لو غيرك قدر .. هل انت كمان تقدر؟

شارك هذا الموضوع
مقارنات خاطئة

مقارنات خاطئة

وهمية “لو غيرك قدر يبقى انت كمان تقدر”
كتب : نهاد رجب

هل ممكن قبولنا لمفهوم “اني مش احسن واحد في الدنيا زي ما بابا بيقول” يكون هو ده طريقنا للنجاح في الحياة نفسيا واجتماعيا؟
تعالوا واحدة واحدة كده اكلمكم عن حاجة مهمة ممكن تكون غريبة بالنسبة لاغلب الناس اللي دخلوا في مجال تطوير الذات ..
دلوقتي شخصية حضرتك مكونة من قدرات وسمات ..
قدراتك هي القدرات الفطرية اللي ربنا عز وجل وضعها فيك واللي ممكن تطورها من خلال التدريب ، اما السمات فهي العادات الصغيرة اللي مارستها لفترة طويلة ونتج عنها نمط معين في شخصيتك يقدر الناس منه يتنبأوا بردود افعالك ..
فكل انسان فينا عنده قدرات وكل انسان فينا عنده سمات ..
دلوقتي حضرتك لو مفهمتش ان كل انسان عنده “قدراته” وظنيت ان “طالما غيرك قدر يبقى انت كمان تقدر” ، فده في حد ذاته من ضمن اسباب الاختلال اللي ممكن يحصل في شخصيتك ويؤدي لا قدر الله لاضطراب .
ومن أسباب اضطراب الشخصية البارانويا هو تحميل الشخص اكتر من استطاعته وايهامه انه يقدر يوصل بس هو اللي فاشل وكسول .
تحميله اكتر من اللازم بمفهوم “اعتمد على نفسك” فيطلع الشخص شاكك في العالم الخارجي والناس وعنده ضعف في الثقة بنفسه وبيتهم الناس انهم مضطهدينه وعايزين يإذوه ..
نيجي لمعضلة “لو غيرك قدر يبقى انت تقدر” .. غيرك ده ببساطة ممكن يكون قعد سنين يطور مهارة او “قدرة” عنده وصلته للي هو عليه ..
على سبيل المثال ، لو بصيت لأصابع اغلب لاعبي البيانوا او كرة السلة هتلاقيها طويلة بحكم اللعب المستمر واحتياج الجسد لشكل معين من الاصابع علشان يقدروا يمسكوا الكورة بإحكام ..
فلو جيت حضرتك وقولت “هما مش احسن مني في حاجة” وحاولت تلعب مرة واتنين وتلاتة وعشرة .. مش هننكر انك هتجيب نتيجة بس يمكن ساعتها او بعدين تحبط لانك هتكتشف انك مش عارف توصل لمكانهم زي فلان ابن عمتك او علان ابن خالتك .
تيجي بعض الكتب او المدربين التحفزيين يقولولك “غيرك مش احسن منك” ولكن في حقيقة الامر : ايوة غيري ممكن يكونوا احسن مني عادي ..
وقبولي لإن غيري ممكن يكونوا احسن مني في مجال ما ، هيخليني احاول اكتشف نقطة قوتي في انهي مجال + هيعلمني اني اقبل نفسي واقبل الاختلاف واحب نفسي بشكل غير مشروط .
إذن المعادلة الصحيحة هي : انا فلان اعترف ان “غيري” ممكن يكون احسن مني وقابل جدا ان “غيري” ممكن يكون احسن مني ، وفاهم ان مش كل القدرات ممكن تكون متساوية وان قدراتي في مجال ممكن تكون اعلى من مجال تاني.. وانا بحب نفسي بشكل غير مشروط وقابل عيوبي زي مانا قابل نقاط قوتي..
بعض مرضى التوحد احسن منك في الجمع والطرح والقسمة
وبعض المكفوفين احسن منك في قوة الانصات
وانت ممكن تكون احسن من مارك زوكيربيرج في التواصل مع الناس
وهو احسن منك في تفويض المهام .
انت احسن مني في الشكل بس انا احسن منك في التفكير البصري
وانت احسن مني في التفاعل الاجتماعي وانا احسن منك في الشرح بس انت احسن مني في …. الخ الخ وانا احسن منك في الخ الخ ..
فلو انتي شايفة ان ابن اختك احسن من ابنك في الدراسة .. فغالبا ابنك احسن من ابن اختك في حاجة تانية .. ومحاولتك انك تخلي ابنك زي او احسن من ابن اختك هو نبذ حقيقي لابنك وطريقة لصنع مضطرب نفسيا عايز يرضي ماما عنه.
ولو شايفة ان جوز ياسمين صبري احسن من جوزك في الرومانسية وعايزة جوزك يتغير علشان يبقى رومانسي فانتي بالطريقة ديه بتزرعيله فكرة مباشرة انه مش كفاية ومجرد محاولته انه يتغير علشانك هتؤدي في النهاية لفتور بينكم لانه هيفضل طول الوقت حاسس انه مش كفاية او انه بيمثل علشان يرضيكي
والعكس صحيح ..
وبناءا عليه ؟
اقبل نفسك .. اقبل غيرك واعترف انه احسن منك وان كده كده الحياة هتمشي .. دور على نقطة قوتك ومستحيل منطقيا انك تكون الافضل في كل حاجة .. دا لو افترضنا ان اعظم اتنين طباخين في العالم عملوا ملوخية واحد منهم هيعملها احسن من التاني .. مش معنى انك شبه فلان في مجاله انك الافضل في كل حاجة فيه ، حتى نفس المجال فيه قدرات بتختلف من شخص للتاني.
زود ثقة ابنك في نفسه لما تزود ثقته في العالم وانت بالنسبة له العالم ومجرد موافقتك انه يغلط او انه يفشل او يقع ودعمك ليه في كل حالاته ده افضل شيء في الدنيا ممكن تقدمه لانسان انت ساهمت في ايجاده في الدنيا.
مجرد تصديقك انك لازم تنجح لان فلان نجح وهو “مش احسن منك” هيخليك تجرب وتفشل وتجرب وتفشل لانك عايز تحقق نتايج من غير ما تقوي قدرات ومهارات ، ولما في النهاية تفشل هتلاقي نفسك بتلوم الناس والعالم والظروف وبتتهم طوب الارض انه واقف ضدك بس في حقيقة الامر محدش واقف ضدك يا صديقي .. انت اللي مش عارف
وبالراحة على نفسك .. كُل واحدة واحدة محدش بيجري وراك .. حتى العفريت اللي كنت بتجري لقدام علشان خايف منه ، لو بصيت في وشه كويس ودققت في تفاصيله هتتصدم لما تكتشف انه “انت” مش حد غريب..
عيش بهدوء ومحدش فعلا بيجري وراك .
ويومكم اجمل من يومي
عشر مميزات للتعلم غير الرسميعشر مميزات للتعلم غير الرسمي

التعلم غير الرسمي هو ما يبقينا نشطين عقليًا ومهتمين بالعالم من حولنا ، فضلاً عن تطورنا المستمر.

فقط لأن التعلم غير الرسمي لا يمكن قياسه بسهولة لا يعني أنه لا يستحق العناء – أو حتى ضروريًا لتطورنا ونمونا كبشر.

إقرأ الموضوع كاملا
كيف تترك أثرا طيبا .. سر الإنطباع الأولكيف تترك أثرا طيبا .. سر الإنطباع الأول

هل الانطباع الأول هو الانطباع الأخير فعلا !
الانطباع ده هو الاثر الى بتسيبه فى فكر الشخص الى قدامك
و هو كمان بدايه لعلاقه جديده مع الشخص الاخر
و يإما نسيب انطباع كويس او الانطباع بيبقى مش حلو
سواء الكويس او الوحش ده بيتكون بسرعه و بيبقى بناء على تصرفتنا و افعالنا .

إقرأ الموضوع كاملا
ماذا يفعل الأب فى حياة أبنائهماذا يفعل الأب فى حياة أبنائه

انت بتربط عيالك بيك من أول يوم بييجوا فيه لحد ما حد فيكم يموت… انت ممكن تكون متخيلك ان عيالك بعيد عنك… بس انت عايش في عيالك… في طباعهم… في ملامحهم… في قلبهم… حتى لو أثرك سلبي… أو سام…
اوعى تفتكر ان كل شيء خارج عن سيطرتك… كل شيء في ايدك انت…

إقرأ الموضوع كاملا
ما يجب أن تعرفه عن التأخر العقليما يجب أن تعرفه عن التأخر العقلي

حقيقة اؤكد عليها من خلال تعاملي مع اطفال ذوي الاحتياجات الخاصة ان لديهم قلوب من احن واطهر القلوب قلوب بيضاء خالية من اي نقطة سوداء ولديهم اعمق التعبيرات الصادقة والصافية وجودي معهم زاد من صفائي زاد من عاطفتي الانسانية اثقل من مهارتي ومن ناحية اخري زاد من مسئوليتي تجاهم زاد من اصراري علي المساعدة السليمة والصحيحة
في بداية مقالي احب ان اوجه كل الشكر لكل طفل عنده امل واراده وكل ام تحاول ان تكون علي قدر من المسئولية  ولكل اب بذل كل جهوده في محاوله فهم ومساعدة ابن او ابنه  من ذوي الاحتياجات الخاصة

إقرأ الموضوع كاملا
ما هى حقيقة الاغتصاب الزوجي؟ما هى حقيقة الاغتصاب الزوجي؟

حقك الشرعي لما تكون مراضيها مش منكد عليها وواخدها غصب لإرضاء رغباتك… هي مش عبد… وطرف في العلاقة زيها زيك لها الحق تقول نعم ولها الحق تقول لا… إلا لو كان الإعراض متكرر يبقى نعمل باللي قاله ربنا في القرآن بردو “واللاتي تخافون نشوزهن فعظوهن واهجروهن في المضاجع واضربوهن” وخليني أوضح لك ان واضربوهن معناها فارقوهن والدليل آية تانية سبحان الله في الكتاب يقول بها الله تعالى للعباد “فضرب بينهم بسور له باب باطنه فيه الرحمة” فالمقصود هنا المفارقة أو المقاطعة… مش اني امسكها اضربها واوديها المستشفى ملامحها مش باينه من كتر الضرب… مش من حقك تمد إيدك أو تتطاول باللسان… هي ماخرجتش من بيت أهلها معززة مكرمة إلا عشان تعززها وتهننها تاني ويمكن أكتر كمان…

إقرأ الموضوع كاملا
معنى القوامة على النساء والحكمة فى ذلكمعنى القوامة على النساء والحكمة فى ذلك

حين فطر الله الرجل ليكون قواماً ، هذا يعني أنه جعل المرأة إحدى مسؤولياته ، لا إحدى ممتلكات ولذلك استخدم رب العزة كلمة الرجال قوامون على ولم يقل عن.. لأن على تفيد من يكون ملزما بأن يقوم على شؤون الآخر وليس تفضيلا عنه كما يفهم من ذلك بعض أشباه الرجال ومشايخ الفتنة

إقرأ الموضوع كاملا
هذا ما تفعله برامج المقالب بأطفالكهذا ما تفعله برامج المقالب بأطفالك

بالطبع قد سمعنا عن أطفال راحوا ضحية للتقليد الطفولي لمشاهد يرونها ببرامج المقالب آملين أن يصبحوا بها أبطالاً مثل مجرميها، فهناك الطفل الذي شنق أخته بحجابها، ماتت هي وذهب هو للاحداث، والطفل الذي أضرم النيران لكي يخيف أصدقائه فرمى طفل بنفسه من أعلى مبنى مدرسته خوفاً من النار

إقرأ الموضوع كاملا
أسس ابنك فى الرياضيات | برنامج متكاملأسس ابنك فى الرياضيات | برنامج متكامل

البرنامج التدريبي الأول من نوعه | أسس ابنك فى الرياضيات – مخصص لأولياء الأمور – لو عندك أطفال يبقى أكيد عندك نفس المشكلة الى كلنا بنمر بيها حاليا .. ( كيفية تعليم الأطفال فى ظل أزمة كورونا ) علشان كده عملنا التدريب ده لأولياء الأمور .. من خلال منهج خاص بتأسيس الأطفال فى الرياضيات

إقرأ الموضوع كاملا
ملامح من الهجرة النبوية المشرفةملامح من الهجرة النبوية المشرفة

الهجرة هي عمل قام به النبي ليعطينا إشارة إلى أن الداعية إلى الله ينبغي عليه الأخذ بالأسباب، فلا يجلس في بيته ويقول إن الله لن يهدي هؤلاء المُلحدين مثلاً! بل يحاول بكل طريقة ويتبع كل أسلوب حتى تصل كلمة الله إلى غير المسلمين.، فينبغي علينا أن نعلم أن الله هو الذي أراد لنا هذه الظروف وأن الخير بانتظارنا وأنه علينا أن ننجح في الاختبار ونثق بالله ووعده ولقائه وقدرته على كشف الضر عنّا كما فعل رسولنا الكريم في هجرته الشريفة.

إقرأ الموضوع كاملا

 

Tagged , , , , , , , , , , , , , , , , , . Bookmark the permalink.

اترك تعليقاً

لن يتم نشر عنوان بريدك الإلكتروني.