متى يجب أن تكون غبيا ؟
كتب : نهاد رجب
بتكلم مع صديق عايز يعمل قناة على اليوتيوب
سألته ايه اللي خلاك تفكر في كده ؟
قالي ان فيه ناس كتير على اليوتيوب بيقدموا اللي هو يقدر يقدمه احسن منهم بكتير وبدأ يتريق على الناس ديه.
سألته فيديوهاتهم بتجيب مشاهدات كتير؟
قالي ايوة وبدأ يتريق عليهم.
نصحته نصيحة نصحتها لنفسي زمان .. طالما بيعرفوا يعملوا مشاهدات يبقى اتعلم منهم باحترام لانهم اكيد بيعملوا حاجة انت متعرفهاش.
قصة الارنب والسلحفاة ، قصة قديمة وواضح انها مزروعة في النظام عندي ، ارنب سريع جدا اتسابق مع سلحفاه بس علشان الارنب عارف ان السلحفاة بطيئة قرر الارنب انه ينام حبة وفي خلال نومه ، السلحفاه كسبت السباق.
قانون كوني كده حطه في دماغك ربنا عز وجل بلغ عنه “وأن ليس للإنسان إلا ما سعى” .. قانون ان اللي هيوصل في النهاية هو اللي بيسعى .. وكل ما هتكبر كل ما هتفهم ان المهارة في حد ذاتها مش هتوصلك لنتيجة.
اللي هيوصلك لنتيجة هو السعي ، هو الاستمرارية ، هو الجهل او اللي انا بحب اسميه “النية الجاهلة” انك تكون بتعمل حاجة بنية ايجابية ما ، بطريقة خاطئة وتكتشف في النهاية انك بتوصل للنتيجة حتى لو كانت الخطوات مش سليمة.
وعلشان تعرف تعمل ده لازم تطلع معرفتك ونفسك من القصة وتحطهم على جنب . لازم تدعي الجهل التام حتى لو انت عالم ، الناس بتسميه “خبث” لكن انا بسميه ذكاء .. اكبر مستويات الذكاء هو انك تدعي الغباء بينك وبين نفسك . لان هي ديه الطريقة اللي هتخليك تتعلم وهتفتح عقلك للتقبل والفهم. افضل واسرع طريقة للتعلم انك تجبر نفسك على الانبهار لما حد يقولك ان 1 + 1 = 2 حتى لو انت عارف كده مسبقا بس افهم تجربته واعرف ازاي المعلومة ديه مأثرة على حياته وشوفها من عينه هو هتكتشف بعد تاني للمعلومة انت مكنتش تعرفه.
السعي اللي هيوصلك هو السعي اللي ملوش طريقة .. ويمكن ملوش وجهة بس بتحركه نية طلب العلم والمعرفة.
اوعى تقلل من شأن شخص سلحفاة .. بطئ جدا بالنسبة لك بس مستمر
انك تعيش سلحفاة احسن بكتير من انك تعيش ارنب .
السلحفاة متعرفش انها بطيئة ولو دخلت في سباق مع ارنب اكيد هتخسر
والارنب مش بس عارف انه سريع ، ده السبب اللي خلاه يخسر هو انه كان عارف ان السلحفاة ابطأ منه. وكانت معرفته ديه هي سبب هزيمته في النهاية.
فكر في الهدف اللي انت عايز توصله
قول لنفسك انا معرفش حاجة .. انا لا اعرف الطريق ولا اعرف العقبات
واسال نفسك ايه نيتك العالمية من ورا تحقيق هدفك ؟
ولما تعرف نيتك .. الغي التفكير في الهدف وركز على النية
واتحرك ولو 1 سم كل يوم
بس خلي النية في عقلك.
ومتنساش انك تسأل بعقلية جاهل وتتفاءل بجهل وتحتفل بجهلك .
ساعتها هتكتشف انك مش بس هتوصل للهدف اللي انت بدأت علشانه .. انت هتوصل لأفضل بكتير من اللي كنت متخيله.
كن سلحفاه ياصديقي.
علي أبواب السعادة قصة قصيرة طويلةعلي أبواب السعادة قصة قصيرة طويلة فكرتي السعيدة هي حب العطاء و الاستمتاع بذلك مفتاح أبواب السعادة في قلوبنا حيث تكمن الأفكار السعيدة حلقت بفكرتها في السماء ثم عبرت أبواب السعادة و لكن اليوم هي بحاجة هذا الشعور بقوة ليقاوم شعور الدونية الذي سيطر عليها قوة الحق في وجه الباطل
إقرأ الموضوع كاملا
استراتيجيات تحقيق الأهداف: كيف تضع أهدافًا ذكية وتحققها؟لم تكن الأهداف مجرد أحلام ولكنها بوصلة النجاح والتطور في حياتنا، لذلك سوف نستكشف معا في هذه المقالة استراتيجيات تحديد الأهداف وكيفية تحقيقها، كما نتعرف أيضا على الأهداف الذكية وخصائصها، فلنتابع سويا.
إقرأ الموضوع كاملا
مهارات يجب أن تتعلمها لتتفوق على الذكاء الإصطناعيوهي مهارات لا يمكن للذكاء الإصطناعي أن يتفوق فيها على الإنسان بسهولة .. وبالتالي يجب أن يتقنها الإنسان ليستطيع عملها بشكل أفضل. وهي غالبا مهارات بشرية لا تعتمد على الروتينية فى الأداء وإنما تستند بشكل كبير على التفكير الإبداعي والتفكير التحليل والتفكير النقدي والمستويات العليا من التفكير عموما. أو تعتمد بشكل كبير على العواطف وفهم المشاعر .. أو على الرؤى الفنية أيضا.
إقرأ الموضوع كاملا
كيف تصبح مليارديرًا وتتمكن من تحقيق الثراء - دون مغادرة منزلك!في هذا المقال، سنناقش الطرق المختلفة لتحقيق الثراء، وسنقدم لك النصائح التي ستُساعدك على تحقيق أهدافك المالية. وافضل كتب تحقيق الثراء أهم شيء هنا هو أن تؤمن بنفسك وبقدراتك. فمع الإيمان بالنفس والعمل الجاد، يمكنك تحقيق أي شيء تريده. لنبدأ رحلتنا نحو الثراء! فمع الإيمان بالنفس والعمل الجاد، يمكنك تحقيق أي شيء تريده.
إقرأ الموضوع كاملا
لماذا تقل الثقة بالنفس مع زيادة المعرفة ؟ ما يقوله العلم.هذا التأثير سمي على اسم العلماء النفسيين ديفيد دانينغ وجاستن كروجر ، اللذين أجريا دراسة في عام 1999 أظهرت أن الأشخاص الذين يؤدون بشكل سيء في مجالات مثل اللغة والمنطق والرياضيات ، يميلون إلى تقييم قدراتهم بشكل أعلى من اللازم ، ويعزون فشلهم إلى عوامل خارجية.
إقرأ الموضوع كاملا
Founder of the H.I A , Public Speaker and Hypnotherapy Gangster, CMS-CHT, FIBH
مؤسس منهج فن الاقناع والتأثير النفسي بالتنويم الضمني ، مدرب ومعالج بالتنويم الايحائي ، مؤلف كتاب تعلم كيف تحدث التنويم بالايحاء ، مؤلف كتاب التنويم الضمني ، مؤلف الكورس الصوتي “لغة الاقناع والتأثير”
