ملخص مؤتمر Neuralink
كتب : أحمد السيد
كنت قولت ان اخونا ايلون ماسك هيعلن في مؤتمر صحفي عن اختراع الشريحه الالكترونيه اللي هي اول باكوره انتاجات شركته Neuralink
اللي هي تقريبا علي موعد مع تغيير غير ملحوظ في المجال الطبي باستخدام التكنولوجيا
فتعالو بقي كده اقولكم بقي للي ما شافش المؤتمر بعض النقاط اللي اتكلم عها واللي هي غالبا شرح عام لفكره الشريحه
وكمان ازاي جربوها وكانت نتايجها ايجابيه
الاول ايه Neuralink ؟
هي احد شركات رجل المريخ Elon Musk، والتي تم تأسيسها في سنه ٢٠١٧، علشان تكون من ضمن سلسلة عريضة من مشاريع وطموحات Elon، تختص Neuralink في علم الاعصاب، في محاولة لإيجاد طريقة متطورة لدمج أدمغة البشر بالذكاء الصناعي، في محاولة للإستفادة بشكل أكبر من الذكاء الصناعي.
ولغاية امبارح ماكانش في أي حاجه بتقول ان الاختراع ده اللي اتكلم عنه من شهور وشويه اعلانات حول مشروعات ورؤية الشركة مستقبليا، وان عندهم ابحاث علميه عن المواضيع ديه – ولكن الكلام ده اتغير من ساعات قليله جدا بعد ما ايلون ماسك عمل المؤتمر بتاعه وهنتكلم عن الموضوع اكتر.
كمان شركة Neuralink تملك ١٠٠ موظف حتي الان، وجدو طريقة طبيه اكثر تطورا للمساعدة في التحكم في الالة بإستخدام الاشارات العصبية لمخ الإنسان. اللي هو موضوعنا انهارده يعني معني ده ان في جيش جرار تاني في الشركه شغال علي ابحاث من نوع مختلف يعني احنا لسه في اول الحدوته
والمجموعه اللي قولنا عليهم دول كانو قالوا من كام شهر كده قليلين ان الكشف عن هذا التطلع لا يعني ان هناك منتج جاهز للبيع بشكل تجاري قريبا، ولكن مشاركة الأوراق البحثية تساعدنا علي التواصل في المجتمع الأكاديمي والبحثي بشكل افضل. ولكن ده برضو من سعات قليله بقي اتغير
وصاحبنا ايلون ماسك قالنا ايه هي رؤيه الشركه بتاعته دي اللي هي Neuralink
رؤية الشركة تدور حول المقدرة علي زرع مستقطبات داخل الدماغ بجانب الخلايا العصبية لجمع المعلومات، ولكن هذه المستقطبات بسمك اقل من نصف سمك الشعرة، مما يجعلها مرنة بشكل كبير وسهل توصيلها بجانب مناطق مختلفة في الدماغ، مثل منطقة الحركة والرؤية وخلافه، والهدف منها هو المقدرة علي مساعدة ذوى الاحتياجات الخاصة المختلفة، من المشلولين او فاقدين الأطراف او فاقدين الرؤية، عن طريق تواصلهم مع هواتفهم او اجهزة الحاسوب للكتابة او التحدث او حتي في التحكم في الأطراف الاصطناعية، هذه الافكار لم تنشأ من العدم فالبحوثات والتجارب شغاله من ٢٠٠٦ من مؤسسات اخري، ولكن الإبر المستخدمة للتوصيل داخل الدماغ سميكة، علشان كده Neuralink شغاله علي تقديم حل اسهل ومتطور، وشغالين ان قريب جدا هيكون توصيل الابر دي داخل الدماغ عن طريق الليزر، وليس عن طريق الجراحين لزرعها في المخ، مما يجعلها اقل ألما للمريض.
ونظره بقي سريعه علي اللي حصل هو:
ربط أدمغتنا بأجهزة الكمبيوتر، يمكن أن يساعد البشر في التغلب على الإعاقات والإصابات، وأيضا، منافسة الذكاء الصناعي.
الشرايح دي هتحول البشر إلى سايبور فائق الذكاء. (يعني اشخاص بعقول كمبيوتر)
الشركة أدخلت تحسينات على التقنية التي وصفها بأنها “رائعة”، هتكون متاحة في وقت قريب جدا من هذا العام.
الشريحة الصغيرة دي هتتزرع في الدماغ، والتي يطلق عليها اسم brain-machine interfaces، لتربط بين العقل البشري والأجهزة الخارجية، وتمكنه من التحكم في أجهزة الكمبيوتر.
التقنية سمحت بالفعل لقرد بالتحكم في جهاز كمبيوتر بعقله خلال الاختبارات، واختبار الجهاز في مريض بشري يعاني من إصابات في الدماغ أو الحبل الشوكي، أو عيوب خلقية ايجابي جدا ونتيجته مبهره للجميع
في تأثير العميق للنطاق الترددي العالي، والواجهات العصبية عالية الدقة لا يمكن تقديره.
هذا هو الإصدار التالي مقابل ما تم تقديمه العام الماضي. إنه رائع”.
هذه التقنية آمنة للغاية وسهلة الاستخدام، ثم تحديد الفائدة القصوى لها مقابل المخاطرة”، وأن العمل من البداية إلى الإنتاج الضخم والزرع يستغرق وقت ولكن هو شايف ان في القريب العاجل هيكون العالم كله بيستخدمها
الشريحه هتعمل ثورة بالنسبة إلى العديد من المرضى زي تسلا بالنسبة للسيارات الكهربائية.
الهدف الرئيسي من التقنيه دي هو التعويض عن أقسام مفقودة من الدماغ بسبب السكتة الدماغية، أو الحوادث، أو التشوهات الخلقية وده اللي شايفه الانتصار قريب الاجل
اما الهدف طويل الأجل لإيلون موسك هو أن يواكب الإنسان الذكاء الصناعي اللي يمكنه من التفكير بشكل أسرع من البشر، وبالتالي يمكننا “الاندماج” معه لنصبح بمثابة سايبورغ
رقاقة Neuralink هتوصل لمرحله انها هتسمح ببث الموسيقى مباشرة إلى دماغك
كمان هتساعد في التحكم في مستويات الهرمونات واستخدامها لصالحنا وتعزيز القدرات والمنطق وتخفيف القلق.
تركيب الشريحة ستكون مشابهة لجراحة العيون بالليزر، ويشمل جزء منها روبوتَ جراحة الأعصاب، الذي يتلائم مع الحاجة إلى عملية ربط الخيوط المرنة في الدماغ المتصلة بشريحة حاسب صغيرة قابلة للزرع.
ستكون قادرة على علاج الاكتئاب والإدمان عن طريق إعادة تدريب أجزاء الدماغ المسؤولة عن هذه الآلام.
ولو فاكر ان ده كل شئ فاحب اقولكم لا الموضوع لسه له باقيه هكتبهالكم باذن الله في مقال تاني وشكلنا قريب كده هنبقي عندنا تطبيقات للموبايل تتحكم في دماغنا او العكس
ودمتم سالمين
أخيرا .. لمن يحب مشاهدة الفيديو الخاص بالمؤتمر كاملا .. يمكنه مراجعة المقال السابق الذى تم نشره قبيل المؤتمر
[latest-selected-content limit=”10″ display=”title,excerpt” titletag=”strong” url=”yes” linktext=”إقرأ الموضوع كاملا” image=”full” elements=”3″ type=”post” status=”publish” dtag=”yes” orderby=”dateD” show_extra=”taxpos_category_before-title”]
