دوق الدندورمة : سر التسويق العبقري

شارك هذا الموضوع
أسرار التسويق

أسرار التسويق

خمسة أسرار في التسويق
كتب نهاد رجب

إزاي كل مواعيد الجلسات عندي اتحجزت لمدة شهرين ؟
دليل للكوتشز وممارسي الدعم
لو انت من الناس اللي بعتوا للمكتب خلال الفترة الحالية غالبا هتسمع الجملة ديه “للأسف مفيش مواعيد حاليا”
ولو انت حظك لطيف فغالبا لاقينالك ميعاد مزنوق في وسط الاسبوع ..
تعالوا اقولكم القواعد ال 5 و ده بيحصل ازاي (من خلال تجربتي الشخصية)
وازاي يبقى عندك مواعيد ثابتة لمدة سنة قدام لو عايز ..
  • قاعدة : دوق دوق دوق الدندورمة
عايز تعرف اكتر حاجة ممكن تجيبلك عملاء ؟ دوقهم شغلك (دوق يعني تذوق)

 

لما بدأت في المجال حظي الحلو اني كنت بتعامل بجهل شديد وبشغف غير مشروط ..
فمكنش عندي أي تحفظ من اني احط جلسات تنويم إيحائي على اليوتيوب ، ونط عدد المشتركين على اليوتيوب من 1 ل 10 ل 100 ل 1000 ل 400 الف..
معظمهم عرفوني من خلال الجلسات المجانية اللي كنت برفعها على القناة ..
تخيل الاتي يا صديقي 
انت قاعد في البيت بالبيجامة وقولت اما نشوف هالمصري ده بيقول ايه وفجأة تلاقي ان جلسة مجانية جابت معاك نتيجة..
تفتكر انت هتفكر ازاي؟
طبيعي جدا انك انت او انا هنحجز عند الشخص ده ، لإنه لا وعدك ولا سوقلك ولا حاجة ..
كل اللي قالهولك “جرب بنفسك”
عايز الناس تحجز معاك لازم تخليهم “يجربوا” حاجة بنفسهم ويشوفوا تأثيرها ..
طبعا ال 400 الف مش هيتفقوا عليا بس على الاقل هيبقى معاك 1000 واحد منهم مستعد بشغف انه يسافر ويجيلك من الهند علشان يحجز معاك جلسة ..
بس اوعى يا صديقي تعمل جلسات مجانا ، انا عارف ان كلامي متناقض ، بس انا اقصد “متعملش جلسة مجانا لواحد”
اعمل جلسة مجانا “ل1000” .. فالسؤال الاول : ازاي اخلي الناس تجرب اللي انا بقدمه ؟
  •  لا للتسويق للمنتج .. سوق للبراند
يا بيه انا عمري ما هدفع فلوس لشخص بيقولك “تعالى وانا هعالجك” انت مين ياعم 😀
انا هدفع فلوس لحد طبق القاعدة الاولى ونجحت “معايا أو معاه” .. يعني ايه الكلام ده ؟
يعني ببساطة فيه ناس (محمد شاكر) وفيه ناس (نهاد رجب) وفيه ناس (نوع تالت)
محمد شاكر مدرب قراءة سريعة ، تسويقه ببساطة كان بيبقى بتطبيق المنتج على نفسه قدامك ..
يعني هو بيعرف نفسه كمدرب للقراءة السريعة وبدل ما يحاول يشرحلك ..
بتلاقيه وقف عالمسرح وسط الناس وقالهم حد معاه كتاب؟ فأي حد بيطلع كتاب ،
فيمسكه محمد وبيقرا فصل او اتنين قدام الناس عالمسرح في 30 ثانية مثلا وبعد كده بيشرح اللي هو قراه .. وانتهينا
اللي هو ها يجماعة مين فيكم شبح هيعترض ؟
فمن سكات تلاقي الناس بتحجز وهما مغمضين لانهم شافوا تطبيق المعجزة قصادهم ..

 

النوع التاني هو نوعي ، وده النوع اللي انا شوفته في اللي دربوني ، وهو ببساطة بيقولك اعمل 1 و 2 و 3 و 4 وهيحصل كذا كذا ..
فلما حضرتك تبدأ تجرب وتلاقي ان الموضوع جاب معاك نتيجة تقوم وانت مغمض وزي الشاطر تحجز معاه
لانه متكلمش كتير هو ادالك التكنيك مباشرة وانت جربته بنفسك فها عايز ايه تاني؟
ففكرة انك تسوق ب 100 الف جنيه اعلانات علشان الناس تحجز معاك جلسات وتلاقي النتيجة مش مرضية..
هي فكرة غير مناسبة تماما ، ولكن ولكن ولكن (لازم تسوق نفسك كبراند)
انا مستعد ادفع مليار جنيه في اعلانات بتتكلم عني وده افضل عندي 100 مرة من إني اسوق لخدمة انا بقدمها ..
لإن الناس (النوع التالت) هما الناس اللي هيسوقوا لنفسهم ويزرعوا وجودهم في العالم بتاعك
ويعودوك عليهم علشان لما ييجوا يقولوا “احجزوا معانا” انت هتوافق من غير تفكير كتير .. ودول كتير ..
فهتلاقي مثلا حد مستعد يقعد سنة يدفع في فلوس علشان يسوق لكتاباته ومقالاته وفيديوهاته ونفسه ..
(وميجيبش سيرة اي خدمات بيقدمها) وبعد السنة ديه ..
هينزل بوست ببلاش يقولك فيه “احجز معايا جلسات” وبالبوست ده هيقدر يجمع كل الفلوس اللي دفعها خلال ال 12 شهر ..
  • البروتوكول 
مع كامل احترامي لكل الناس في كل مكان ..
لو انت في شغلك معندكش بروتوكول علاجي او تدريبي يبقى غالبا انت بتعمل حاجة غلط ..
احد مدربين الطاقة كان بيتكلم بشغف جدا عن العلاج بالطاقة ، بس حبيبنا معندوش بروتوكول ،
معندوش “استراتيجية علاجية مكونة من مجموعة من الخطوات اللي هيطبقها مع العميل”
هو ماشي بطريقة “الجلسة الواحدة” وديه للاسف اكتر حاجة ممكن تسبب سمعة سيئة للمجال بالكامل ..
بصوا يا جماعة ..
في التنويم الايحائي مثلا ، الشخص بييجي بنبدأ بجلسة ميني كوتشنج صغيرة وبعد كده جلسة نص تطويري
وبعد كده بنتعامل مع اللي بيظهر من افكار او مشاعر او ذكريات او احلام باستخدام بروتوكولات
وبعد كده بندي accelerators
وبعد كده بنكمل البرنامج بناءا على اللي هيظهر .. كل اللي فات ده يعني بروتوكول
بس برضه فيه نوع من انواع التنويم بيبقى
Hypnosis on demand
يعني تروح لمعالج تنويم ويسألك عايز ايه ؟
تقوله عايز اخس يقولك طب غمض عينك “انت بتخس” .. وده ساعات بيجيب نتيجة وساعات لا ..
على عكس التنويم الايحائي التحليلي اللي بيتطلب بروتوكولات ومبني على الوصول للجذور افضل من التعامل مع السطح ..
(وديه بالمناسبة الفرق الجذري بين التنويم الايحائي التحليلي والبرمجة اللغوية العصبية)
فهنا اسأل نفسك ايه البروتوكول بتاعك ؟
بتعمل ايه في الجلسة الاولى ؟ لو لاقيت الاجابة : بستخدم تقنية كذا يبقى لأ برضه مش ده الادق ،
مبندخلش خبط في التقنيات مع واحد لسة جاي جديد مش عارف هو فيه ايه
طيب بناءا على ايه بعمل الجلسة التانية؟
ايه اللي لو حصل هبدأ اتعامل معاه في الجلسة التانية او التالتة؟ وهكذا ..
موضوع الدعم النفسي والجلسات ديه حاجة بتاخد وقت ، فمبدئيا أي حد تلاقيه بيعلن بطريقة “هخليك تطير في جلسة واحدة” ابعد ومتفكرش مرتين..

 

  • مفيش حاجة اسمها “جلسة واحدة”
تكملة للجزء اللي فات .. لازم تحدد عدد أدنى للجلسات .. يعني اللي هيجيلك يكون عارف ان أقل عدد للجلسات كذا ..
وتبقى واضح جدا معاه في كده .. حتى لو هو استفاد وبقى مبسوط بنفسه برضه لازم يكملهم (بس لو عندك بروتوكول حقيقي يتطلب ده)
فانت اقل عدد للجلسات بتاعتك كام ؟
وأخيرا (علشان تعبت من الكتابة) …
  • ادفع 
هتدفع ؟ هتاخد اللي انت عايزه لكن انا معنديش حاجة اسمها مجانا (أي تشابه من قبيل الصدفة)
فكرة بقى انك تقول لواحد تعرفه يعملك اعلان على صفحته صدقني صدقني مبتجيبش همها
ومحدش هيهتم زي مانت متخيل ولو (زا روك) عملي دعاية عنده عالانستجرام محدش هيعبرني .. وده عن تجربة بقالي سنين ..
ادفع تاخد ، متدفعش هتتكعبل في فرص حلوة بس هتفضل جوا حدود هتتزنق فيها لحد ما تقرر تدفع ..
الجلسة بتاعتك ب 100 ؟ تطلع 50 منها لتسويق نفسك وكتاباتك ومقالاتك كبراند .. لكن تصرفهم كلهم تبقى حرفيا بتهزر
ميزانيتك كام في الدعاية “لنفسك” مش “لخدماتك” في الشهر؟
اعتبر اعلانات الفيسبوك موظف عندك ، بتدفعله كام في الشهر؟ خطتك ايه؟
وكان فيه كلام تاني مهم والله بس انا كسلت ، المهم تفكر وتأمل في ال 5 نقاط دول ..
وملحوظة أخيرة .. هل أنا احسن معالج بالتنويم الايحائي؟
انا اعرف متدربين خريجين من دوراتي وهما حرفيا أحسن مني ، ومش هتكسف اني اقول كده ، بس انت مش محتاج تكون “الأحسن”
انت بس محتاج انك تشتغل على نفسك وتؤمن باللي بتعمله وتكمل .. اللي بيكمل في النهاية هو اللي فعلا بيوصل ..
بقولك كده علشان انا عارف انك ممكن تكون شبح في مجالك ومفيش زيك بس فعلا معندكش فرصة محترمة تثبت فيها نفسك ..
الفرصة ديه الوحيد اللي هيصنعها علشانك هو انت ، فمتستخسرش في نفسك من فضلك
هل أنت ذكي؟ إليك أقوى 20 لعبة فى الألغازهل أنت ذكي؟ إليك أقوى 20 لعبة فى الألغاز

من حقك يبقى ليك وقت مخصص تلعب فيه وتستمتع بكل سبل الرفاهية… لكن الحاجة الوحيدة اللي اضمن لك ما يبقاش فيها هوس او من نتيجتها البلاهة هي ألعاب الألغاز
هتتيح لك فرصة تتنقل من نطاق لنطاق ومن فكرة لفكرة في نفس الوقت هتحافظ على مزاجك من الزهق
وهتحفز خلايا مخك تشتغل ده غير ان معظم الألعاب اللي هحط لك اسمهم بالترتيب دول جمعوا بين أفضل graphics أو visual art 
وموسيقى وأصوات وقصة في نفس الوقت الحلول مش سهلة وبتاخد وقت…

جهز لي كشكول وقلم يا فندم

إقرأ الموضوع كاملا
تعرف على أسرار شخصيتك بهذا الاختبارتعرف على أسرار شخصيتك بهذا الاختبار

حاول كتير من الباحثين وعلماء النفس
أنهم يكتبوا عن الشخصيات ويعطوا تفسيرات ليها زي عالم النفس النمساوي كارل غوستاف الي ألف كتاب في أنماط الشخصية .
وسنه 1962م تم إصدار إختبار للشخصيه تحت بند (MBTI) وده إختصار لMyers Briggs Types Indicator يعني “مؤشرمايرز بريغز للأنماط”.
والي طورته كانت كاثرين بريغز وبنتها إليزابيل بريغز.

إقرأ الموضوع كاملا
عشر خطوات فقط لتحقق كل ما تريد عشر خطوات فقط لتحقق كل ما تريد 

للاسف هذا ما يعيشه كثير من الناس لا يعرف ماذا يريد، وبالتالي لا يعرف أين يذهب، وربما يقضي حياته تابع ، تتحكم فيه عوامل لعبة الحياة ويظل محكوم في العمل في اتجاه واحد وهو مجابهة ضغوط الحياة دون تحقيق نجاح او أنجاز يشعره بقيمة نفسه الحقيقية ويفتخر بما قدم بنفسه وحياته .
ولكن هناك أناس عرفوا طريق النجاح والتميز والإنجاز وحققوا ذواتهم ورغباتهم واحلامهم، عن طريق إدارة عقلهم إدارة بسيطة مكنتهم من الوصول الي ما يريدون .

إقرأ الموضوع كاملا
كيف تترك أثرا طيبا .. سر الإنطباع الأولكيف تترك أثرا طيبا .. سر الإنطباع الأول

هل الانطباع الأول هو الانطباع الأخير فعلا !
الانطباع ده هو الاثر الى بتسيبه فى فكر الشخص الى قدامك
و هو كمان بدايه لعلاقه جديده مع الشخص الاخر
و يإما نسيب انطباع كويس او الانطباع بيبقى مش حلو
سواء الكويس او الوحش ده بيتكون بسرعه و بيبقى بناء على تصرفتنا و افعالنا .

إقرأ الموضوع كاملا
هل ستبقى؟هل ستبقى؟

عاهدني ألا تُفلت يدي، أن تشُد عليها، عاهدني إن خلوت بوحدتي ألا تنفُر مني، وأن تسير الطريق وأنت مُمسكًا بي، عاهدني أن تكون هُنا في كُل حين، وأن تُبلل قلبي المعطوب بغيمةٍ كلما أمسكت يدك، عاهدني أن تكون هُنا و أن تَمُد لي يدك. هل ستبقىٰ إن إبتعدت، إِلَمْ أستطع معك صبرًا؟

إقرأ الموضوع كاملا
الإيجابية السلبيةالإيجابية السلبية

فى أوقات كثيرة نقع فى فخ “الإيجابية السلبية”, نحاول إقناع أنفسنا أننا بخير ونتجاهل شعور الحزن على الرغم من أنه شعور صحى للغاية فى التنفيس عن أنفسنا طالما لا نؤذى أحدًا لفظيًا أو فعليًا .. أن أعطى نفسى والآخرين مساحة للتعبير عن أنفسهم أصبح أكثر شئٍ أقدره وأهتم به الآن.

إقرأ الموضوع كاملا
للرجال فقط : كيف تقتل زوجتك قبل ان تقتلك؟للرجال فقط : كيف تقتل زوجتك قبل ان تقتلك؟

للرجال فقط : كيف تقتل زوجتك قبل ان تقتلك؟ … خطة لقتل الزوجات بدون أى أثر أو اتهام أو دليل .. على كل رجل دراستها جيدا
عزيزى الرجل …!
إذا أردت أن تتخلص من زوجتك، أو بالأدق أن تقتلها دون جريمة وعقاب،
فقط شيء واحد عليك فعله..!

إقرأ الموضوع كاملا
Tagged , , , , , , , , , , , , , , , . Bookmark the permalink.

اترك تعليقاً

لن يتم نشر عنوان بريدك الإلكتروني.