كلية هندسة البترول والتعدين | تقرير كامل
كتبت : إيمان الزوام
كلية هندسة البترول والتعدين من الكليات المميزة واللى بيستهدفها كتير من الطلاب وبيحاول يجتهد فى الدراسة عشان يوصلها.
يعنى ايه هندسة البترول والتعدين ؟
هندسة البترول بتدرس كل ما يتعلق بالبترول أو النفط ، يعني دراستها كلها حول استخراج البترول من أماكن معينة عن طريق الكشف عنه ثم انتقاله للمرحلة التالية أن الشركات بتعمله تكرير وتعمل بعض التعديلات عليه عشان نقدر نستخدمة في المنتجات إللي بنحتاحها داخل السوق
أين توجد كلية هندسة البترول والتعدين ؟
هندسة البترول موجودة فقط في جامعة السويس وهي الكلية الوحيدة على مستوى الجمهورية، موجودة فى مدينة السويس ويمكن إيجادها على خرائط جوجل بسهولة جدا
مصاريف كلية البترول والتعدين :
مش غالية زي ما بنسمع عنها هيا نفس مصاريف الكليات العادية.
هل دخول كلية هندسة البترول والتعدين والتعدين متاح لعلمي رياضيات فقط؟
السؤال دا بيحتار فيه ناس كتيرة، في الحقيقة طالب علمي علوم كمان يقدر يدخلها بس بمعاير خاصة وطريق مختلفة مش نفس الطريقة اللي بيدخل بيها طالب علمي رياضة.
كمان التعليم الفني يقدروا يدخلوا بترول لكن بمعايير مختلفة.
ما هي أقسام هندسة البترول والتعدين :
- قسم البترول (أكثر الأقسام شيوعًا)
- قسم تكرير.
- البتروكيماويات.
- قسم المناجم
- جولوجيا.
- – قسم المناجم والجولوجيا دول قسمين مرتبطين ببعض (شغلهم مكمل لبعض)، خاص بالصُخور والحفر وهو كشف عن الأماكن والكشف بيحتاج مصاريف باهظة.
- قسم الإكتشاف والإنتاج
- قسم مختلف عن جميع أقسام هندسة البترول وأي طالب يقدر يدخله لكن برسوم؛ لأنه قسم خاص.
مستقبل كلية البترول والتعدين والشغل المتاح بعد التخرج
تقدر تشتغل حسب القسم إللي أنت متخرج منه، وقدامك طريقين:
ٱ- المجال العملي:
ودا بيكون من خلال إن الفرد بيقدم في الشركات ودا بيكون مبني على مجموعة المتخرج بيه.
ب- الدراسات العُليا:
ودا من خلال أنك بتتخرج بتتجهه لمجال الدراسة عشان يكون معاك ماجستير وبعده الدكتوراه.
ماهي مميزات كلية هندسة البترول والتعدين :
- هى أعلى الكليات على مستوى الجمهورية فى التنسيق.
- طُلابها متميزين والسب هو أن كل شخص قدر يدخل هندسة بيترول فهو مش فرد عادي لأنها من الأوائل على مًسنوة الجمهورية.
- الدراسة فيها مش صعبة للحد اللي كل طالب متخيلة.
- أنك بتتعامل مع عقول راقية(شباب واعي ومتقدم).
- التميز المعنوي (الراتب مختلف تماما عن المهندسين فى التخصصات الآخرى)
- التعاون الجماعي بين الطُلاب وبعضهم البعض داخل الأقسام.
أخيرا نترك لك صفحة الفيسبوك الخاصة بكلية هندسة البترول لتتمكن من متابعتهم بشكل مباشر
[latest-selected-content limit=”5″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
