حياتك داخل الصندوق
حياتك بأكملها داخل هذا الصندوق
كتب : نهاد رجب
ماذا لو؟
مقالة مليانة حركات .. من فضلك اقراها بهدوء او سكرول داون وعليكم السلام ..
ساعات بحس ان الدنيا ديه هتخلص معايا .. يعني الحفلة هتخلص وانا موجود .. مفيش حاجة هسيبها لمستقبل انا مش هعيشه .. ومفيش ماضي راح عليا ..
بحس اني هشوف المسيخ الدجال ، اني هعيش نهاية العالم .. اني في انتظار نيزك هيدمر الارض او فايروس او غيره، واني هقابل سيدنا المسيح واني هعيش اهوال يوم القيامة .. بحس ان القرآن نازل بكل التفاصيل لفترة زمنية بتبدأ بميلادي وبتنتهي بميلادي …
بس مش هنا السسبنس .. الاحساس اللي فوق ده مبني على فكرة كانت ملزماني من سنين .. فكرة غريبة عجيبة محتاجة حكمة في فهمها .. ان حضرتك يا عزيزي القارئ مش موجود .. واني عايش حلم مش اكتر، حلم اقدر احكيه لما هصحى “حلمت قال يعني انا بتكلم قصاد الناس وكنت بعالج بالتنويم المغناطيسي” ومتجوز وعندي ولد صغير وكان اسمي نهاد !
تفاصيل غريبة تخليني اكثر اقتناعا بإني عايش حلم .. بداية من “اسمي” ل “نوع شغلي” و لتفاصيل حياتي .. فكر فيها كده .. ايه اكتر سيريالية من حلم انت اسمك فيه “نهاد”! وبتشتغل “معالج بالتنويم المغناطيسي” ..
بس الحلم ده غريب .. الحلم شكله واقعي اوي ، وده طبيعي وسهل بالنسبة لعقلي انه يخلقه، الحلم ده فيه انا بشاركه معاك يا عزيزي .. صحيح انت مش موجود معايا في الحلم ، بس انت موجود في حلمك الخاص واللي تصادف تشابهه مع حلمي .. فانت صحيح بتعيش حلم مطابق لحلمي وفيه شخص ما اسمه “نهاد” ، بس نهاد اللي انت تعرفه مش “نهاد” اللي انا عليه دلوقتي وانا بكتب المقال..
فانا مش موجود عندك وانت مش موجود عندي .. نسختي اللي عندك من صنع خيالك مش اكتر وهكذا انت بالنسبة لي .. كل الموضوع اننا ك “حالمين” تشابكت احلامنا مع بعض ، نفس الظروف ونفس الاحداث ، بس الحاجة الوحيدة الحقيقية في حلمك هو انت ، والحاجة الوحيدة الحقيقية في حلمي هو انا ..
والاغرب جاي دلوقتي .. فكر في الموضوع كاننا عايشين جوا صناديق ، كل صندوق بيمثل دنيتك وواقعك وحلمك بالكامل .. وطالما انت الحاجة الوحيدة الحقيقية في الصندوق فانت مينفعش تنتهي والصندوق لسة مستمر من غيرك .. انت هتموت يوم ما حلمك يخلص .. والصندوق (بالدنيا والظروف ) بيخلص معاك (نهاية العالم) .. فانت جوا صندوقك انت المتحكم في كل شيء .. بس لما هتموت .. الدنيا بالنسبة للي حواليك مش هتنتهي .. لان صناديقهم لسة مستمرة بيهم .. هو بس احلامهم مش هتتشابك مع حلمك لان حلمك خلص. فالعالم هيتغير بالنسبة لك وينتهى وبالنسبة لهم هيعيشوا ظروف تانية مختلفة واحداث جديدة من صنع عقولهم.
وده معناه ان فيه لحظة في حياتك ، يمكن اكون بمر بيها دلوقتي ، احلام الناس المتشابكة معاك هتبدأ تقل .. في البداية هتلاقي ناس كتير واحلام كتير متشابكة معاك ، بس شوية شوية وكل ما تقرب من نهايتك ، كل ما هتلاقي الناس بتبدأ تنسحب من حياتك ، ببساطة لان حلمك هيختلف وهتتخلق ظروف في حلمك تقنعك ان العالم بينتهى ..
صحيح خالي مات .. بس اللي مات ده نسخة خالي اللي انا صنعتها في حلمي ، خالي في صندوقه الخاص ، لما مات ، شاف نهاية العالم وقابل المسيح وشاف كل حاجة… صحيح بالنسبة لي مات في الالفينات ، بس اللي مات هو محاكاة لنسخته اللي عندي انا ، مش الحقيقية..
فلو كل واحد ليه صندوق .. وكل واحد هيشوف النهاية بنفسه ، والناس اللي حوالينا هما مجرد عناصر بتمثلنا بشكل او بآخر : “راندل تشرشل – Dreamworks”
فانا هكتشف دلوقتي او بعدين ، ان خالي كان انا ، كان صفة فيا ، كان رسالة ليا ، انت عزيزي القارئ رسالة ليا وانا موجود جواك وانت بتمثلني بالكامل “طالما انت جوا حلمي” .. والعكس صحيح لو انت الحالم وانت صاحب الصندوق ..
وعقلي بيوصلني ان كل واحد فينا هو رب الصندوق بتاعه .. وكل الصناديق متوصله ببعضها ومتشابكة وليها رب أعلى هو الله عز وجل .. فلما بدعي جوا حلمي ، انا ببساطة بستخدم قدرتي “انا” على تغيير حلمي ، ولما بدعيلك ، فانا بحاول اغير دورك جوا الحلم بتاعي ، بشكل ما انا الحالم وانا صانع الحلم وانا المتحكم في الحلم وتفاصيله .. انا كل الناس اللي معايا في الحلم وانا الطيور وانا الارض وانا التراب اللي على الارض وانا في الانوار العالية للعربيات .. انا في الهوا وانا في المية وانا في الاشجار والطين والتربة.
فانت عزيزي القارئ هتعمل لايك لما انا اختار انك تعمل لايك ، لان ده حلمي انا ، ويمكن في يوم ما هصحى فجأة واقول “رأيت فيما يرى النائم .. ان اسمي كان نهاد ، وكنت معالج بالتنويم المغناطيسي” .. يمكن ساعتها اكون بنت او ولد او ست كبيرة او راجل عجوز او حيوان او جماد ، انا مش عارف ، بس كل اللي اعرفه اني ساعتها هكون جوا صندوق جديد..
ويومكم اجمل من يومي
لم ينتهى المقال هنا …!
فكالعادة .. يثير نهاد رجب ضجة بما يكتب .. فأضافت التعليقات والمناقشات الكثير من الآراء المختلفة حول هذا المقال .. ولعل أهم ما جاء فيها ما يلى :
أهم التعليقات :
Nisreena Hamdy
Shaimaa Nabil
Radwa Raafat
فلسفياNour Ramadan
Eman Bedeir
والآن يا صديقي حان دورك فى المشاركة برأيك الخاص وإثراء المحتوى كما ترى .. هل توافق على هذا الرأى .. أم لا .. ؟؟
بنسعى دائمًا إننا نطور من نفسنا ، صعب نتجاهل كل الأمور… والأصعب وجود جواب على كل سؤال ولأن معظمنا بيلجأ لعلم النفس ومهتم بمرادفاته قررنا نتكلم معاكم النهارده عن 20 معلومة بجوابها لأن سعادتك….
إقرأ الموضوع كاملا
الزواج علاقة مقدسة تحتاج الكثير والكثير من التنازل والتغاضي والتضحيات من أجل أن تصبح علاقة سوية وناجحة.
ولكن أحيانا تكون هناك بعض المشكلات التي تقف عائقًا بين الزوج والزوجة.
ومنها أن يكون الطرف الأخر مليء بالعيوب ولا يعترف بذلك ويظن أنه دائمًا على حق ولا يعطي للزوجة حق المناقشة، وهنا قد تستحيل الحياة وخاصًة إذا كان هذا الزوج نرجسيًا لا يرى سوا نفسه فقط، وهذا ما سنعرضه في مقالنا عن كيفية التعامل مع الزوج النرجسي.
العادة هي ذلك السلوك الذي نقوم به دون جهد وتفكير بل بشكل تلقائي
إذن من المسؤول عن هذه التلقائية؟
إن العنصر المسؤول في هذه العملية هو الجزء موجود في الدماغ والذي يسمى بالعقدة القاعدية والتي بدورها تتحكم في السلوك والعادات
لذا يمكننا القول أن العقل شديد الذكاء، فعندما يركز على سلوك المتكرر لفترة يقوم بتحويله إلى عادة حتى لا يستنزف طاقته الذهنية في التفكير والتركيز لذا يحول السلوك إلى عادة لتصبح بشكل تلقائي
I’m not talking about how a man can be able to exploit each substance in order to satisfy a purpose either it was for sake of evil or goodness, nah, I’m talking about a different ability, never been familiar to anyone before, one that was hidden deeply while its owner is distracted and not mindful enough to recognize its presence.
إقرأ الموضوع كاملا
حاول كتير من الباحثين وعلماء النفس
أنهم يكتبوا عن الشخصيات ويعطوا تفسيرات ليها زي عالم النفس النمساوي كارل غوستاف الي ألف كتاب في أنماط الشخصية .
وسنه 1962م تم إصدار إختبار للشخصيه تحت بند (MBTI) وده إختصار لMyers Briggs Types Indicator يعني “مؤشرمايرز بريغز للأنماط”.
والي طورته كانت كاثرين بريغز وبنتها إليزابيل بريغز.
أعلي انتماء هو انتماء الشخص لنفسه
الأنانية الحميدة التى تجعلنا نسعى للجنه
الانتماء الذي يجعلك متوازن و فعال للخير
و يعلى من روحانياتك و حبك لوطنك
المرة دي مش هنلعب لعبة زي كل مرة ولا هنكتشف الطريق ونوصل ليه لا إحنا هنحكي حدودته هتغير تفكيرنا وتخلينا أشخاص إيجابين أكتر من قبل. يلا بينا نشوف هنبدأ منين..
إقرأ الموضوع كاملا
فى أوقات كثيرة نقع فى فخ “الإيجابية السلبية”, نحاول إقناع أنفسنا أننا بخير ونتجاهل شعور الحزن على الرغم من أنه شعور صحى للغاية فى التنفيس عن أنفسنا طالما لا نؤذى أحدًا لفظيًا أو فعليًا .. أن أعطى نفسى والآخرين مساحة للتعبير عن أنفسهم أصبح أكثر شئٍ أقدره وأهتم به الآن.
إقرأ الموضوع كاملا
للرجال فقط : كيف تقتل زوجتك قبل ان تقتلك؟ … خطة لقتل الزوجات بدون أى أثر أو اتهام أو دليل .. على كل رجل دراستها جيدا
عزيزى الرجل …!
إذا أردت أن تتخلص من زوجتك، أو بالأدق أن تقتلها دون جريمة وعقاب،
فقط شيء واحد عليك فعله..!
المشكلة اننا اتربينا من صغرنا على السببية .. هعمل كذا علشان كذا .. هذاكر رياضة علشان ادخل هندسة ، هلعب رياضة علشان اخد درجات اعلى في المدرسة وادخل كلية أفضل، هشتغل كويس علشان اجيب عربية علشان شكلي قدام الناس ، هتجوز علشان عيل يشيل اسمي .. لحد : هصلي علشان ادخل الجنة وهعبد ربنا علشان مدخلش النار .. الخ الخ
إقرأ الموضوع كاملا
Founder of the H.I A , Public Speaker and Hypnotherapy Gangster, CMS-CHT, FIBH
مؤسس منهج فن الاقناع والتأثير النفسي بالتنويم الضمني ، مدرب ومعالج بالتنويم الايحائي ، مؤلف كتاب تعلم كيف تحدث التنويم بالايحاء ، مؤلف كتاب التنويم الضمني ، مؤلف الكورس الصوتي “لغة الاقناع والتأثير”