ماذا يقول الشرع فى الاغتصاب الزوجي
كتب : أحمد لطفي
مفيش حاجة عندنا في الإسلام اسمها اغتصاب زوجي
فيه حاجة اسمها تعف نفسك وزوجتك بدون ضرر
ومينفعش الموضوع يدخل في اطار القانون ويتعمل اقرار بالموافقة من الزوجة ازاي هيكون الاثبات والاستدلال وشهود اثبات والتحريات
(هن لباس لكم وأنتم لباس لهن)
بس هيا هوجة متعمدة تطلع الرجالة كائنات شهوانية من الفيمنست والجمعيات النسوية اللي بتتمول علي الفرقعة والبلبلة دي
الجنس عفة
الجنس بعقد شرعي قوامه الدين والرحمة والاحترام
وبيترتب عليه حقوق للزوج وحقوق للزوجة وحقوق مشتركة مترتبة علي بعضها
الجنس هو أروع هدية اهداها ربنا للإنسان واللي بقا دلوقت حاجة مريبة للأسف بسبب اجتهادات البشر المريبة وعادات وتقاليد غلط
ادمان بورن وماستربيشن ومخدرات وغيره
ويفرض اللي يشوفه علي زوجته.
العلاقة الجنسية فى الاصل علاقة روحانية علاقة فيها انسجام روحين قبل الجسدين ولو محصلتش الأولى يبقى تلاقي الجسدين تحصيل حاصل والاتنين ما استفادوش ذهنيا وعقليا م العلاقة وتلاقي كل واحد دماغه في حتة تانية ومفيش اتحاد بينهم
لو الزوجة رفضت العلاقة من غير سبب واضح يبقى حضرتك محتاج تفهم ليه هي مقفولة منك وتبذل مجهود تفهمها وتحل مشكلتها ..
تناقض تعامل الراجل مع زوجته في سيناريو وأحداث اليوم يخليها تقفل منه آخر اليوم ..
يعني متبقاش مطلع عينها ومنكد عليها طول اليوم وبالليل تقلب عندليب الدقي متمشيش الحكاية
كل شاب وشابة محتاجين يراجعوا مفاهيمهم عن الجواز وحقوقه للاتنين والثقافة الجنسية المحترمة للاتنين
وهو مش مشروع فاشل ولا حاجة اللي بيفشله الأشخاص اللي مش فاهمين
والجنس مش نجاسة وعار ربنا مخلقش في الإنسان حاجة نجسة ولا عار احترام الانسان لذاته وانسانيته هيكون (بتشديد الواو) مفهوم محترم عن الجنس فيحترم نفسه أولا في العلاقه ويحترم الاخر (وعاشروهن بالمعروف)
[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
