آلمك | قصيدة
الشاعر: عاطف محمد
ألمك كسر نفسى
خلانى اتحسـّـر
مين جتله حبة جراءه
للقلب ده يكسر
ويشوف دموع العين
ف الننى محبوسه
مكتومه زى الأمل
خايفه من الدوسه
خايفه رجول العته
ترميها ف الحوسه
وتدق ميت مسمار
وتشد أوتارها
تنهشها بالأفكار
تسرق ف اسرارها
تدفنها ف الحرمان
وتشيل حيطان دارها
وتعرى راسها بغبا
تفضح ف أسرارها
خليكى ف الكتمان
دمعك بقى صوتى
هاصرخ ف كل الخلق
يافكره لاتموتى
عودك هايبقى مقام
هايلفه نور صوتى
وينادى كل البشر
ف وجودنا ما تموتى
دمعك صحيح مانزلش
لكنه دمّعنا
وحزنك اللى انكوى
بالهمه جمعنا
من النهارده افرحى
حزنك مالوش معنى
هانخلى سبب الألم
يقعد ويسمعنا
ونحسره بالبكا
ويموت بلا معنى
مخنوق كما الجرزان
ف يوم غميق أعمى
[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
شاعر ومؤلف وسيناريست و مخرج مسرحى سينمائى مصمم عروض ورسام ومحاضر ومقدم اذاعى وتليفزيونى كاتب صحفى
