل ده سوي نفسيا ومتزن
بس مش هنا السسبنس ..

السسبنس ان اللعب ليه فايدة اهم بكتير مش هقولهالك دلوقتي علشان عايز العب معاك الاول ..

ليه القطط بتلعب؟ ليه الحيوانات بشكل عام بتلعب؟ ليه الانسان لازم وحتما يلعب؟
وهنا بسرعة رهيبة خليني اقولك ان الوعي بيتقسم ل 4 درجات ..
الدرجة 0 هي وعي النباتات والدرجة 1 هي وعي الزواحف والدرجة 2 هي وعي الحيوانات العليا والدرجة 3 هي وعي الانسان
طيب ايه الفرق بين وعي الانسان ووعي الحيوانات ؟ بسرعة رهيبة برضه
التفكير في المستقبل
الوعي الزمكاني اللي بيتفرد بيه الانسان بيخليه يربط الماضي بالحاضر بالمستقبل ،
مفيش اسد بيخاف على مستقبله ولا قطة متجوزتش علشان خايفة عيالها تتيتم ..
القصص ديه مش هتلاقيها الا في البشر .. طيب ايه علاقته ده بكلامنا؟
لو الحيوانات معندهاش وعي بالمستقبل ، فالحيوانات بشكل غريزي بتجهز نفسها ليه
والانسان بيمارس نفس التجهيز بس بشكل واعي وتحليلي مش موجود عند الحيوانات ..
والقطة لما بتلعب ، هي في حقيقة الامر مش بتلعب وبتضيع وقت زي مانت متخيل ،
القطة في لعبها بتتعلم مهارات هتستخدمها بعد كده مستقبليا لما تتعامل مع الفرائس
العض اللطيف اللي انت شايفه سو كيوت هو تمرين مستقبلي على الامساك بفرائسها ،
الجري والاختفاء والاختباء كل ديه اشكال للعب قطط بس في حقيقتها وعمقها “تمارين” بتخليها عندها القدرة انها تتعامل وتكون جاهزة مع الفرائس المستقبلية ..
طيب تاني ااكد : هل القطط بتكون عارفة ده وهي بتلعب؟ لا بس ده بيحصل بشكل غريزي ..
الانسان في لعبه بيتعلم وهو مش واخد باله .. يعني الطفل اللي بيلعب بالكوباية وتقع تتكسر، بيتعلم الجاذبية،
الطفل اللي بيلون على الحيطة وبيشخبط ، بيتعلم ، الطفل اللي لعبته المفضلة انه يحدف على الناس طوب مثلا وهما ماشيين في امان الله ،
بيتعلم حاجة ليها علاقة بصفة ما هيستخدمها لما يكبر..
اللعب من أهم العناصر الاساسية في التربية واللي بتجهز ابنك للمستقبل ، لعبه شطرنج وهينمي عنده مهارة التخطيط او حتى مهارة التعامل مع الناس
خليه يعمل اشكال من طين الارض وهينمي عنده مهارة تكوينية هيستخدمها في شغله او حياته بعدين لما هيكبر
كل النتايج ديه انا بقولها بشكل افتراضي..
لو زهقت العب .. اللعب بينشط دماغك وطاقتك وبيرجعلك التوازن
لو زعلت العب .. اللعب هيخلي الجسم يفرز دوبامين وسيريتونين وهيخلي مودك افضل
لو مش عارف تفكر العب .. اللعب هيخليك تنشغل عن مشكلتك وهيشتغل عليها عقلك اللاواعي ومن اللعب هتلاقي حلول ..
ممنوع منعا باتا انك تجتهد وتتعب وتعرق والجو ده .. العب
ممنوع منعا باتا انك تاخد اي حاجة او حد او ظروف او مشكلة بشكل جاد.. العب
ممنوع منعا باتا تتكلم مع مريض او حد عيان بجدية (علشان عيب) .. اضحك معاه وهزر وخليه يضحك .. خليه يلعب
اللعب هيحسن من ادراكك الفكري
اللعب هيعالجك نفسيا
اللعب هيعالج امراض عضوية
اللعب هو اللي هيخليك تقدر تعيش ، اللعب هو اللي هيرتب حياتك ويحسنها .. اين كان الشيء اللي بيسليك اعمله
انت مش متخيل حجم الروابط العصبية اللي بتتخلق وانت بتلعب وبتفيدك بعد كده في ظروف حياتية انسانية بعيدة تماما عن اللعب ..
ربنا عز وجل قالنا:
” اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ “
لعب ولهو يا بني آدم .. متعقدهاش علينا وعلى نفسك وعلى ولادك ..
لان اغلب المرات، بتكتشف ان المريض النفسي اما كان عنده طفولة غير سعيدة او مكنش مسموحله انه يلعب.
قوم دلوقتي نط عشر نطات وبكرة لما تصحى من النوم غني بصوت عالي:
“البط يقوم فرحان من النوم يغطس ويعوم وأخر لعب
وركس يهب وهوبا يشد يحب اللعب في وقت اللعب
ونونو شطة تنونو نطة بلونها القشطة وتنزل لعب”
ويومكم اجمل من يومي
because why notbecause why not

المشكلة اننا اتربينا من صغرنا على السببية .. هعمل كذا علشان كذا .. هذاكر رياضة علشان ادخل هندسة ، هلعب رياضة علشان اخد درجات اعلى في المدرسة وادخل كلية أفضل، هشتغل كويس علشان اجيب عربية علشان شكلي قدام الناس ، هتجوز علشان عيل يشيل اسمي .. لحد : هصلي علشان ادخل الجنة وهعبد ربنا علشان مدخلش النار .. الخ الخ

إقرأ الموضوع كاملا
مراتي .. وأنا حر فيهامراتي .. وأنا حر فيها

في كل مره بتقبلي تنضربي فيها قدام عيالك وتتصالحي بطاجن عكاوي كده انتي مش بتحمي بيتك من الخراب… انتي بتخربيه اكتر… وعيالك ده لو موجودين مش هينسوا التفاصيل دي وهتبقوا اسرة متفككه وبيئة مؤذيه ماحدش فيها سالك مع التاني…
في كل مره الشخص هيرفض فيها انه يقول “لأ” ضد أبوه أو أمه لما يتعرض للأذى هيبقى مع الوقت شخصية هشة

إقرأ الموضوع كاملا
ماذا تعرف عن رهاب الموت؟ماذا تعرف عن رهاب الموت؟

درجة الخوف هنا أعلى… الجسم هنا بيبقى على أتم استعداد… الجهاز الهضمي بيقلب الدنيا قلبان… والأدرينالين شغال على ودنه… الشخص عنده hyperactivity وحساسية زيادة لأي شيء حواليه… مقشعر ومركز مع كل حاجه تأهبا للي جاي… اللي هو ممكن مايكونش عارفه ولا عارف هيواجهه ازاي… وليه! كل ده ممكن عشان الشخص شاف صرصار… ولا طلع مصيف مع قرايبه وخايف ينزل المياه… طلع على كوبري… زار المقابر مع والدته… انت مش عارف ان الشخص ده عضه صرصار وهو صغير فبقى يخاف من الصراصير من ساعتها… ولا انت عارف ان الشخص التاني والده مات غرقان فخاف ينزل المياه يموت زيه… بردو انت ماعندكش فكره ان اللي زار المقابر مع والدته ده عنده رهاب الموت بسبب ان جدته ماتت قدامه… ولا ان اللي طلع ع الكوبري بيخاف من المرتفعات لمجرد انه بيتخيل نفسه بيقع منها وبيفقد توازنه على أي مبنى أعلى من مستوى الأرض بدورين تلاته…

إقرأ الموضوع كاملا
إضطراب الشخصية الحديةإضطراب الشخصية الحدية

النهارده هتكلم عن موضوع مهم تحت عنوان “اضطراب الشخصية الحدية/الاندفاعية”..
ايه هو اضطراب الشخصية الحدية؟ وليه هو موضوع النهارده؟
هبدأ بالسؤال التاني…
لأن إجابة السؤال الأول هتبقى طويلة وهي المحتوى كله اساسا..
طيب انا بكتب البوست ده مخصوص عشان انا من الناس اللي اتشخصوا باضطراب الشخصية الحدية (BPD/ borderline personality disorder)
وكنت حابه اقرأ عنه وفي نفس الوقت اعرف الناس اللي عندي انا وغيري من اللي حواليهم بنمر بإيه بشكل خاص وبمعلومة جديدة بوجه عام

إقرأ الموضوع كاملا
قصة الذات ولحظة إكتشاف الحقيقةقصة الذات ولحظة إكتشاف الحقيقة

هل تتخيل كيف يمكن ان تكون تلك الحياة التى نكون فيها اسرى صورتنا الذاتية؟
هل معقول الخوف وعدم الامان والحزن يجعلك اسير .. ؟؟
كنت اتساءل كثيرا كيف يمكننا الوصول للسكينة او الرضا .. او الشعور بالفرح والامتنان .
كنت اسعى جاهدة فى طرق مختلفة .. الى ان جاءت ..
لحظة ادراك وانتباة مفاجئ…

إقرأ الموضوع كاملا
دبلومة البرمجة اللغوية العصبية بالكامل مجانادبلومة البرمجة اللغوية العصبية بالكامل مجانا

البرمجة اللغوية العصبية هى الاساس الأول والأهم لجميع علوم التنمية البشرية فى العالم
وذلك نظرا لقوة فعاليتها وأهمية موضوعها ، حيث أنها تدرس وتناقش علم نفس النجاح ، أو بمفهوم آخر االقواعد والأفكار الرئيسية لسلوكيات ومعتقدات الناجحين.
ولذلك فهى تعتبر الخطوة الأولى والرئيسية لكل من يرغب بتطوير نفسه ويهتم ببناء حياته بشكل إيجابي وفعال ، وأيضا لمن يهتم بإفادة الآخرين ومساندتهم فى طريق النجاح.
نتناول فى دبلومة البرمجة اللغوية العصبية المجالات الأربعة الأساسية وهى :

إقرأ الموضوع كاملا
ما لا تعرفه عن المحيطاتما لا تعرفه عن المحيطات

تعد المحيطات أهم مصادر التجدد والتعويض لما تم استنفاذه من أكسجين بسبب التجمعات السكانية وما تم تدميره من الشعاب المرجانية ومانتج من تعديات ..
فالمحيطات تنتج وحدها 50% من أكسجين كوكب الأرض والذى يعتبر بدوره المصدر الرئيس الموفر للبروتين لما يقدر بحوالي مليار شخص بالعالم.

إقرأ الموضوع كاملا
المعادلة التى تحسم فشل المشروع او نجاحهالمعادلة التى تحسم فشل المشروع او نجاحه

هذا المشروع سيغلق في اقل من ستة أشهر .. هكذا اراهن نفسي واعلنها لمن معي صراحة
من كل عشر مشاريع صدقت توقعاتي في ثمانية منها ناجحة “إذا ما طبقت الشروط والأحكام”
سألني البعض ما هي! .. اليوم سأذكر أحدها لعلها تفيد المقبلين على مشاريع أو أصحاب المشاريع المتعثرة

إقرأ الموضوع كاملا
Tagged , , , , , , , , , , . Bookmark the permalink.

اترك تعليقاً

لن يتم نشر عنوان بريدك الإلكتروني.