كلية التجارة بنات جامعة الأزهر | تقرير

شارك هذا الموضوع
كلية التجارة بنات جامعة الأزهر | تقرير
كتبت : إيمان الزوام

كتير بيسأل عن كلية التجارة المتاحة للبنات في الأزهر وأي افضلهم عشان كدا عملنا التقرير ده :
نبدأ بالتصنيف حسب اللغة .. عربي – انجلش

أولا : كليات تجارة عربي للبنات :

فيه كليتين متاحتين لطالبات الأزهر على مستوى الجمهورية

الأولى: كلية تجارة بنات تفهنا الأشراف بالدقهلية – وهي أربع سنوات.

بالنسبة لمواد السنة الأولى فيها بتعرف على مبادىء المحاسبة وأصولها كتأسيس ليك سهل جدًا جزء منها نظري وجزء عملي بيطبق في الحسابات ودي سهل جدًا تعرفها وتتعلمها ممكن تذاكرها لوحدك.
 مش صعب إنك تجيب تقدير فيها بس لازم تركز على الفنيات اللي في المسائل ومتابعة وممارسة وحل الامثلة أكتر من مرة..
يعني مثلا بالنسبة لدكاترة فيها د.محمد لطفي دويدار دي مادة إمتياز وامتحانه مش بيطلع برا الكتاب دا كمثال من ضمن الدكاترة
وكمان معاك الأربع سنوات في الكلية كل سنة بيكون مخصص لمادة من مواد المحاسبة
وغيره فيه دكاترة كتير جدًا تقدر تجيب معاهم امتياز بس محتاج تركيز عشان تقدر توصل لهدفك.
مواد إدارة الأعمال ثابتة معاك زي المحاسبة في الاربع سنوات
وكمان الرياضيات أول سنة بتدرس الرياضيات البحتة لو أنت كنت علمي هتلاقي نفس اللي أنت اخدته في تالته ثانوي بالضبط في الرياضة يعني مش هتحتاج مجهود منك أول سنة، اما الأدبي مش هتبقى صعب عليه لأن بالممارسة هيقدر يحقق فيها، بعد كدا هتلاقي الإحصاء في السنوات كلها برضو معاك كل مرة بتدرس حاجة منها مختلفة يعني مش صعبة.
نتكلم عن مواد التخصص والأقسام :
1- المحاسبة والإدارة:
والتخصص دا بيبدأ من سنة تالتة
أولى وتانية مش بتكون تخصص ومش معنى كدا انك تهملهم طبعا لكن لازم المفروض تذاكر عشان توصل لحلم وتحقق أهدافك اللي مش قدرت تحققها في الثانوية، الأمر مش صعب وسهل انت بس ذاكر وهتقدر توصل.
بالنسبة لمواد المحاسبة كلها مواد خاصة بالمحاسبة لأنها سنة تخصص وبيكون قسم الإدارة معاها كمان وفي رابعة بتتجزأ.
2- قسم الاقتصاد:
تخصص من تالتة برضو ومش صعب وكمان دي مادة ثانية معاك من أولى بدرسها ف أولى من حيث أساسها وقواعدها ومنحنيات العرض والطول والسوق ونقطة النهاية وكلها حاجات فيها الحفظ والفهم….
سنة تانية بتدرس إقتصاد إسلامي مادة سهلة جدًا وفيها استشهاد من القرآن ومش هتاخد منك مجهود ولذيذة.
3-قسم الإحصاء:
قسم مش صعب زي ما أنت متخيل وكمان الإحصاء ثابتة معاك من أولى، تقدر تجيب فيه مجموع بس لازم تركز على نفسك شوية وتذاكر.
فيه بقا مواد تانية زي التجارة الدولية كلها معلومات عامة ولذيذة جدًا كأنها فاكهة
كمان عندك كل سنة مادة شرعية بتدرسها يعني سنة تالتة بتكون تفسير وتانية فقة وهكذا كل سنه كتاب شرعي مش معدى ١٠٠ ورقة وسهل جدًا لانها مادة امتياز.
عندك قرآن كل سنه ٥ أجزاء بتمتحنهم في الترم التاني الموضع مش صعب والكلية مش بالصعوبة اللي انت متخيلها ممكن تذاكر قبل الامتحان بشهرين مع الحضور وتجيب امتيازات.
بالنسبة لمصاريف الجامعة مش كتيرة الانتظام بيكون في حدود 150 جنيه و الانتساب 315 جنية مثلًا.
طيب لو دخلت انتساب هل فيه تقدير معين لازم احققه عشان اوصل لإنتظام؟
لا طبعا انت تعدي في كل المواد هتتحول على طول لسنة اللي بعدها انتظام.
كمان الفرد لو شال مادتين يقدر يكمل السنه اللي بعدها ويمتحنهم فيها قبل الامتحانات الرئيسية.

الثانية: تجارة بنات جامعة الأزهر اللي في القاهرة:

بتختلف طبعًا عن كلية التجارة بنات تفهنا الأشراف؛ لأن الدكاترة اللي هنا بيختلفوا عن اللي هنا
نفس المواد اللي في تفهنا الأشراف بس طبعا كل دكتور بيعمل كتاب لنفسه يعني ماينفعش تذاكر من كتاب دكتور في جامعة القاهرة عشان تمتحن في جامعة تفهنا، هي أسماء المادة نفسها ودي بتوضح نفس المحتوى بس دا من وجهه نظرة حاجة والتاني من وجه نظرة مختلفة كل واحده عنده دليل بيسترشد ليه وطريقة مختلفة عن الشخص التاني.
لكن هيا نفس المواد ونفس المصاريف لكن في القاهرة بتقبل عدد معين بس من الطلبات أما كلية تجارة بنات تفهنا الأشراف بتقبل عدد كبير مش عدد محدود.
سعر الكتب بيحدده الدكتور المتخصص للمادة  وأسعار الكتب مش غالية فيه منهم 46 وفيه منهم 23 زي مواد البزنس والمواد الشرعية يعني مصاريف الكتب والجامعة مش غالية.
كمان سهل تحقق انجاز في الكلية وتجيب تقدر بس انت وشطارتك يعني اعتمادك كله على الفهم أو الحفظ بخلاف المراحل اللي قبل كدا خالص مش فيه خوف ومش بتحتاج كم المذاكرة اللي انت كنت بتنضغط فيها قبل كدا، لأن مجهود الكلية عكس مجهود السنوات اللي فاتت دا بالنسبة للكلية دي اما بقا فيه كليات تانية زي الطب أو الصيدلية ليها شغل تاني.
بعد التخرج تقدر تحضر ما جستير والتحضير مش بس للي جايبين امتياز أو جيد جدًا بس أنت تقدر تحضر وانت جايب جيد كمان يعني الموضوع مش صعب.
في خلال الدراسة بتمارس هواياتك وكمان بتاخد كورسات مجانية من اكاديميات وبيكون قدامك فرص كتيرة هتفيدك بعد كدا،
الشغل برا في البنوك مش بتخصص معين كل التخصصات بتعين في البنوك بس اللي جايب جيد في بنوك خاصة وأما امتياز وجيد جدًا بيكون ليهم أولوية في البنوك العامة، موضوع الشغل مش صعب وهتلاقي أماكن وشركات كتيرة تقدر تثبت نفسك فيهم انت بس استعين بالله وهتوصل.

ثانيا : كليات التجارة إنجليزي:

فيه كليتين متاحتين لطالبات الأزهر على مستوى الجمهورية

الأولي: تجارة انجليزي القاهرة

ودي بتقبل مجموع أعلى وبتقدر فيها تاخد كورس إنجلش والمواد متوسطة الصعوبة نسبيا .
تقدر تحقق فيها إنجاز وتوصل بس هتحتاج منك مجهود عشان فيها مواد إنجلش اكتر من العربي وعلى فكرة العربي فيه برضو مواد انجلش زي البزنس دول أربع مواد أول سنه بتدرسهم في امتحان واحد كل كتاب 70 صفحة ومش صعب الحوار يعني.
يعني اللي بيخلي الكليتين مختلفين هى المواد الانجلش وزي ما قولنا المحتوى اللي بتدرسه بيختلف من جامعة لجامعة تانية؛ لأن كل دكتور ليه وجهه نظر ودراسات محضرها وحابب يتكلم عنها في المادة بتاعته.

التانية: تجارة إنجليزي أسيوط.

بتكون مجموعها أعلى من العربي وأقل من كلية القاهرة كمان ونفس المواد بس كل كلية ليها معايرها الخاصة والدكاترة الخاصين بيها.
في كليات العربي مفيش مصاريف كتيرة زي كلية التجارة إنجليزي بيكون فيها مصاريف ومستلزمات اكتر يعني ممكن تبدأ من 4000 جنية في السنه أو أقل أو أزيد على حسب المعايير الرسمية.
بعد التخرج بتكون ليك الأولية أنك تتعين على طول في البنوك والشركات مش بتاخد وقت ولا بتتبهدل، مش بقلل من التجارة العربي بس دي الحقيقة أن الانجلش بتبقى مطلوبه أكتر لأن الكاتب بتاعها بيقدر يتأقلم في وقت قصير على الشغل.
اقدر توصل للكليات أكتر من خلال زيارة البيدج الخاص بكل كلية على الفيس بوك.
أتمنى تكون وصلك اللي محتاج تعرفة لو عجبك المقال ما تنساش تسيب كومنت برأيك لأنه يهمنا.
ريادة الاعمال واطلاق مشروعك الخاصريادة الاعمال واطلاق مشروعك الخاص

العمل الحر عبر الانترنت هو سبيلك للخروج من الازمات التي تمر بها انت أومنطقتك او بلدك
نبدأ اليوم مع سلسلة تعلم العمل الحر عبر الانترنت واساليب الربح من الانترنت
ستكون سلسلة متتابعة من الدورات ان شاء الله نطلقها من خلال موقع كوكب المعرفة بالتعاون مع أكثر من مائة جهة تعليمية مختلفة

إقرأ الموضوع كاملا
كلية هندسة البترول والتعدين | تقرير كاملكلية هندسة البترول والتعدين | تقرير كامل

هندسة البترول بتدرس كل ما يتعلق بالبترول أو النفط ، يعني دراستها كلها حول استخراج البترول من أماكن معينة عن طريق الكشف عنه ثم انتقاله للمرحلة التالية أن الشركات بتعمله تكرير وتعمل بعض التعديلات عليه عشان نقدر نستخدمة في المنتجات إللي بنحتاحها داخل السوق

إقرأ الموضوع كاملا
السر العميق | قصة قصيرةالسر العميق | قصة قصيرة

سأسرد لكم حكايتي بما عانيته في هذه الحياة؛
وهدفي يتعلم الإنسان من أخطاء الآخرين، فقد كانت الحقيقة مبهمة تمامًا حول سرٍ مخفيِ لم أستطع اكتشافه، ومرت الآيام ولم أصل إلى إجابةٍ بعد، فقررتُ أن أكتشفُ هذا السر.
ولكن كُنت قد أُهلكت من كثرة التفكير في هذا الأمر المعقد الذي يُشتت العقل من كثرة صعوبته.
فلقد كان السرُ مُدمر، مُحبط، ومنهكٌ للنفس والجسد عندما اكتشفته، وسأكشف لكم حقيقتي .

إقرأ الموضوع كاملا
يوميات أسيرة | قصة قصيرةيوميات أسيرة | قصة قصيرة

تقف أمام المرآه لتخبرها بما يحدث بداخلها ومن ثم عادت إلى مذاكرتها كتبت إحدى رسائلها اليومية حتى ترسل ف البريد كما أعتادت قائلة
– متى سأراك؟
ألم تخبرني أنك ستأتي وتحررني من هذا القفص ذات يوم!
أم أنك مثُل الأخرين تتحدث دون أن تفعل!؟
ثم نظرت إلى عصفور الكناري الذي يوجد بجوارها الذي لم يتحرر بعد من قفصه قائلة
= لا تحزن سوف يأتي ذلك اليوم الذي نتحرر بمفردنا دون مساعدة من أحد، سوف أحررك أنا فأبتسم،

إقرأ الموضوع كاملا
Tagged , , , , , , , , , , , , , , . Bookmark the permalink.

اترك تعليقاً

لن يتم نشر عنوان بريدك الإلكتروني.