About منة زين

كل ما يتوجب عليك فعله وأنت تقرأ لي؛ أن تنسى ذاتك قليلا وتبدأ جديّاً في تخيل نفسك كبطل ممن أكتب عنهم، سأكون سعيده إن شاركتني نتيجة قراءتك

ما يجب أن تعرفه عن التأخر العقلي

التأخر العقلي

حقيقة اؤكد عليها من خلال تعاملي مع اطفال ذوي الاحتياجات الخاصة ان لديهم قلوب من احن واطهر القلوب قلوب بيضاء خالية من اي نقطة سوداء ولديهم اعمق التعبيرات الصادقة والصافية وجودي معهم زاد من صفائي زاد من عاطفتي الانسانية اثقل من مهارتي ومن ناحية اخري زاد من مسئوليتي تجاهم زاد من اصراري علي المساعدة السليمة والصحيحة
في بداية مقالي احب ان اوجه كل الشكر لكل طفل عنده امل واراده وكل ام تحاول ان تكون علي قدر من المسئولية  ولكل اب بذل كل جهوده في محاوله فهم ومساعدة ابن او ابنه  من ذوي الاحتياجات الخاصة المزيد …!

كيف تهزم الإكتئاب ؟ عدوك الخفي

ما هو الاكتئاب؟

الاكتئاب هنا بيأثر على مزاجك… بيخليك مقفول من الدنيا… أبيض واسود! أبيض واسود… الدنيا مالهاش طعم… مش حاسس بأي حاجه… ماسك لنفسك كرباج… وبتلوم نفسك على الفاضي والمليان… حتى على غلطات انت ما ارتكبتهاش… بتفقد الاهتمام والشغف بكل حاجه وكل اللي حواليك… ومش قادر تركز حتى في المهام البسيطة… طب العمل؟ المزيد …!

مراتي .. وأنا حر فيها

العنف الأسري

في كل مره بتقبلي تنضربي فيها قدام عيالك وتتصالحي بطاجن عكاوي كده انتي مش بتحمي بيتك من الخراب… انتي بتخربيه اكتر… وعيالك ده لو موجودين مش هينسوا التفاصيل دي وهتبقوا اسرة متفككه وبيئة مؤذيه ماحدش فيها سالك مع التاني…
في كل مره الشخص هيرفض فيها انه يقول “لأ” ضد أبوه أو أمه لما يتعرض للأذى هيبقى مع الوقت شخصية هشة المزيد …!

ما هى حقيقة الاغتصاب الزوجي؟

الاغتصاب الزوجي

حقك الشرعي لما تكون مراضيها مش منكد عليها وواغضها غصب لإرضاء رغباتك… هي مش عبد… وطرف في العلاقة زيها زيك لها الحق تقول نعم ولها الحق تقول لا… إلا لو كان الإعراض متكرر يبقى نعمل باللي قاله ربنا في القرآن بردو “واللاتي تخافون نشوزهن فعظوهن واهجروهن في المضاجع واضربوهن” وخليني أوضح لك ان واضربوهن معناها فارقوهن والدليل آية تانية سبحان الله في الكتاب يقول بها الله تعالى للعباد “فضرب بينهم بسور له باب باطنه فيه الرحمة” فالمقصود هنا المفارقة أو المقاطعة… مش اني امسكها اضربها واوديها المستشفى ملامحها مش باينه من كتر الضرب… مش من حقك تمد إيدك أو تتطاول باللسان… هي ماخرجتش من بيت أهلها معززة مكرمة إلا عشان تعززها وتهننها تاني ويمكن أكتر كمان… المزيد …!

ماذا تعرف عن اضطراب ثنائي القطب؟

اضطراب ثنائي القطب

الناس كلها تقول “كيفي كده” إلا شخص عنده اضطراب ثنائي القطب لأنه مش عارف هو كيفه ايه بسبب تغير مزاجه بشكل سريع…
يعني ال bipolar disorder ده قولا واحدا بيركز على المزاج؟ ايوه وممكن تجاهل عدم اتزان المزاج ده والتهاون فيه يعمل مشاكل تعيق الشخص المريض من أداء مهامه اليومية زي اي حد ولا قدر الله ممكن توصل لنتايج تانيه ابرزهم بيننا الانتحار… المزيد …!

ماذا تعرف عن رهاب الموت؟

درجة الخوف هنا أعلى… الجسم هنا بيبقى على أتم استعداد… الجهاز الهضمي بيقلب الدنيا قلبان… والأدرينالين شغال على ودنه… الشخص عنده hyperactivity وحساسية زيادة لأي شيء حواليه… مقشعر ومركز مع كل حاجه تأهبا للي جاي… اللي هو ممكن مايكونش عارفه ولا عارف هيواجهه ازاي… وليه! كل ده ممكن عشان الشخص شاف صرصار… ولا طلع مصيف مع قرايبه وخايف ينزل المياه… طلع على كوبري… زار المقابر مع والدته… انت مش عارف ان الشخص ده عضه صرصار وهو صغير فبقى يخاف من الصراصير من ساعتها… ولا انت عارف ان الشخص التاني والده مات غرقان فخاف ينزل المياه يموت زيه… بردو انت ماعندكش فكره ان اللي زار المقابر مع والدته ده عنده رهاب الموت بسبب ان جدته ماتت قدامه… ولا ان اللي طلع ع الكوبري بيخاف من المرتفعات لمجرد انه بيتخيل نفسه بيقع منها وبيفقد توازنه على أي مبنى أعلى من مستوى الأرض بدورين تلاته… المزيد …!

ما يجب أن تعرفه عن اضطراب القلق أو الهلع

أي إنسان بيقلق… في ناس شاغله نفسها بالديون اللي عليها… واللي قلقان وخايف من مادة دكتور مش عارف ايه علشان مابينجحش حد… اللي بيخاف من الأماكن المغلقة… واللي بيخاف من الزحمة واللي بيخاف ابنه يسيبه ويتجوز او يسافر لشغل المهم يفضل جنبه عالكنبه ومش عايزه يبعد عن عينه… اللي خايف من المرتفعات وبيخاف من مجرد طلوع البلكونه علشان هو ساكن في الدور الخامس… المزيد …!

البارانويا | اضطراب الشخصية الزوراني

اضطراب الشخصية الزوراني | كتبت منه زين

أنا جايه أحكي قصتي وهمشي… ماحدش هنا يعرفني وانا مش عايزه حد يعرفني… أنا بس عايزه اتخلص من العبء اللي انا شايلاه فوق دماغي…
عبء مش عارفه اتخلص منه بقالي سنين… بقالي سنين بشوف اللي حواليا بالمعنى الحرفي شياطين… رغم إن المنطق بيكدب شعوري…
المزيد …!

إضطراب الشخصية الحدية

BPD

النهارده هتكلم عن موضوع مهم تحت عنوان “اضطراب الشخصية الحدية/الاندفاعية”..
ايه هو اضطراب الشخصية الحدية؟ وليه هو موضوع النهارده؟
هبدأ بالسؤال التاني…
لأن إجابة السؤال الأول هتبقى طويلة وهي المحتوى كله اساسا..
طيب انا بكتب البوست ده مخصوص عشان انا من الناس اللي اتشخصوا باضطراب الشخصية الحدية (BPD/ borderline personality disorder)
وكنت حابه اقرأ عنه وفي نفس الوقت اعرف الناس اللي عندي انا وغيري من اللي حواليهم بنمر بإيه بشكل خاص وبمعلومة جديدة بوجه عام المزيد …!

ما لا تعرفه عن الإحتراق البشري الذاتي

human internal burning

بتكلم هنا عن قدرة مختلفه حبتين، حاجه كده مش مألوفة، حاجه هو نفسه م كانش حاسس بوجودها قبل ما يبقى في عواقب..
تعالوا اديكوا فكرة عن ظاهره اسمها “الاحتراق البشري الذاتي ..
ومن الاسم نقدر نحدد ان الظاهرة دي تحدث من تلقاء نفسها بدون مؤثر خارجي، زي stereotype اتكررت قدامنا في البرامج التليفزيونية وفي قصص مصورة وغيره ألا وهي التدمير الذاتي للروبوت مثلا… “بسم الله الرحمن الرحيم قررت أدمر نفسي ..” المزيد …!

المداهمة | قصة قصيرة

المداهمة - منه زين

عندما مات مصطفى خشيت ريم من أن تدخل في دوامة نهاية المطاف بها السجن، لأنها من اشترت له الدواء، وهي من أرسلت الممرضة مدعية أنها سوف تهتم به بدلاً عنها، فأخذته وطارق لشقته التي وضع جيرانه مفتاحها في أصيص أمام الباب… وأدخلاه ورحلا لم يشعر من حوله بالشفقة عليه ولكنه .. المزيد …!

بلا تاريخ ولا وقت ولا عنوان

بلا تاريخ - منه زين

لا تاريخ – لا عنوان ولا وقت لعالم كهذا … أستيقظ به على أنين قريبتي قائلة “ماما ماتت”، فآخذ وقتا لأعي أن عمتي هي من فارقت الحياة، شعرت بالقليل من الراحة مصاحبة لوخذ في قلبي حيث ما قد خفت منه زال… عدت إلى جذور الموقف الذي أوقظت في فزع عليه لا كلام ولا بكاء ولا … المزيد …!

أتفكرين بالذهاب؟ | قصة قصيرة

أتفكرين بالذهاب ؟

وحوشا تحوم المدينة ترصدك بنفوس سوداء هالكة..
تنتظر من يحييها مرة أخرى.
وما أنا إلا عابرة سبيل خائنة رافضة للمتعة..
هل ما أردت نابع من رغبة حقيقية ؟ لم أعد أستطيع السيطرة.. وهذا غريب وجميل أحيانا ومخيف كما هو الآن ،
ولا أعلم ما إذا كنت أنا سيدة القرار… المزيد …!