القانون الأقوى من قانون الجذب
كتب : نهاد رجب
عارف ايه اللي اقوى من قانون الجذب؟
قوانين النظام
وبالذات قانون الواقع والمُتَوقع
اللي هقولهولك دلوقتي بيُستخدم في السحر ..
لو عايز تسحر انسان انت مش هتحتاج انك تكون ساحر او تتعلم ساعات طويلة في أكاديميات للسحر ..
لو عايز تسحر انسان “صدق عنه فكرة” ولو عايز تسحر نفسك “صدق عن نفسك فكرة”
دايما بنبهر جدا بقصة سيدنا نوح، بس لو جردنا القصة من محتواها الديني ، وقرينا القصة بشكل مجرد هنلاقي ان فيه رجل صدق ان الارض هتنشق وهتغرق ، والملاذ الوحيد هو بناء سفينة في وسط الصحرا علشان ينجوا بيها هو ومن آمن معه ..
وبعد انتهاءه من بناء السفينة ..
حصل اللي هو كان “متوقعه” ونزلت الامطار وانشقت الارض وغرقت … وهو الوحيد اللي نجي مع الناس اللي كانوا على السفينة ..
بمنتهى البساطة ..
رجل صدق واتصدق ، رجل صدق نفسه فصدقه الواقع واتحول علشان يناسب افكار الرجل وقناعاته … وصاحب الفكرة الاقوى والاكثر تصديقا لفكرته هو اللي امتلك الواقع وهو اللي اتحكم في النتايج ..
واقعنا بيحدده مجموعة الافكار اللي بنصدقها ، حتى لو بنصدقها “عافية” وده سر قانون الواقع والمتوقع …
مش بقولك “آمن” … بقولك “صدق” الإيمان مرتبط بالغيب والمجهول
التصديق مرتبط بالواقع والاشارات ..
لو آمنت ، هتشوف بعدين .. ولو صدقت هتشوف دلوقتي .. انك تصدق هو أخطر حاجة ممكن تعملها ، لإن ايمانك تأثيره “شخصي” بس تصديقك ، تأثيره “عالمي”
المؤمن غالبا بيحتفظ بإيمانه لنفسه
واللي بيصدق وبيشوف بيبقى عايز الناس كلها تشوف (ياليت قومي يعلمون)
المؤثر مش مؤمن هو مصدق لانه شاف
لكن الحكيم مؤمن
لو انا شوفت ان وزنك قل ، وصدقت ده ، انا هغير في واقعي وواقعك انت كمان ..
لو انا صدقت (شوفت وتيقنت) انك شخص كويس ، هتتحول كل تصرفاتك لتصرفات نبيلة ، ولو انا صدقت انك شخص سيء ، هتتحول لشخص سيء على الاقل معايا انا بالتحديد
وعلشان اثبتلك صحة الفكرة ، عايز تصدق ايه عن نفسك ؟
ان جسمك بيحرق الدهون ووزنك بينزل؟
أول خطوة لازم تعملها انك تبني سفينة في صحرا … انك تشتري قميص او بنطلون اقل من مقاس وزنك .. خلي الناس تستغربك ، بس حط الواقع في الأمر الواقع ووريله انك بدأت ، انت مش مؤمن ، انت مصدق لدرجة الاستعداد (قصة اوبرا وينفري)
خلي عينك تشوف الفكرة .. خلي عقلك يصدقها .. “عافية”
بص في المراية وابدأ دور علي أقل تغيير حتى لو هتوهم نفسك بوجوده .. شوف مثلا حجم دراعك ودور على أبسط تغيير ممكن ، مش موجود ؟ ضلل عينك .. شوف جسمك ودور على اقل تغيير ممكن في حجم وزنك ، ضلل عينك وقول وقر بالتغيير اللي انت شايفه …
علشان تقدر تغير الواقع ، انت محتاج تخلي عينك تصدق ، خلي عينك تشوف اللي انت عايز تصدقه …
خلي ودنك تسمع اللي انت عايز تصدقه ، خلي ايدك تمسك اللي انت محتاج تصدقه … لما حواسك هتشوف وتسمع وتلمس ، الواقع بتاعك هيتغير علشانك ..
الموضوع ده والله غير حياتي ، كل واحد فينا جواه نوح بطريقته ،
وانا نوح اللي جوايا كان مصدق الحياة اللي انا بعيشها ، والواقع اللي بحياه بتفاصيله ، في وقت كان فيه ناس مستغربة وبتقول “انت مجنون؟! فيه حد يبني سفينة في الصحرا” انا كنت متفهم وهما كان عندهم حق ،
الحاجة الوحيدة اللي كانت بتخليني اكمل هو اني كنت “بشوف” ، “بضلل عيني علشان تشوف اللي مكنش موجود” لحد ما اتخلق اللي انا كنت مصدق فيه علشاني ..
الدنيا بلاستك يا صديقي ، وهمية ، هلامية ، هولوجراميك ، بشكل ما في يوم ما هنكتشف انها كانت عبثية لدرجة اننا هنستغرب هو احنا ليه مخترناش نكون رؤساء جمهوريات ؟! او نلف العالم او نمتلك جزيرة!
الفرق بين الدنيا والجنة ، ان الدنيا بتقولك آمن ..
الجنة بتقولك متآمنش انت مش محتاج تآمن.. الجنة بتقولك “شوف أشجار ، اسمع قيلا سلاما سلاما ، واقطف حب ورمان” صدق متأمنش .. اللي آمن هيدخل الجنة واللي صدق دخلها
[latest-selected-content limit=”5″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
Founder of the H.I A , Public Speaker and Hypnotherapy Gangster, CMS-CHT, FIBH
مؤسس منهج فن الاقناع والتأثير النفسي بالتنويم الضمني ، مدرب ومعالج بالتنويم الايحائي ، مؤلف كتاب تعلم كيف تحدث التنويم بالايحاء ، مؤلف كتاب التنويم الضمني ، مؤلف الكورس الصوتي “لغة الاقناع والتأثير”
